انتبهو من الجميح سيارتي ماشية 400ك والدفرنس عطلان

والله العظيم يا جماعة إني يوم رحت ودخلت قسم الصيانة لقيت أكثر من سيارة ( يوكن / تاهو ) فيها مشكلة الدفرنس ..
وأنا متأكد إنهم أصحابها ما يدرون ، مع الأسف وكالة محتالة ؛ من حقي أنا كصاحب سيارة أعلم ما فعلتم بها .. بس هم خايفين أحد ينشب بهم مثل ما سويت أنا يوم دريت بالصدفه !!

راسل الشركة الام في امريكا ..واشرح لهم انك تعرضت للنصب من الشركة ..

اخوي zzz2002
كلم هذا الرقم 13135565000

وانا رفعت لك شكوى على الموقع هذا الخاص بشكاوي العملاء وانتظر الرد منهم
http://customerservicenumbers.com/co-gm-general-motors-phone-number

الله يجزاك الجنة يا علي ،

والله ما قصرت تعبتك معي ..


حاولت أكلم هذا الرقم بس يقول ( مكالمتك لا تتم حسب الطريقة التي استعملتها ..)

لن تصل إلى نتيجة حاول معهم بطريقة ودية أو واسطة .

الجميح يبيع السيارات المستعملة ( المسحوبة من اللي ماسددوا ) على أنها جديدة .
أحد اقاربي صارت له مثل هالسالفة واكتشف انها مستعملة قالوا له رح اشتكي في المحكمة !!!!!!!!!!!!!!!!!!!!!!!!!!!!!!!!!!!!1

المصيبة ان السيارة اجار منتهي بالتمليك والمحكمة قالت له رجع السيارة وادفع اجرة المثل !!!!!!!!!!!!!!!! لأن العقد حرام .

طبعا كلم الامارات وراسل امريكا مافي فايدة حاول يقابل رؤساء الشركة مافي فايدة حاول يكتب في الجرايد ممنووووووووووووووووووووع لان الجميح له اعلانات بملايين عندهم
واسال عن الشكاوي ضد الجميح في المحاكم ماتصدق

الحل ادع عليهم وحاول الحل الودي معهم والواسطة .

والله يعينك على مابليت به
على فكرة ترى العيسى افضل من الجميح مليون مره وماعنده هذي السوالف حتى في الصيانة افضل واحسن واسرع

الله لا يوفق حكماية المستهلك.....

المستهلك غير محمي هونا... الله يعز دول الأخر...

بس أبشركم بتزين الأمور كلها 100 سنه وزينها الله أنشالله

حط 00 (صفرين) قبل ،،،

أبو مالك ..
والله مصيبه ، وصلت فيهم الوقاحه والغش إلى كذا !!
الله لا يوفقهم ..!

ابراهيم
حلو حلو ..
أجل هانت !!

علي
شكراً من أعمااااااااااق قلبي يا غالي ..
لن أنسى لك معروفك ..

آخر خبر ..
[ سر إختفاء سيارتي ]
تذكرون شي كتبته عن اليوكن

إللي هو إنه يسألون عن سيارتي ويقولون إنها مب عندهم ..

..
السالفة وما فيها ..
عرفنا واحد يعرف مدير كبير وقديم في الجميح .. وله كلمته والكل يعرفه في الشركة ..
فـ كلّم خوينا هذا هالمدير وقال له السالفة ..
و رد له وقال أبشر وو ..
و استمارة سيارتي عنده من الأول أصلاً عشان سالفة مشابهه لهذي حصلت الأسبوع الماضي ..
الشاهد إن هالمدير راح وسحب سيارتي من الورشة حقت الوكالة وباعها على شريطي يشتغل عندهم من زمان بدون ما ينقل مُلكيّة السيارة !!
وصار له أسبوع تقريباً ، وحنا ما ندري ..
يوم راحت باخذ الاستمارة من عنده
قال المدير خلاص السيارة ماهي لكم .. نبي نبدلك بسيارة جديده روحوا واختاروا السيارة إللي تبون ..
قلنا الحمد لله فرجها الله وريحنا راسنا ، قلت خلاص ابي ابدالها بتاهو 2011 LT 4X4
..
وقالوا ادفعوا 5000 ريال وقالت خير ان شاء الله
كان المفترض التسليم اليوم ، بس في آخر لحضة !!
جاء اتصال من ((حمد الجميح)) حسبي الله عليه ، وقال لا تبيعونهم السيارة هذولا مشتكيننا عند جينرال موتورز ووو ...
واتكنسلت الدعوه كلها !!
قلنا الحمد لله خيره ..
عطوني فلوسي اللي بعتوا فيها السيارة إللي هي كما قال لنا ( 130،000) والله يخلف على إللي راح ..
قال مالكم عندنا إلا 120،000 ريال هذا اللي بعنا فيه السيارة ..!!
معقولة حدود 20 ألف وهي ماشية 2000 كيلو ..!
قال سيارتكم ما تسوى ؛ دفرنسها خربااان !!
طيب ليه بايعينها علي وهي خربانه ..!!
يوم شفنا الوضع كذا رفضنا نستلم المبلغ وقلنا رجعوا السيارة لمكانها (الورشة)
المشكلة وشي الأن يا جماعة ..
سيارتي بإسمي وهي مع واحد ثاني له حدود أسبوع أو أكثر أو أقل ..
يعني مشّاها كثير ، ويعني الله يعين على ساهر .. ووو ..
وقالت رجعوا السيارة للورشة وإلى الأن ما رجعت !!
أفكر أكبرها وأسوي إزعاااج !!
الفلوس الله يخلف علينا خلاص الحمد لله جت على كذا ، بس أبي أطلع حرتي .. أبي أزعجهم
وش أسوي يا جماعة والله غبنه !!

