من آداب البيع والشراء

الله يجزاك خير

موضوع مهم في موقع تجاري

تحياتي

:)

الله يجزاك خير

الله يجزاك خير وجعله في ميزان حسناتك

abuhazm

ياليت إنك تطبق هذا الكلام .. لانك نصبت وفي الشهر الكريم هذا .. وأسأل الله العلي العظيم أن ماتتهنى بريال واحد أخذته بدون وجه حق .. وإن شاءلله نشوفك بعد سنه يا.. موظف ارامكو= ونصاب= ماتجي


وأن تبيَّن عيوب السلعة وثمنها ولا يحاول إخفاءها حتى تنتفي كل جهالة أو غموض أو غش في السلع وفي النقود، ويقدم المشتري على الشراء عن ثقة ويتجنب التخاصم·

قال صلى الله عليه وسلم: ''البيّعان بالخيار ما لم يتفرقا، فإن صدق البيعان بورك لهما في بيعهما، وإن كتما وكذبا فعسى أن يربحا ربحا ويمحقا بركة بيعهما'' مسلم·

وقال صلى الله عليه وسلم: ''من باع عيبا لم يبيّنه، لم يزل في مقت الله ولم تزل الملائكة تلعنه'' ابن ماجة·

وانا اسال الله الكريم في هذه الليله المباركه ان يشفيك مما انت فيه.

كل عام وانتم بخير

مسوي أخلاق وبرئ وأنت نصاب.. لكن فرج الله قريب ان شاءلله .. وصدقني بتندم على كل ماسويته .. وترى لنا لقاء نسيت اقولك تراك جار وهذي فعايل الجار .. وللمعلوميه بس ع شان تعرف يمكن إني بالصدف أشوفك وهذا الي اتمناه .. تراني ساكن عند مسجد الحواس

الاخوين الكرام .. سديراووي و abuhazm

بما إننا على أعتاب توديع هذا الشهر الكريم ... ونسأل الله أن يتقبل منا ومنكم صالح الاعمال يارب ...

ليش ماتخلوا نهايته مسك وصفاء القلوب ومحبة .. ف إكراماً للشهر الفضيل
اتصافوا ... ووسعوا صدوركم لبعض ... وتقبلوها لبعض ... @@
على الإقل إكراما ً للضيف الزائر والذي لن يعود الإ بعد عام كامل من الان

ف انا اقدم لكم دعوة كريمه للصفاء .. وان شاءالله تعالى تقبلون بها
وذلك لصفاء قلوبكم بالاساس ....

لذلك أتمنى ان توافقان على ذلك ... بهذه الشروط :
- عدم إنقاص مقدار أحدكما للآخر .
- الصراحة حتى ولو كانت ضدك .
- السعي لانهاء الخلاف ( بالنية ) .
- التأكد بأن ما يقوم به الواحد منكم خالصاً لوجهه الله عز وجل ومن ثم إكراماً للشهر الفضيل ويكون الواحد متأكد أنه حتى في حالة تغاضيه عن الاخر بخطأ او خلافه ليس خوفاً منه ولكن لانه اقر النية لله عز وجل لانهاء الخلاف

وانا جاهز للتوسط بينكما ولو طال الزمن ...

