الرياض أصبحت مدينة لاتطـــــاق ؟؟؟

يا رجال وش فيها الرياض !!

الله يكثر خير ربي..اذا استطعت انك تنقل منها انقل افضل لك

لأن ميزتها كانت في الشوارع الفسيحة والأن هذه الميزه انتفت

خلاص اذاً اشفيها غير الغبار والزحمة والجو الشين ( صحراء بمعنى الكلمة )

والله فعلا الرياض لايطاق انت على اعصابك من يوم تطلع حتى توصل مبتغاك

فيه عده اسباب يجب مراعاتها :
اولا : العمال كل عامل يجمع له الف ريال يشتري سياره ويزاحم الناس فيها وشوفوهم في ساعات الصباح الباكر وقبل المغرب في الشوارع ، على الرغم من ان النظام يمنع العامل من استخراج رخصه ، اضافة الى انه يشكل خطرا بسيارته الباليه ويسبب زحام ، والحل هو بتطبيق النظام عليهم واجبار مؤسساتهم بنقلهم أو استخدام وسائل النقل العام مثل الباصات .

ثانياً : كل حرمه تبي سواق وسياره وهات يامشاوير وزحمة خاصة في اوقات الذروه .

ثالثا : كل طالب يتخرج من الثانويه يشتريله ابوه سياره عشان الجامعه ، وشف كم طالب في الثانويه على مستوى الرياض يتخرج كل سنه ، يعني زيادة سنويه مهوله .

رابعا: كل الهجر والمناطق تكب على الرياض كل عام سكان جدد من طلبه وطالبات .

خامساً : اغلب الدوائر الحكوميه الرئيسيه والمستشفيات في الرياض مما يزيد عدد المراجعين لها اضعاف كل سنه عن التي قبلها .

سادسا / شبكة الطرق مكانك سر ، ولا تواكب ماهو حاصل في البلد . وحتى التعديلات الحاصله الآن مثل تطوير طريق الملك فهد على سبيل المثال زادت الطين بله ، وعندما يكتمل المشروع يكون الفائدة منه بسيطة لأن حجم الزياده مهول . وراقبوا الإشارات قبل سنتين وحالياًً كيف كانت زكيف هي الآن من الزحام ،

سابعاًً / لايووجد طرق بديله ، ومعروف ان الرياض شريانها طريق الملك فهد وطريق خريص ، ولو حصل حادث بسيط تعطل الطريق ولا يمكن لك أن تجد البديل .

وشكرا .

كلنا نعلم ان الكثير من سكان الرياض ليسوا منها بالأصل
وانما قدموا لها للعمل والتعليم

والحل الحقيقي لزحمة الرياض هو ان لا يظطر احد للسكن فيها لأي سبب لمن كان بخارجها

أي انه يلزم تطوير المحافظات وتوفير كافة الخدمات الراقية بها من مستشفيات كبيرة وجامعات وغيرها

فلا يحتاج احد للإنتقال للسكن بالرياض مطلقا.. ولا يحتاج لمراجعة اي دائرة حكومية بها.

والحكومة طبعا تنبهت لهذا الأمر الآن واصبح لجامعة الملك سعود مثلا فروع في الخرج و وادي الدواسر والمجمعة والأفلاج والقويعية ولجامعة الإمام فرع بالخرج

كذلك بدأ انشاء كليات تقنية للشباب ومعاهد تقنية للبنات في اغلب هذه المحافظات.. كذلك تم انشاء العديد من فروع بنك التسليف ومكاتب العمل والغرف التجارية في هذه المحافظات.

ولكن المشكلة لا تزال قائمة لأن المسؤلين جزاهم الله خيرا لم ينسوا الرياض من المشاريع.. فتم ترسية وانشاء مشاريع في الرياض اكثر واضخم من جميع المشاريع التي نفذت في محافظات الرياض مجتمعة.. وبالتالي تبقى الرياض جاذبة للسكان!!

الزحـــام موجود في كل مدن العالم الكبرى

ولكن مدينتنا العجيبة تمتاز بشيء آخـــر قلما تجــد له مثيــل

مصارعة السيارات

في كل لحظة ، وكل شارع ، وكل حي

تجد هذه المصارعة على الهواء مباشرة

بدون تذاكر - ولا كراسي - ولا حجز مسبق

أهم شيء إنك تآخذ حبتين بنادول قبل ما تطلع من البيت

وشاهد ولا تستغرب

عنجهية في القيادة يقوم بها الكبار قبل الصغار

مخالفة أبسط قوانين المرور وأعظمها

دروس مجانية للجيل القادم - كفانا الله وإياكم الشرور

والشق أكبر من رقعة الخياط

دمتم

حتى جدة ومكة زحمة غير طبيعية ،،، بس جدة كلها دوارات واحيائها حول بعض مو مثل الرياض احيائها كبيرة الاطراف وبعيدة المسافة عن بعضها