تنوية / نهاية قصتي مع الجميح وسيارتي إللي دفرنسها عطلان
بسم الله الرحمن الرحيم

أسعد الله أوقاتكم بكل خير ..

في البداية
جاء في تفسر البغوي
قوله تعالى: ( لا يحب الله الجهر بالسوء من القول إلا من ظلم )
يعني : لا يحب الله الجهر بالقبح من القول إلا من ظلم ، فيجوز للمظلوم أن يخبر عن ظلم الظالم وأن يدعو عليه.


تابع لموضوعي السابق
حسبي الله عليك يالجميح ، سياراتي جديدة والدفرنس عطلان !!


ونهاية مسلسل الغبنة ،

أمس انتهت قصتي مع شركة الجميح للسيارات ، بفضل الله ثم بفضل الأستاذ خالد المالك رئيس تحرير جريدة الجزيرة ..

حيث أني راسلته عن مشكلتي معهم ، وقام بدوره بمراسلة الجميح لحل المشكلة في أقرب وقت وليسمع أيضاً من الطرفين ( أنا و وشركة الجميح)
( الله يوفقه ويجزاه خير وموقف لن انساه هو الوحيد اللي تفاعل مع اني مراسل 7 جرايد وصحف الكترونية )

ومنذ الساعة السابعة من صباح أمس وجوال والدي يرن .. وكانو هم المتصلين (شركة الجميح) ، وكانو يريدون إنهاء الموضوع بأي شكل ..
ولم يتصلوا علي ولم أدري عن شي مع أني أنا صاحب الشأن !!
ولعلمهم المسبق بتمسك رأيي وأن والدي ( أليَن ) منّي

الشاهد إن الوالد ذهب لهم وتجمّع 3 من أكبر وأقدم الموظفين ، وحاولوا في الوالد إنه يتنازل ويوقّع على ورقة إقرار واعتذار بخصوص ما بدر عنّي واني أخطأت بحق الجميح وافتريت عليه وووو ......
رفض الوالد مع إنه ما قرأ الورقة ! وكان يعتقد انها ورقة تنازل عن القضية فقط

وقالوا له ما المطلوب ؟
فطلب الوالد 130 ألف ريال ويتنازل عن الموضوع و أبيع سيارتي عليهم ...
واستلم شيك بالمبلغ ووقع على الورقة بعد ضغط شديد منهم واحراج و(حب خشوم)
طبعاً إللي عرفته بعدين ان الوالد وقع عليها على اساس انها تنازل ولم ينتبه انه اعتذار بهذه اللهجة التي أرى انها تجرح كرامتي

الموضوع الأن إنتهى يا جماعة ، مع إني ما استلمت المبلغ كامل بس مو مشكلة ..
أنا إللي رافع ضغطي الورقة الموقعه بإسمي ، ووالله لو عُرضت علي ما وقعت عليه لأني ما أخطأت على أحد وإنما ذكرت الحقيقه ..
وأعتبر هذه الورقة جرحة كرامتي .. ولم أرضى بها

لذلك جرى التنويه ، واللهم إني بريء مما كُتِب في الورقة

آرائكم

النهاية.