ابو محمد

عزيزي وسيط2007 أشكرك على اهتمامك ونيتك الطيبه.. وكل عضو يهمه الموضوع لاني اشوف المشاهدات وصلت (الظهور: 12,450)
أنا صاحب الموضوع وصاحب العلاقه .. والشخص هذا ماخاف من الله ولا في شهر الخير ولا يهمه غير الريال
ودليل ع هالشيء باعني ونص اعلانه موجود ورسايله موجوده بالدليل وانا مستعد اقولها من طقطق إلى سلام عليكم
وأتحدا إذا أنكر هالشيء
الرجال باعني طير يوم اربعاء استلمته عصر الاربعاء .. على كلامه وعلى قولته الطير مافيه اي عيوب
نجي للمطلوب انا نيتي اودي الطير لطبيب بيطري منها يكشف على الطير ومنها صحة الطير طبعا رحت صيدليه
اسمها رعايه بلاحدود في شارع الملك فيصل( طريق المينا) فيها دكتور احمد قالو ماتفتح إلى السبت
انا بحثت بالانترنت ولقيت رقم الدكتور سألته عن خدماتهم و و إلخ قال تجيني يوم السبت
طبعا في ايام الخميس والجمعه لم اسمع كلمة ولا تصفيره من الطير وللمعلوميه رقم اعلان الطير 1222939
وكتبت الصراحه والي يرضي الله ويرضيني وشفت سومته وصلت 1050 ولله الحمد ..
الي شفته غير اني ذكرت كلام الشخص راعيه المهم الطير حركته واجد بالقفص مافيه شيء ولا يجعر أبد إلى في حاله الخوف
او حالة امساكه المهم شافه الدكتور يوم السبت بالليل الساعه 9:30 والدكتور يشهد على هالشيء ويشهد إني كلمته تلفون الي هو راعي الطير(abuhazm) موظف ارامكو المحترم
وقام يضحك ويقول ليش وش فيه قلبت النفسيه .. رديت عليه قلت الطير ماهو زي ماذكرت ياخوي على كلام الدكتور ولاهو أليف رد علي قال والله ياخوي مادري وش اقولك قلت المهم الطير ماجاء على الكلام الي قلت
قال خلاص اعرضه بالموقع وإذا ماحد شراه جيبه لي الاربعاء لان ماعندي له مكان تعرف انا ساكن بملحق انا صدقت الرجال وقلت تراني مسافر الاربعاء طبعا كانت المكالمه بعد ثلاث ايام من شراءه (السبت)
طبعا انا عرضت الطير والاعلان باقي موجود اتصلت عليه الاربعاء طبعا بعد صلاه المغرب .. مارد علي .. قلت يمكن نايم مع إني ماعتقد لانه وقت إفطار قلت اتصل بعد ماصلي التراويح اتصلت ع الساعه 9:30
مع الاسف مارد علي .. طبعا انا مجهز اغراضي للسفر بعدها ارسلت له رساله جوال ونصها ( وراي سفر يابو راشد) ماجاني رد اتصل مايرد جلست اتصل إلين الساعه 12 ونص مارد طيب أخرني وأخر عيالي بالسفر
قلت أخلي الطير عند رجال فعلا اتصلت بلغته بالموضوع قال ولا تشيل هم جيبه واعتبره بالحفظ والصون .. ماقصر ..
سافرت انا والعيال ووصلت سدير وانا حتى سحور ماتسحرت قلت الله إن شاءلله ينصرني عليه المتسبب المهم وصلت بالسلامه دخلت مستعمل ارسلت له رساله بسيطه وهي ( ؟؟) ردعلي بالرد
____________________
الرسالة الأصلية من العضو "abuhazm" بتاريخ "12:39:29 2011.08.18" بتوقيت مكة المكرمة:
السلام عليكم
اخوي سديراوي مستحي منك لان مثل ما قلت لك ما عندي مكان للطيربالشقه حتى اني كلمت واحد يدور على طيور وعرضته عليه ورفضه.

----------------------------------------------------------------------
عذر مايدخل الراس والدليل على كذبه اخر الرساله كلمت واحد يدور طير... إلخ مع إنه قبل يومين حط ببغاء غيني للبيع ويقول إنه باعه خارج الموقع .. هذا الي ماعنده مكان
غير هذا لو الواحد بحث في ملف عضويته وردوده يسوم طير بقيمه .. هل من المعقول ماعنده مكان ياجماعه ؟
طبعا ذكرته بالموقف وإنه مايرد على جوالي وكلمته .. وإني بحاجه قيمته و و إلخ رد علي بالدليل الي أكدلي إنه كذاب وبرساله خاصه

----------------------------------------------------------------------
الرسالة الأصلية من العضو "abuhazm" بتاريخ "02:52:42 2011.08.19" بتوقيت مكة المكرمة:
ياخوي لو سويت اعلان مضبوط كان انباع الطير من زمان فلا تبلشني فيه
لان الي يشوف اعلانك يخاف من الطير

احذف اعلانك وغير صيغته وان شاء الله ينباع وانا ما اعتقد اني باخذه مره ثانيه لان ما عندي مكان له والعيد جاي وبكون مشغول كثير

بالتوفيق
---------------------------------
يعني انتم احكموا بالله عليكم هذا رد حطوا تحت كلمه ( ما اعتقد اني باخذه مره ثانيه) مليون خط.. وأربطوها بمكالمتي له يوم السبت وقت ماقال جيبه لي الاربعاء


