جميع الحقوق محفوظة ©
وطن لا أملك فيه أمتار من أرضه , هل يستحق أن أحمي طوله وعرضه ؟
خليها بالقلب تجرح ولا تطلع وتفضح :(
لا يستحق
لا يستحق
http://s.alriyadh.com/2011/09/16/img/157779835274.jpg
http://www.tabarjalnews.com/contents/albumsth/188.jpg
تفكير مادي جعل منك ان الوطن لا يستحق ان تدافع عنه عجبي منك يارجل البلد مليئة بالخيرات لكن ؟ الرزق لا يأتيك بدون اسباب لا تعتمد على الراتب هناك مداخل كثيرة جدا للرزق ان بحثت سوف تجدها انا كفيل لواحد يمني جلس فترة عندي وتعرف على احوال البلد طلب مني بأن افتح له مكتب عقار وبالحاح شديد فتحت محل وفتح الله له الخير ورصيده ماشاء الله سعى واعطاه الله الرزقولدي كثير اعرفهم ممن انعم الله عليهم بالرزق من الاعمال الحرة فلا تيأس من طلب الرزق اذهب الى سوق الخضار والفاكهه وتجول واسأل الله ان يفتح عليك بهذا السوق ترى هناك كثير جدا في هذا السوق مكسبه يوميا من 1000 الى 1200 ريال يعني الرتب الشهري المتوسط 30000 الف ريال وهذا الكلام لكل واحد وليس لك ايها النرجس
41 حياك الله ووجهة نظر نحترمها
43 حياك الله , صبراً جميل والله المستعان
فيه ناس تطفح بالوطنية، اسألك هل تفحط بحجة ان المنتخب فاز؟ هل تكسر الممتلكات لأنك تحتفل بيومك الوطني؟ هل تعطل السير؟ هل تستخدم الواسطة؟ هل تقطع اشارة المرور؟ هل هل هل ......
اذا كنت لا ولن ولم تفعل شيئا من ذلك أهنيك وأهني الوطن بك ، الوطنية سلوك وليست كلمات.
( الفقر في الوطن غربة ...)
44 حياك الله لكن التفكير ما هو مادي الله يجزاك خير , أنا أعيد وأكرر أقول حقي في بلدي
اليماني جاي شايف الموت وراهـ فما عنده مشكله يقدح لجل لقمت عيشه
وأحنا كذلك موظفين دوله ونداوم من الساعه 7 ونطلع الساعة 3 إلا في حالت أنك تبينا نفصل من الوظيفة الحكوميه ونشوف أعمال تجاريه !
أخي العزيز الكلام غير والواقع والتطبيق غير !
بنسبة للأرزاق في من عند الله سبحانه ولا تطرقت لها ولا قلت أصرفوا علي أنا قلت يحق لي كمواطن أصيل أن أمتلك أرض في بلدي حتى وأن كانت مساحتها صغيره أأمن فيها مستقبلي ومستقبل عيالي
ويكون في علمك أن ما خليت مكان إلا ما عملت فيه في الفترة المسائيه
إلا في حالت أنك تبيني أعيش 24 مداوم أو بالقليل 20 ساعه دوام و4 ساعات نوم
يعني سستم وكنترول حياتي كلها دوام ولا أقدر التفت لأموري الأجتماعيه
عزيزي الرواتب ضعيفه وأنت بهذي الصفه متعثر حتى لمطالبك الخاصه ما بالك لو أفكر أتزوج ؟
ولله يبغالي 10 سنوات أخرى على شان أقدر أأمن زواجي ,
أخوي بدر جزاك الله خير ركز معي
أنا شريت دبابين وقلص على أساس أشتغل فيها مضبوط والكلام هذا العام !
أخذت سلفه من أحد الزملاء ( سلفه ) راتبي يالله يمشيني
وشريت ب6000 دبابين وأقذت ب 2500 قلص وسحبتهم على سيارتي ورحت لثمامه
قعد مدة شهر يالله ألقاء زبون على شان عشره ريال !! والرزق من الله لا يختلف عليه أثنين
قبل نهاية الشهر كلمت جاري الوافد ( باكستاني ) وهو صاحب ل 22 دباب ملك له والله يرزقه حتى ما حسده والله يعلم ما في قلبي , وقلت له أحرس دباباتي بروح أجيب بواجي وزيت وبعض المستلزمات , بعد ما رحت بنص ساعه أتصل علي يصيح !!