البركه بالتخطيط المدروس

السعوديه كلها زحمه والسبب التخطيط الفااااااشل اقسم بالله تعال الخبر وانظر التخطيط الغبي تخطيط ابو بنقل ما ادري على اي اساس تخطط البلديه وتنفذ المشاريع ((اذاما تأجلت )) يبدا الترقيع بالشوارع وتشوف العالم على بعضها والمشروع مايحتاج شهر تلقاه اخذ مده 6 الى سنه !! وياليت بعد الانتهاء من المشروع انحلت المشكله الا تلقى انواع الزحمه بسبب تسكير المنافذ التي كانت سبب رئيسي بتخفيف الزحمه


احد الاخوه كنت اتناقش معاه عن الزحمه بمدن المملكه وخاصه الرياض قال لي بالحرف الواحد (( وش فيها اذا جبنا شركات تخطيط وخبره بالامور هذيي وقلنا لها حنا حميررررررررر مانعرف نخطط تعالو شوفونا حل )) طبعا الرجال كان ((قافله اخلاقه)) وحنا نسوق

مشكور اخوي الحزين على الموضوع الجميل :)

صدقت والله يالحزين
وفوق الزحمهـ وكل شي
صارت الرياض من بعد الساعه 12 تحس انك بفيلم رزدنت إيفل
ظــــــــــــــــــــــــــــــــــــــــــلآم
وكل الاماكن مقفلهـ
إذا تبي شي الله يعينك تروح للتموينات اللي بالطريق السريع
والله لوتشوف الزحمه عليها بعد الساعه 12 ماتصدق

آنظمهـ غريبهـ
ماتدري هي لصالحنا او لآ

مانقول الا الله يستر وبس

وتحياتي لك ...,

ياجماعه الخير كل هذا يهون عند طريق الوشم

طريق من مسارين فقط

يوصل الى الجامعات والبطحاء والوزرات كلها على مسارين

انا في الصباح اجلس ساعه بس على كوبري الوشم

واسمع ابو شراره كل صباح يقول (نؤكد على سائقي المركبات ضروره ربط حزام الامان)

ياحليلك يابو شراره

اخرجوا الباكستانيين من الرياض وتلاقون فسحة من امركم

جيتها كلها بوكست نسافات

الرياض زحمة وبو شرارة يؤكد علي ربط الحزام

الحمد لله على النعمةما نعرف الزحمة بالجوف
بين البيت وابعد مشوار ربع ساعة الله يعينكم.

الكثافة المعتادة

رد رقم (1) بقلم: qwqw1

وين انقل وين اروح ،،،انقل واترك الرياض لمن "قلبي تعلق بالرياض،حب ورثته من الجدود"،،،،،،

شاكر مرورك الكريم

رد رقم (2) بقلم: المغامر1

شفت كيف اني صادق ،،،شاكر مرورك الكريم

رد رقم (3) بقلم: الصداوي
تحليلك ممتاز ويجب ان يجدوا لنا طرق بديلة لطريق الملك فهد وخريص تجنبا للزحمة والضغط المهول.،،،

شاكر مرورك الكريم

كل طالب يتخرج من الثانويه يشتريله ابوه سياره عشان الجامعه

-----------------------

هذا الكلام اول يمكن على زماني وزمانك لكن اليوم كل تلميذ يتخرج او عمره ما تخرج من ابتدائي يسوق سياره ...

قبل يومين كنت عند الحلاق دخل علينا ورع بعد ما رمى سيارته على جنبات الشارع وقفل على السيارات وطالعت في وجهه وهو بزر صغير السن والجسم وعندما وجد زحمه في المحل طلع واستقل سيارته ليمارس هواية التفحيط .

هذه المشكله الان بزارين ابتدائي وليس متوسط اصبحوا يقودون سيارات

رد رقم (4) بقلم: ابوعمر1982
طيب شي طبيعي ان اللي في مهم منها اللي جابهم الرزق والبحث عن العيشة ،،يعني تبيهم يطلعون منها يابوعمر عشان الزحمة تخف مو معقولة ،،،،

شاكر مرورك الكريم

رد رقم (5) بقلم: الفيلسوف

صادق يافيلسوف وانت تسوق بالرياض انت تقود معركة وليست سياقة في حرب الى ان تصل الى مبتغاك،،،،،،

شاكر مرورك الكريم

رد رقم (6) بقلم: الحجازي
يعني جدة افضل تخطيط من الرياض مااتوقع،،،،،،


شاكر مرورك الكريم