وقال الدكتور بالحرف الواحد ( الطير غير أليف نهائي ولكن تقدر مع الوقت تعوده عليك وتمسح على راسه بس تلبس قفازات و و إلخ .. قلت يادكتور
انا توني شاري الطير وراعيه قايل اليف ولا يعض رد علي قال مع احترامي له انت شفت بعينك
( الدكتور لبس قفاز .. ومسك قلم حط القلم عند منقاره وعض .. دخل يده بالقفص يبي يمسكه أقسم بجلالة رب العباد إن الطير قام يصارخ ويجاعر وقام يتنفس بسرعه خوف)

اعلانه الي بالمواصفات الي حطها (abuhazm) وانتم أحكموا
طير افريقي حجم جامبو
الشهيه مفتوحه ماشالله وياكل اي شي {فول سوداني , حب شمسي , فواكه , رز , بسكوت مغمس , كيك , وخس ...
الصحه ممتازه
ولوف و حركته كثيره
عنده تصافير وتشاكيل وعلى خرفشه كلام توه
تجعيره نادره في حاله الخوف


أنا قلتها له واقولها الحين قدام الخلق .. والله ما أسامحه حتى لو حطوه في قبره.. وفي هالشهر الفضيل وفي هالايام الاخيره وإن شاءلله حسابه يوم الحساب أمام الخالق سبحانة


ع شان ماحد يقول إني كتبت هالكلام من راسي وهالكتابه كتبتها صباح فجر ال29 من رمضان( أقسم بالله العلي العظيم أن كل حرف كتبته صادق فيه ولا زودت في اعلانه ولا رسائله الخاصه والله على ما أقول شهيد

هذا رده على إدارة مستعمل
___________________
الرسالة الأصلية من العضو "مستعمل" بتاريخ "15:17:29 2011.08.20" بتوقيت مكة المكرمة:
السلام عليكم،،

أخي الكريم، لقد رد علينا العضو "abuhazm" وقال أنك استلمت الطير.

مع تمنياتنا لكم بالتوفيق،،
إدارة موقع مستعمل.

____________________
الرسالة الأصلية من العضو "abuhazm" بتاريخ "10:14:07 2011.08.20":
السلام عليكم
تمت العمليه والرجال اخذ الطير من عندي وجلس معاه الطير حوالي الاسبوع وبعدين يبي يرجعه!!!

للمعلوميه قبل اسبوعين حولت من حسابي بالراجحي مبلغ 12 ريال عموله البيعه(1200) فمو معقوله احول العموله والبيعه ما تمت!!!

يعطيكم العافيه


لاتعلييييييق والمفهوم واضح بالرساله الخاصه منه لإدارة مستعمل .. وكذب ثاني في رمضان

اهلاً فيك اخوي سدراووي صادق انا شفت الكلام ذا من قبل في احد المواضيع والاختلاف ذا ...

طيب بسألك .. انت اخذت الطير منه بكم .. ؟؟؟

لان الطيور تختلف بإختلاف اعمارها وولفها .. انا اشتغلت فترة في سوق الطيور ومع واحد من الزملاء بس ما شجعتني بصراحة .... وطلعت منها ..... والحمدلله ماخسرت ولكن طلعت براس مالي منها ....

على العموم واضح لي مما كتبت التالي :

الرجال باعك الطير على أنه يشكل واليف وشهيته مفتوحه للأكل وانت لقيت العكس ..
- - - -
والمعروف عن الطيور ولفها للمكان ..... يعني الطير حتى لو كان اليف .. اذا تغيروا عليه الناس والمكان ماياكل وتجيه حالة نفسية ( من جد )
ويبدأ ينتف الريش اللي عليه ... ( ينتف ماهو يحك ) وهذا دليل على انه تعبان نفسياً
ولكن الواحد يفضل في البداية عند إقتناء طير جديد عليك ... وانت جديد عليه وعمره ( كبير شوي ) اعتقد اللي عندك كبير انا شفت صورته بالاعلان عيونه صفرا
تحتاج إنك تكون جرئ معاه على الأقل ساعتين يومياً ... تحط على يدك قفاز او منشفة وتدخلها عليه وتحجره في زاوية وتجلس تملس على راسه شوي ....
وبالنسبة للأكل حط له الاكل العادي ... ( حق الطيور ) لا تحط فول ومادري ايش ... خله ياكل الاكل الطبيعي حقهم ... وطووول مانت عنده ماراح ياكل قدامك ... حط الاكل وروح .. والموية لا تخليها عنده كثيره شيلها عشان لا يدق فيها ويجيه اسهال ( اكرمك الله )

