مشكلتي مع مكيف السياره وخداع ورش الصناعيه...للفائده

بيض الله وجهك
وليت الناس كلهم زيك ذبحونا ذالعماله لاوبعدين من كثر السيارات الي عندهم مايكلمك الا من راس خشمه....

جزاك الله خيرا
دائما المواطن العادي هو الضحية
عندما تقسوا الأنظمة على هذه العمالة ( وهم إخوة لنا ولا شك ) أو هكذا يظنون يقومون بالإنتقام أو هكذا نظن
فتكاليف المعيشة بالإضافة إلى سوء المعاملة من قبل البعض لهم واحتقارهم ( وكأنهم عبيد للأسف ) ولد هذه التصرفات اللامسؤلة

دائما الوازع الديني هو الحل وهو ماينقص الكثيرين
إذا تحلى به الكل لكنا في سلام

ومع هذا موضوعك جميل جدا
وأغلب الإصلاحات يتحججون بوجود زحمة واحتياج وقت كثير
وتكتشف أن العملية سهلة ولاتحتاج وقت لكن كيف يقنعك لتدفع مبلغ وقدره لو كان ذلك أمامك

الله يجزاك الف خير اخوي, تعرف هذه الأيام النصب في وضح النهار الشئ الي با 50 ريال يصير با 400 ريال, خصوصا الأشخاص الي مايفهمون في المكانيكا هم ضحية الورش! لان العامل يقدر يقوله اي سعر في باله ويقول انا سويت كدا وكدا وبدلت هذه القطعه وهو ماسوى شئ اصلا إلا شغل بسيط, اتمنى لو يتم تشديد الرقابة عليهم لان بصراحة هذه الموضوع ماينسكت عنه ابدا ابدا

جزاك الله خيراً موضوع يستحق الشكر لئنه اخذ جهد من صاحب الموضوع
لنكن اكثر تعاوناً الجميع ليقول


شكراً صاحب الموضوع

اخوي حالي من حالك مع المكيف ممكن تساعدني فيه

بورك فيك يابطل انا اشهد انك ذيب :)

ماشالله والله يعطيك العافيه كفيت ووفيت وانت فخر لنا وتمنيتي لك بالتوفيق

ما شاء الله .

انا نفس العمليه حصلت معي مع مكيف اسبلت طلب مني الباكستاني 200 وسألته عن القطعه وشفتها قلت كم قيمتها قال 150 ريال وطلعت ب25 ريال واشتريتها وركبتها انا بنفسي

ابو ضاري .. ووجهك ابيض شكرا على المشاركه الجميله
وفعلا كلامك في محله تلقى العامل شايف نفسه وكأنك انت الى في حاجه لا اريد والله ان اقسوى على هذه العماله ولاكن والله ثم والله إني عانيت منهم ولي قصص كثيره مع هؤلاء والغالب من اخواني الاعضاء وانت منهم يابو ضاري شفتوا وعايشتوا مثل هذه القصص وبصراحه نحن جميعا نتحمل جزء من المسئوليه

شكرا اخي مشاري على الإضافه الجميله
..........................

ابو سالم جزاك الله خير وفعلا كلامك عن النصب صحيح وهذا الموضوع مجرد مثال على ذلك النصب وعلى قولتك ما عاد ينسكت عنهم يجب التعاون من الجميع

...................................
أخي مجازف شكرا على هذه المبادره الطيبه وهذا من طيب أصلك بحد ذاته مشاركة أي عضو في موضوعي هذا هو شكر ومحبه فكل التقدير والاحترام لك اخي مجازف وللجميع

اخي عادي اتمنى ان تجد حل لمشكلتك وتستفيد من موضوعي هذا وسأتواصل معك على الخاص ان شاء الله
................
اخي رخيصوكويس شكرا على المشاركه ووجهك ابيض
................
اخي جيغسوا الفخر هو مشاركتك لي في هذا الموضوع كثر الله من أمثالك
..................
اخي مسامح بارك الله فيك على الإضافه وفعلا هذا دليل على أن الناس تعاني من هذه العماله ويجب وضع حد لهؤلاء بتثقيف الناس

تسلم استفدت منك كثير وشكرا ع مشورتك بالخاص

ما شاءالله تبارك الله يعجبني من يتعلم ويعتمد على نفسه ..
الى متى وحنا نعتمد على غيرناا
الله يسعدك كما اسعدتنا وافدتنا ونفعت اخوانك..

بارك الله فيك

الله يكثر من أمثالك

ارفع القبعة احتراما وتقديرا لك..

الله يجزاك خير أخي
والله ذقت الويل من خساير المكيف والسبب هو العمالة اللي جاية تتعلم الحلاقة عندنا

المهم أنا لي تجربة هي انو عندي مزرعة وبها مكائن لرفع المياه والباكستانيين عندنا هم اختصاصيين في هذه المهنة لقيتهم مسوين الهوائل في أصحاب المزارع كل اسبوع تلاقي المكينة خربانة وشغلتها ما تسوى ما تكلف خمس عشرة ريالات يرفعونها لميتين يوم خربت المكينة قمت فكيتها وسويت لها توظيب كامل وحاولت في وزنيتها إلين وزنتها إلا وهي احسن من شغلهم بألف مرة ومن يومها نسيت اسم باكستاني وكنت ادفع اسبوعيا تقريبا او اسبوعين 600 ريال
ورحت اشتريت ونش للفك والتركيب والشغلة ما اسهلها
والحمد لله والشكر فعلا العمالة عندنا مستغفلتنا إلى ابعد حد

للمعلوميه سعر دبه الفريون بالبحرين ارخص من السعوديه

ماشالله والله يعطيك العافيه

انت صح واحنا غلط . ياليت فيه ناس واجد يسوون مثلك
اكثر دولة فيها ورش و صناعيات . فلوس المواطن رايحة

اخواني جميعا اشكر لكم مشاركتم لي في موضوعي هذا وما كان الهدف الى للفائده فجزاكم الله خير وتقبل الله صيامكم وقيامكم