يقول تعال بسرعه البلديه والشرطه يشيلون الدبابات !!
رجعت لقيت شبه حرب عصابات مع اصحاب الدبابات والبلديه والشرطه وكل ما كلمهم سعودي يقولون له رح الحجز تفاهم هناك !!
رحت لهم قالوا عليك غرامه 5000 !! قلت ليش قال حنا عطيناكم أشعار أنتم واصحاب المخيمات والكشكات ! قلت لهم أنا هذي سيارتي الصغيره واسحبها بقلص يعني ما تنام في الموقع ولا جاني اشعار ولا كنت داري انه ممنوع من يوم ما عرفت نفسي والدبابات في الثمامه للإيجار !
قال النظام لا يحمل مغفلين ومن هالكلام ! قلت لهم يا مسلمين انا لما امشي ولله الدبابات اخذها واحطها بورشه عند يمني داخل البلد بإجار 100 ريال في الشهر ! قالوا أنسى لين تدفع الغرامة !
الأن أخوي بدر : 6000 قيمة دبابات + 2500 قيمة قلص + 5000 غرامة > كيف أسددها والغرامه نص راس المال اللي تسلفته ووقتها ما دفت الدين اللي علي يعني المبلغ المذكور مطلوب جزء منه كاش غرامة وجزء منه سلفه !
صبرنا وأحتسبنا ومشينا وراحت الدبابات ولا طلعتها ليومك هذا ومازلت أقصد زميلي اللي أكذت منه المبلغ
بعدها بأيام فكرت وش أسوي ما عند راس مال ولا عندي دخل ثاني ومن العصر إلى المساء ما عندي شغل ضروري أشتغل , وقتها نزلت أعلان في منتدى مستعمل عن وظفيه مسائيه وقعد الاعلان شهور ولا جاه رد واحد ! رحت لكذا مستوصف قالوا عندنا اكتفى بدون مبالغه أكثر من خمس مستوصفات
المهم قلت بروح أكد بسيارتي لمطار الملك خالد رغم أني أكره هذي الشغله كره العمى لكن الحاجه عميى !
بتأكيد رحت المطار ومن ثاني يوم مسكوني مباحث المرور ولا كنت أدري أن فيه مباحث مرور يعني رجل مرور لابس مدني ههههههههههههههههه تخيل النذاله وش سوى قال ابي مشوار ولما ركب معي قال كم تبي قلت اللي تدفعه يا رجال , قالي رح منى ورح منى لين جابني شرق المطار في منطقة شبوك وقال مع المرور ووقف عند الدوريه اللي قدامك ولما بالفعل وقت حجزو سيارتي وسدد غرامه وكتبت تعهد وبعدها حلفت ما اروح المطار
جيت ورحت أشتغل في الغنم وأنطقيت في أحد أسواق الرياض وشريت 3 روس من الغنم من راتبي وكلمت الوالده وقلت بعد اذنك هذا الشه ما راح أرسل لك ال 1000 اللي معودها على اني ارسلها لها من بداية ما توظفت وقالت الله يوفقك ما يحتاج
قعدت مع ال 3 روس من الاغنام ويالله رجعت راسل مالي ووحده مرضت علي وخسرت علاج اسمه بنسلين ب50 ريال وعلاج اسهال ب 35 عباره عن عصار يعني خسران 85 ريال ويالله رجع راس المال
جيت ورحت عند محلات الخضره وقت في محل يخليني اشتغل مساء ابيع له واطبق نظام السعوده ؟ قال واحد يمني بالعربي يا اخوي حنا اصحاب المحلات اللي تشوف وحتى وان كانت بأسم سعودي وبصراحه عيال عمي كثير ولا لقيت لهم وظايف وانا لو ابيك تشتغل ابيك تشتغل فترتين وبعطيك راتب 2000 قلت له سقها وراي دوام
جيت اطلع فيز قالو حرام وهربت ونسيت الموضوع