طبعاً انا طلعت من الموضوع الرئيسي ودخلت في موضوع بعيد مرررة ولكن القصد منه هل انت عملت الحاجات هذي مع الطير ... وما ولف عليك لسه .. ؟؟؟


اما كلام اخونا حسب روايتك انه قايلك مايفكر ياخذ الطير ثاني ... هو اعتقد ما صدق على الله بااااعه ... ومن وجهة نظره انه باع وانت اشتريت .. ( وهل كان بينكم اتفاق انه اذا ماكان حسب ما اتفقتوا عن الطير ترجعه ) ؟؟؟؟
وهنا انا اعتب عليك بعدم إستخدام وساطة مستعمل على الاقل الطير عندك وفلوسك ماراحت تشوفه وتكشف عليه ناسبك ياخذ فلوسه ماناسبك ترجع لك فلوسك ويرجع له طيره .......


صدقني الاختلاف بينكم بسيط ... وهو انه مارضي ياخذ الطير وانت تحس انك تورطت بالطير ( اللي مختلف عن المواصفات المعلن عنها )
الحل .. اذا كل ما ذكرته صحيح .. أن يقوم الاخ abuhazm بالاتفاق معك على ارجاع الطير او يشتريه منك بسعر اقل من بيعه عليك .. ويصير انت ماخسرت فلوسك كلها وهو يجيه الطير من ثاني ويبيعه لاحد غيرك مع تعهده بأنه يعرض الحقيقة عن الطير للملأ .... واللي بيشتري بيكون مشتري على علم ...


والله اعلم ...

عزيزي وسيط .. الطير طال عمرك اخذته ب 1200 لانه حده علي.. وعمر الطير سنه ونص تزيد او تنقص على كلام الدكتور

الله ينور عليك الطير غير الي ذكره بالاعلان يمكن عنده الولافه إنه يتحرك مادري ماتدخل المخ الطير غير أليف ولا يطلع على اليد نهائي

صدقني ياخوي وسيط إني حاولت لاني دخلت منتديات خاصه بتربيه نوع الافريقي ولكن مع الاسف صعب التعامل وخاصه بالعمر سنه وعليها .. اصلا وانا في الصيدليه لهم محل تبع للصيدليه اسمه رعايه بلا حدود محل لبيع الطيور لقيت يماني فيه حاول فيه قال هذا صعب عليك تدربه لان عمره كبير وقام يعرض علي طير عمره 6 شهور يقول تعال بعد العيد وتلقاه مثل الطفل يلعب قدامك


وهل كان بينكم اتفاق انه اذا ماكان حسب ما اتفقتوا عن الطير ترجعه ) ؟؟؟؟

تكفي المكالمه يوم كنت عند الدكتور وقوله لي بالحرف اعرضه وإذا ماجاب لك قيمه جيبه لي الاربعاء وللمعلوميه انا كاتب هالشيء بالإعلان


الاختلاف ماهو بسيط خاصه إنه في شهر رمضان .. وخاصه وانا اخوك الدعوه على الشخص زي الي يقول أدعي علي لين تقول بس ويزيدها عليك بالله يشفيك ..:)
وأشكرك على رحابه صدرك

الله لا تشغلنا الا بطاعتك
اشغلتنا الله يشغلك بنفسك
على فكره ردي هذا علشان الرجال الي بيتوسط بيننا وبعد كذا ما بشغل نفسي بالرد عليك

هذا نص اعلاني للتذكير

السلام عليكم ورحمت الله وبركاته
قبل كل شي قولوا ماشالله تبارك الرحمن

طير افريقي حجم جامبو
الشهيه مفتوحه ماشالله وياكل اي شي {فول سوداني , حب شمسي , فواكه , رز , بسكوت مغمس , كيك , وخس ...
الصحه ممتازه
ولوف و حركته كثيره
عنده تصافير وتشاكيل وعلى خرفشه كلام توه
تجعيره نادره في حاله الخوف

