اخواني طلب مني احد الاخوان رقم مميز مجانً وطلب ان يكون شبيه برقمه و يكون عن طريق موبايلي فاحترت وش الحل ؟ ما اعرف احد في موبايلي فكرت اطلع له من الاتصالات واحوله لموبايلي رحت لاتصالات احسن فرع لهم الي بطريق الملك فهد مع التحليه فرع يسد النفس لا يوجد مواقف تسمح بالوقوف مساحات فارغه في الصالة لم يستفاد منها لسو الادارة ولا يوجد شي يفتح النفس ووجيه عابسه من موظفين وعملاء انتظرت ما يقارب 45 دقيقه وعالم تسبقك مدري كيف واسطات ويوم جاني الدور طبعن الموظف جالس يكلم على الجوال 10 دقايق ولا كانه شايف احد عنده يوم خلص من المكالمه طال عمري جاوبني برد سريع وش تبي قلت (2 كبده اوادم نصف استوى ) داخل شركة والا حوش غنم وطلبت منه يدور لي رقم زين على طول بنفس شينة ما فيه ارقام زينة مجانا ترجيتة يعطيني العروض الي عندهم وطبعاً عروضهم سيئة وكلها تحايل وبلا شفافيه وارقامهم اسوى وتعاملهم فوق مستوى شوفه النفس والهمجيه وزحمه على غير فايده كل العملاء جايين يشتكون من سو الخدمه والبعض يطلب تحويل لموبايلي ولكن هيئة الاتصالات رافضه تتعاون مع شركة الاتصالات علينا فقلت المشكله موبايلي ما اعرف احد فيها بس بروح اجرب والله دخلت فرعهم في طريق الملك عبدالله لقيت ترحيب من اول ما دخلت وعطاني رقم 45 وكان الدور على رقم 10 جلست والصاله تحس فيها بهجة من اشكال الناس العملاء مبسوطه وتطور من شاشات عرض وكمبيوترات مفتوحه للزوار والعملاء للتصفح والحق يقال سرعه النت عندهم خياليه (حسافه وصل دوري بسرعه ) وما اسرع الارقام وهي تمشي ثواني وجا دوري جلست عند الموظف مستحي وش اقوله فطلبت منه رقم مفوتر بس ابيه يكون مميز والله على طول فر الشاشة وقالي ودي اخدمك بس كل الارقام سيئة بس عندي لك عرض حلو جدا وهو تاخذ رقم مميز بثلاثة ارقام متشابه ورقمين متسلسلين بسعر 1500 ريال تضاف لك بالفاتورة مكالمات رصيد لك يعني مجانا وتاخذ العرض الخاص بموبايلي 6 اشهر بدون رسوم و 6 اشهر 140 دقيقة مجانا او نقسط لك المبلغ بدون عرض موبايلي طلع لي ارقام والله قويه للي يدور المميز قلت ابي كاش وابي رقم يشبه رقم معي قال عطني الرقم وريته الرقم وهو شبيه 22233 على طول طلع لي ارقام نفس الرقم بس اختلف رقم واحد وقال لي تخير طال عمرك والله اسررت بهذا التعامل منهم وقال لي اذا بغيت تحول رقمك الان الهيئة تعطل الموضوع هي والاتصالات طلع لك رقم جديد اما مميز او شبيه برقمك القديم وريح نفسك وودعني بكل حفاوة وترحيب والحق يقال ما كان ودي اطلع من عندهم بس من الفرحه لقيت لي واسطه عندهم وهي فلوسي