جيت اكد الرياض الشرقيه ومشت معي شهرين لين حسيت جمبي وظهري يعوروني من الخطوط وعيوني وراسي صدعوا ماني متعود وكل اللي يكدون أو نسبه منهم ياكلون حبوب بالعربي وانا ما اقدر اداقش مع هالخطوط
وووو ............... إلخ
لكن يا أخوي انا ما جيت أدور نصائح بحث عن عمل واعرف وش اسوي لكن الموضوع كله عن أرض خاصه لي تعتبر من أبسط حقوقي بحكم اني سعودي أصيل على قد حالي ومستوره الحياه معي وأبيها لانها حقي مشروع لي
وطنيه ما عندي وطنيه اقولك بكل صراحه أنا عندي أنتمى قوي وحميه على ديني أما وطنيه
لا أغتيلت من عام 1423 هـ ولا حد أخذ حقها إلى الان
وجزاك الله خير والحمد لله دائماً وأبداً
46 أحمد
هلابك يا أخوي
ما أتوقع أن مباراة كوره والجلوس أما الشاشه والتناحر والتناطح عليها أكثر أثاره من مجازر سوريا وأخوانا في بلاد المسلمين عمرهم ما فازوا العبيد
كل اللي ذكرته ما قمت بها ولا جعلني اسويها يارب
سلوكي ولله الحمد تربية رجال وأراعي ما عند الله
ما شحذت ولا عمري دخلت مركز شرطه ولا علي اي سابقه ولا حد اشتكاني ولا اذيت احد
مره وحده دخلت المرور وذكرتها في المشاركه السابقه
الاخ العزيز النرجس
صدقني قرأت ردك رقم 47 بتمعن شديد والله يلوم من يلومك
انت مثال رائع للرجل المكافح والمثابر لكن في شي وانا اخوك
الي هو التوفيق هذا لا هو بيدي ولا بيدك ولابيد احد هذا بيد الله وحده سبحانه وتعالى
انت ماقصرت سويت كل شي ممكن تسويه لكن منت بعيد عني
انا وانت في الهوا سوى الحظ يعاند والمشكلة الي يتوفق وتظبط معه
قال انا تعبت وكافحت وماخليت ولا بقيت وينسى ان الله هو الي وفقه
للاسف كثير من الناس وانا منهم نكدح ونتعب ونجتهد لكن ينقصنا شي مهم جدا
وبدونه ما يتم النجاح الا وهو التوفيــــــــــــــــــــــــــــــــــــــــــق من الله
عموما اسف جدا على الاطالة واسال الله العظيم رب العرش العظيم
ان يفتحها بوجهك ويرزقك من واسع فضله ويسخر لك عيال الحلال
واحب بس اهون عليك واقولك باقي انت الحمد لله عندك وظيفة ثابتة ماشاء الله تبارك الله
صدقني انا للاسف حتى وظيفة ثابتة ما عندي
الله يطرح لك البركة في مالك ويوفقك ياغالي
49 الله يجزاك خير ههههههههههههههههه والله يطمن قلبك
صدقني ما عندي أي مشكله وعايش حياتي ومبسوط ولله الحمد
ولا يقنصي إلا أن أحمد لله بس ذكرت حقيقه فقط لا غير
ومسألة التوفيق نعم الكل يحتاجها وهذا من ربنا سبحانه
لا شك أننا مقصرين لكن ربنا كريم وراح ندعوه حتى يستجب بإذنه تعالى
الدنيا ما راح توقف على أرض أو وسيلة من وسائل الحياه
القناعه في القلوب والتقوى في القلب والنيه من القلب والراحة تأتي للقلب والسعادة بطاعة الله والتلذذ بالتقرب إليه
ما عندنا مشكله نعيش عيشه صعبه أجدادنا ما خلوا شيء بعدنا وهم خير مثال
الاستمراريه مطلوبه وعزم النيه مطلوبه والصدق مع الله ومع الناس أهم عوامل النجاح والتوفيق
شد حيلك وأنا خوك ولا تقعد تدور في مكانك
لكن بنسبة لمضمون الموضوع أنا مقتنع أني لن أدافع عن اللصوص والحراميه والفجرهـ فقط
هذي السالفة بختصار وشكراً لك