البيع مع القفص بالرياض

وشكرا

يعني ما اعتقد اني قلت ان الطير يرقص سامري ولا يطلع على اليدولا اذكر اني حددت عمر الطير كلامي كان عام وانت ما فكرت تسال عن اي شي يعني بالعربي انا ذكرت الاشياء الزينه بالطير ولو سالتني عن شي غلط بالطير كان قلت لك
بعدين للمعلوميه الطير تم فحصه من قبل بيطري بالرياض من قبل احد الاعضاء بالموقع وقال البيطري ما في اي شي بس اختلفت مع الرجال بالسعر وبعدها انت سمته مني وازعجتني عليه وقلت خلاص نصيبك مع العلم ان فيه واحد سامه باكثر منك بس قلت خلاص عطيت الرجال كلمه
بالعربي انا كنت غشيم قبل فتره وشريت طير وانا مطفي النور وانخدعت وقلت غلطتي وانا لازم استحملهالاكن مسالت انك تحس انك انخدعت بالطير واناالى قايلك ادخل البيت وطف السياره علشان ما تنسرق السياره وقلت شوف الطير قدامك (ولا اتفقت معاك انك تتونس بالطير 3 ايام وبعدن تفكر ترجعه) وبعد كذا مسوي زحمه لانك غشيم!!!
والاسوى من هذا كلها لو سويت اعلان مثل الاودام ونزلته هنا بالراحه بينباع بنفس قيمته لان لو تلاحظ في طيور كبيره وجامبو ونفس المواصفات وبنفس السعر

ويشهد على ربي اني بغيت اشتري الطير منك بس من بعد ما شفت موضوعك الي حذفوه الاخوان بالموقع بطلت من الفكره


خلاصه الكلام كبر راسك شوي ولا تضيع وقت العالم معك
الطير بيجيب لك سعره واعتبرها درس بالطيور مثل ما انا اعتبرتها

معلومه اخيره قالها الاخ وسيط
ترا الطيور مزاجات يعني في طيور تنشرى بالالف بس لما يدخل البيت وما يعجبه المكان تقلب نفسيته

كل سنه وانتم بخير

اشكركم الاثنين على رحابة صدوركم
ومن العايدين

يعني الان نقدر نقول نقطة الاختلاف بينكم في حاجتين
الاخ ابوحزم ما حط في اعلانه عمر الطير وما حط عيوب الطير
والأخ سديراوي ما ناسبة الطير واعتبر انه انضحك عليه لان الاخ ابو حزم قاله باخذ منك الطير وما نفذ وعده

وبعيداً عن سعر الطير

أشوف أنكم قريبين من بعض اثنينكم خاصة ان الاختلاف بسيط ان شاء الله
لذلك بما إن ابوحزم ما حط عيوب الطير وانا بعتبر سديراوي غشيم بالطيور وما سأل عن عيوبه
وكان متوقع انه مجرد ما ياخذ الطير بيلقاه لعوب ويصفر ويطلع على يده في يومين بالكثير

أنا بحط لكم رائ واتمنى ان تتسع صدوركم له
أشوف انه يا سديراوي يرجع الطير لراعية وياخذ منه مبلغ 900 ريال
ويكون خسر في البيعه 300 ريال حق تعلمه انه لما يبي يشتري طير ثاني لازم يكون على إحاطة كاملة بطريقة تربية الطيور واقتنائها
وأما الاخ ابو حزم بيكون درس لها انه متعاد يعرض سلعة الا لما يعرض عيوبها قبل ميزاتها لانه زي مافي محترفين في السوق في ناس ماتعرف لها ولازم يكون واضح مع الناس
مع تعهده في حالة بيع الطير مرة اخرى
ان يعرض مميزاته و عيوبه على حد سواء


وكل عام وانتم بخير

abuhazm
الحين انا اشغلتك يانصاب .. وانت جالس تبرر أمور ماتدخل الراس .. انا ما أشغلتك هذا سوق وأنت نصاب ودليل ع النصب شوف كلامك متناقض ولا ينفهم منه شيء .. صدقني قدرك هالشيء وشف الليله اخر ليله وصدقني انا عند كلامي وإن شاءلله مايضيع الحق .. ويوم انك غشيم تجلس تضحك على الناس ؟ جالس الصباح وتقرا وبالاخير توك ترد ؟ هههههههههه ماعلينا من هالموضوع ونرجع موضوعنا ماعلينا من كلمه يرقص سامري ومن هالخرابيط انا ابي كلمه ( ولوف ) وش تعني لك مجاعر وخوف؟ ياخي الله بالعين ماشفناه لكن بالعقل عرفناه .. ولا تجلس تسوي نفسك مظلوم ومن هالحكي وبعدين وش اتونس بالطير ثلاث ايام .. هههههههههههههه قسم بالله إني فطست ضحك .. انا ابيك بس الان وقدام الخلق وانا أقول أتحدى هالشيء وانت جبان ولا تقدر ع هالشيء ابيك تحلف إنك يوم السبت يوم كنت عند الدكتور تحلف انك ماقلت اعرضه لي وإن ماجاب قيمه رجعه لي الاربعاء ؟ بس ابيك تقسم على هالشيء وهذا وجهي لو شفتووه رد هنا ..