الحمد لله انه انتهى الموضوع وفكك الله منهم ،،،

تنويه اضغط على الرابط..
http://www.mstaml.com/forum/fr.php?i=142572

منهم لله والله

وحسبي الله على حماية المستهلك النايمين في العسل

لا حول ولا قوة إلا بالله ... يا ناس الوكلات جالسة تنهار وحدة ورا الثانية ؟؟؟ أبغى أعرف اللحين من هو أفضل وكيل ؟؟؟ الواحد ماهو عارف اللحين من أي وكيل يشتري سيارة طبعا هذا إذا أستطاع أن يشتري في ظل طمع وجشع الوكلاء والتجار ... الله يعينك ياخوي ويفرج همك وحسبي الله على من كان السبب ...,

الله يخلف على المستهلك .. كل يجلده ويرمي له ازفت السلع

يا خوفي تستخدم هذة الورقة ضدك

اهم شيء وانا اخوك اثبت نقل ملكية سيارتك واحفظ الورقة حتى آخر لحظة بعمرك

بالتوفيق

الله يعوضك خير منها يارب

والله مشكلة الواحد الحين ماعاد يدري كيف يضمن حقه !!

فيه مليون طريقة تقدر تسترد المبلغ منهم ببساطة و انت تضحك بعد
بدون انتظار و بدون تعب

لكن مشكلتنا الناس تستضعف نفسها بنفسها

من قال لك ما ترد السيارة من البداية! و لو قال لك لاترد بتطيعه!! احذف المفتاح في وجه اكبر موظف و خذ فلوسك و انت تضحك بعد

هو المتضرر الاكبر لو فكرت انت في الانتقام حتى بدون شكوى

ذكرتني في سيارة اشتريتها من صالة و لما ذهبت للبيت تعطلت مع انها جديدة
رجعت لهم قالوا راجع وكيله لاننا موزعين فقط!! مع اني راجع في نفس اليلة!
مسكت من تكلم و هزءت فيه و جاء المدير و هزءت فيه و قلت له : بتاخذ سيارتكم غصب عنك و بترد المبلغ!

قال بنتصل بالشرطة قلت اتصل بالمحافظ ما عندي مشكله

و قلت له بالحرف الواحد : خلال دقائق اذا ما انتهى الموضوع و استرديت المبلغ و الا بتصرف بطريقتي الخاصة

و كلها خمس دقائق و هو مسلم لي فلوسي

يا اخي انا نتفق معك احيانا ما تخذ حقك الا بالقوة و احيانا ما تاخذه الا بالفزعة و احيانا بالقبلية!!

اانا امر الاسترجاع هذا ما افاوض فيه ابد اذا معي حق حتى لو ابسط الاشياء: مرة اخذت ملابس رياضة من ساند اند صن في مجمع الظهران بمبلغ 600 ريال. رجعت في نفس اليلة و قلت المقاسات ما تناسب. و رفض يرجع المبلغ مع ان فارق التوقيت فقط 3 ساعات لان المنزل قريب

طلبت المدير و تعذر! فقلت له بالحرف الواحد: اذا بترجعهها او برجعها بطريقتي و الغرفة التجارية اصلا ما تقبل تصرفكم
قال لي سياسة المحل: قلت انا اعيش في سياسة دولتي و ليس محلك
بعدها عطاني شيك مشتريات بمبلغ اعلى من مشترياتي و قال اي وقت تعال اشتر و اذا لو ما صلح لك ندفع لك كاش


صدقني هؤلاء ما ينفع مهم اخلاق و لا نظام
ينفع معهم تهزيئ و قوة و ثقة في النفس لانك بختصار تتعامل مع ادارات عربية!!!


في فرنسا اشتريت جهاز و ما اشتغل . رجعوه مباشره و دفعوا لي تعويض يسمونه قيمة التكسي و وعدوني انهم بيرسلون لي جهاز جديد الى السعودية لاني مسافر سياحة فقط و ما طولت. و كانوا يتصلون علي هنا حتى وصل الجهاز و معه هدايا و خطاب شكر

سالت مديرهم قال ان عندهم نظام اي بضاعة جديدة عليها ضمان و تامين و رهن و لا يتعبون الزبون و لا شي. كل شي على الشركة الام.
لان الشركات الام ما يهمها امور بسيطة مثل هذه لكن الوكلاء عندنا عرب. يعني بالعربي نصب و خيانة و للاسف

تحياتي

falconvip , طفران1 , أبو فهد , النجاشي ، أبو أحمد
شاكر لكم مروركم جميعاً ومشاعركم الطيبة ,,

Mkk5432
كلامك سليم والله ، لكن حكم القوي على الضعيف ..
وعند الله تجتمع الخصوم ..
شكراً لك يا غالي على ردك

ايش نوع السياره ياخوي