مشكلة لم نجد لها حل منذ15عاماً

اسال الله ان يشفيه ويعافيه

آمين..جزاك الله خير اخوي

الله يشفيه ويعافيه

آمين..جزاك الله خير

اذا عنده سمنة وزيادة في الوزن خليه يعمل تكميم او ينقص وزنه

اعرف شخص كان عنده اضطرابات في النوم ولما نزل وزنه بعدما سوا تكميم معدة نومه اعتدل

بكثير وتغيرت حياتي بالكامل

جزاك الله خير

الله يشفيني و يشفيه تقريباً نفس الحاله النوم ما يجيني اقدر اواصل يومين -ثلاثة
والمصيبه بعد كل ذا السهر ادور للنوم اتقلب كذا ساعه وان نمت انام أبو ساعه او ساعتين و أقوم واحاول ارجع أحيانا ما اقدر ارجع اسهر يوم واكثر
وعلى هذا الحال من فتره
و كرهت نفسي و اللي حوالي أخلاقي تغيرت صرت دائما اعصب من ادنى شيء
ناس كثير قالوا بك عين رحت لاثنين رقاة ما استفدت كثير
بعض الأحيان لا سمعت رقية ارقد لكن بصعوبه
و استخدم كذا نوع حبوب منومه و لا حركت ساكن ومع ان بعضها قوي مخصص لاضطرابات النوم
رجعت للصيدليه لان الدواء غالي شوي قلت له ما سوت شيء قالي لي لازم تروح دكتور أعصاب او دكتور نفساني
الله يفرج همنا وهم صديقك وكل من يعاني المشكله

آمين..الله يعينكم.فعلاً اضطراب النوم بلاء عظيم 'وتتعطل حياتك'وتصبح عصبي...

قل لصاحبك لايقنط من رحمة الله خله يداوم على سورة البقرة اقل شي شهر ويكثر من الاستغفار والصلاة على النبي صلى الله عليه وسلم والتداوي بسورة الفاتحة كرقية شرعية على طول اليوم وبيلاقي اثرها بس لايمل ويوقف قل له استمر وابشرك انه بيتغير حاله باذن الله

سبق وعمل كل ماذكرتي ..ولم يتغير شيء

فعلا الرقيه والاستغفار والصلاه علي النبي والحجامه

كلها عنلها..وراح لرقاة وتصدق وحجم كم مرة..لكن لم يأذن الله بالشفاء بعد..دعواتكم له بهذه العشر المباركة.

من اكثر مسببات اضطراب النوم هو ال Jet Lag وهذه تأتي لمن يكون عمله شفتات أو سفر بين دول المشرق والمغرب .. حيث تتلخبط الساعة البيولوجية للجسم وتبدأ في حساب ليل ونهار غير الواقعي لذلك تجده ينام ساعه ولا اثنين وخلاص .. بالرغم من شدة التعب والارهاق ..

طبعاً .. ماعرف طبيعة عمل صديقك كونه 15 سنه يعاني ولكن بالتأكيد انه الساعة البيولوجية عنده خربت خلاص بسبب المرض ( شافاه الله وعافاه ) لذلك ماهو قادر ينتظم بنوم ووقت معين ...

ولكن انا بتكلم عن تجربتي الشخصية انا وحسب طبيعة عملي ( سفر ورحلات طيران ) ف هذا الشئ طبيعي جداً بيني وبين زملائي .. ويسبب لي مشاكل في البيت في كثير من الأحيان حيث انا انايم والبيت كله صاحي والعكس ... واحياناً اتجنب النوم عشان لا انام ساعة ولا اثنين واصحى ..

طبعاً الجسم ماعاد يقدر يفرق بين هل ارتاح او لا ..

ولكن بإذن الله تعالى يضبط اذا اتبع بعض التعليمات البسيطة ...
اللي لازم يأخذ باله منها ..

نوعية الأكل والشرب :
لازم نوعية الاكل اللي ياكله يكون لا يحتوي على سكريات او شوكلاته او دهون وبروتينات وقهوة وشاي وكافيين لو لازم ياكل منهم يكون قبل موعد نومه على الأقل ب 6 ساعات ..

واذا لابد ياكل قبل ينام يكون بساعه او ساعتين عن موعد نومه اكل خفيف جداً و كوب حليب دافئ مع قرنفل وياخذ شاور دافئ ..

طبعاً يختار الوقت الطبيعي للنوم للإنسان الطبيعي الساعه 10 م تقريباً ..
يعني يكون ماكل تقريباً الساعه 8 م اكل خفيف وبعدها الشاور وكوب الحليب بالقرنفل

في البداية ماراح يقدر ينام لانه معاناة 15 سنة ما راح تتعدل في يوم وليلة لذلك لازم يعمل النظام هذا يومياً سواء قدر ينام او لا .. ولو نام 3 ساعات في البداية كويس ماهو بطال يقوم قبل الفجر يصلي الوتر ويصلي الفجر والضحى ويرجع ينام ساعتين ..

لحد ما الله يمن عليه وينام لحد الفجر ..

ويفضل الهدوء واعتدال البرودة في الغرفة اللي ينام فيها ... اذا هو من الناس اللي يحب البراد ف لازم تكون الغرفة باردة واذا ما يحب الإضاءة يطفي النور كاملاً واذا لابد اضاءة يخلي اضاءة خفيفة جداً في الغرفة وتكون بعيده عن عينه وهو نايم ..

الساعة البيولوجية ضربت خلاص وإعادة تشغيلها يستلزم أسبوع كامل يداوم فيه على نظام معين وطبيعي عشان ترجع تشتغل ..

طبعاً ماذكر أعلاه لا يعني انه ما يقرأ الاذكار قبل النوم
والله يسهله .. يارب
حاجة أخيرة ... الحالة النفسية لها دور كبير في الأرق .. الديون والمشاكل وغيرها .. لذلك لازم يحاول يفصل حالته النفسية عن واقعه بأي قدر ممكن عشان يقدر ينام ...

جزاك الله خير اخوي وسيط2007
صادق الشفتات بهذلة..ولكن هو كان معلم..ربنا يفرج لنا وكل مبتلى

فيه حل يمارس الرياضيه تمارين كثيره لان اذا فيه اجهاد جسدي النوم ع طول

خله يكد خطوط وان شاءالله فتره بيحس في التعب ويدور النوم

زين😂😂😂😂😂

تابع الدكتور جميل القدسي علي الفيسبوك والله تدعيلي بالخير وتقدر تسأله وهو يجاوبك خلال يومين لان متابعينه تجاوزوا الثمانية ملايين

باذن الله ..مشكووو