وبعدين انا ما أبلشتك انت الي ابلشت عمرك تنصب ع الخلق وهذا وانت في ارامكو شلون لو إنك رئيس الشركه .. صدقني انا ماينقصني شيء ولا أقدر أجيك لحد باب بيتك وأخذ مرادي ماهو بالطيب بالغصب وانت أدرى لكن انا مابي هالامور ولا تتطور لكن انت شكلك تبيها تتطور أكثر بزياده.


والاسوى من هذا كلها لو سويت اعلان مثل الاودام ونزلته هنا بالراحه بينباع بنفس قيمته لان لو تلاحظ في طيور كبيره وجامبو ونفس المواصفات وبنفس السعر

أنا ابي رد وسيط2007 يرد عليك .. يعني أكذب+ أنصب وزي ماكنت غشيم انت تصير غشيم ويالله يلف ع خلق الله ..


خلاصه الكلام كبر راسك شوي ولا تضيع وقت العالم معك
الطير بيجيب لك سعره واعتبرها درس بالطيور مثل ما انا اعتبرتها

إذا وقتك ثمين فوقتي أثمن منك .. أنت خايف من شيء مثلا ؟ أنت إنسان حقيقتك وبانت عند الناس فشيء طبيعي تبي تلم الموضوع وانا أقولك ماينتهي الموضوع.. والطير لو جاب لي 2000 فصدقني ماينباع إلى بالي يرضي رب العالمين ويرضي الي يشريه



معلومه اخيره قالها الاخ وسيط
ترا الطيور مزاجات يعني في طيور تنشرى بالالف بس لما يدخل البيت وما يعجبه المكان تقلب نفسيته

هههههههههههه ضحكتني عذر أقبح من ذنب .. عاد في ثلاث ايام .. ودي أصدق بس قوووووووووويه قوووووووووويه

وسيط2007 .. اشكرك ع رحابه صدرك وصدقني أنت رجال ماقصرت .. لكن وانا أخوك هذا مايرضي الله أولا ولا يرضيني .. يعني افرض فرضاً إني قلت اوكي طيب ال300 هذي وش ثمرة غشم يعني .. وهو أعترف وقدامكم إنه كان غشيم ومطفي النور و و و إلخ يبرر كلام مايدخل الراس ولا لو هو رجل بمعنى رجل كان قال الطير فيه كيت وكيت وكيت هذا اولاً يبري نفسه لكن أخونا بالله ماعنده من هالامور لكن صدقني لا ترجي من هالشخص شيء لانه منافق .. ونصاب .. ودليل ع نفاقه يقول (ويشهد على ربي اني بغيت اشتري الطير منك بس من بعد ما شفت موضوعك الي حذفوه الاخوان بالموقع بطلت من الفكره)

وصدقني إنه نفاق بأم عينه .. لو عنده هالشيء كان صار من حذف الموضوع ولا جلس هالايام كلها ينتظر موضوع يتكلم فيه عنه .. صدقني هالرجل يبحث عن مخرج وإنه يبري نفسه من هالشيء وصدقني الموضوع بيجلس إلى السنه الجايه وينتهي في رمضان السنه الجايه وإن كنا من الحيين صدقني بيبقى الموضوع إلين الله يهديه

الله يهدي الجميع يارب ...

انا كان ودي انهي الخلاف بينكم قبل انتهاء رمضان ... ودخول العيد بقلب صافي لا اقل ولا اكثر وانا عارف اني حُكمي كان قاسي عليك ولكن انا عارف ومتأكد انك ما راح ترفض
ويكون بكذا ماله اي حُجة في إرجاع الطير ...

على العموم الله يهدي النفوس يارب

وسيط2007
والله ماردك ياكحيلان ولا راح أرفض كلمتك .. والله إنك تستاهل كل طيب .. ولك الي تبيه والكلام الي قلته يمشي .. وهال300 أعتبرها صدقه عني وعن والدي

بيض الله وجهك ... !!!!
عز الله انك نشمي ولد نشمي ...

باقي رد اخونا ابو حزم .... ان شاءالله تعالى يكون قريب

يااااازين هالدراااهم لو عندي كان الحين انا غني هههههههه

: Tom-Foss

الله يرزقك الي تتمناه.. ويعطيك ع قد نيتك