سمين يحتاج مساعدة

منتب سمين مررره
يعني متوسط
النصيحه هي التالي
امش في اليوم نصف ساعه وهذا ضروري
اكثر من شرب الماء
اخر الغداء وكل لك ساندوتش وانت راجع للبيت بعد الدوام ونم عليها واذا صحيت المغرب خلها غداء وعشاء
قبل لا تروح للدوام الصباح خذ لك لفه عشر دقايق
صدقني بتصير في نزول وما راح يمر عليك سنه الا انت في التسعينات

تسلم ياتاجر القلم عالرد
لكن انا دوامي شفتات كل اسبوع شفت فصعب اني اتحكم بالوجبات والنوم
لكن ان شاءالله ابحاول اكثر شرب ماء وزبادي

اهم شي الحركه تحرك ولو خمس دقايق

اعانك الله أخي الكريم
إذا عندك العزيمه والاراده في بحول لله وقوته تستطيع إن تنزل من وزنك
اهم شي رتب وضعك اقصد الوجبات وبين كل وجبه والثانيه 3ساعات ع الاقل
وبعدها كل لك حبه فاكهه
اكثر من شرب الماء وحاول المشي لونصف ساعه وباذن لله ينزل وزنك من غير شر ومن غير عمليات
وحاول تجرب الصيام العكسي فهوجدآ رائع ويفيد لوزنك
وهومن الساعه 5العصر لاتاكل شي فقد اشرب ماء لين 5الفجر وبأذن لله ينزل وزنك
وفقنا الله وإياكم

الصيام صعبه لانه ما يقدر ينام وهو جوعان

أخوي

عليك بالسويدا ( حبة البركه ) ... سبع حبات يوميا فقط لا تزيد عنها لانها حاره على الجسم ,

وشاهي أخضر بدون سكر

خلاص ماعاد يصير لك نفس بالأكل وعليك بالعافيه

بالنسبه للصيام العكسي ماهوصعب اخي الكريم
ممكن في اليومين الاولى بيتعب وبعدين بيصير الوضع عادي
مثلآ عندك الصباح ع الساعه 7اشرب كاستين مويه دافيه
وبعدها بنصف ساعه 2شابوره بر مع كوب حليب قليل الدسم اوشاهي بسكر دايت واجلس 3ساعات بدون اكل غير شرب الماء
ع الساعة 11تفاحه او3تمرات مع قهوه اوعصير اوشاهي اخضر
وع الساعه 3تغدا بصدر دجاج مسلوق اومشوي مع صحن سلطه مكون من طماطم وخيار وخس مع ربع خبز اسمر
ع الساعة 7علبه زبادي قليل الدسم اوكاسه لبن اوربع خبز اسمر مع شريحه جبنه قليل الدسم
وبعدها خلاص توقف عن الاكل ممكن تشرب ماء اوعصير وحاول تكون العصيرات من غير سكر
بالنسبة للمشي ابدا بتدريج (يعني لاتجي ع طول تمشي نصف ساعه )
ابد في اليوم الاول 5دقايق واليوم الثاني زيد عليها 5وكل يوم 5لين توصل نصف ساعه بالضبط
بعدها اعمل تمرين شد البطن 10مرات ماراح تاخذمنك دقيقه
واهم مافي الموضوع العزيمه والااصرار وتاكد ماراح تنزل في يوم ويومين ..
وممكن تجرب نظام السعرارت الحراريه فهوافضل من ناحيه صحيه
وفقنا الله وإياكم

لاتنساني من الدعاء بشفاء والدي وصلاح زوجي وولدي ..

هنادي وبوعابدكو
الله يسكنكم مع من تحبون الفردوس الاعلى من الجنة
هنادي شكراً ابجربها ان شاءالله وببلغكم بالنتايج غيري يستفيد

اخوي انصحك لاتسويها

والله تكره نفسك

عليك بالمويه وامنتنع عن السكريات والدهنيات

خلك على السلطات اكل قد ماتقدر ولو تبي كل ساعه

اهم شي المويه لاتفارقك يعني اشتر كرتون ماء وخله بمكتبك

صدقني بترتاح بعدها

وجبات خفيفه حتي سبع وجبات عادي وامتنع قبل النوم باربع ساعات علي الأقل

أكثر من الفواكه الغنيه بالألياف واكثر من شرب الماء خاصه عندما تستيقظ صباحا خذ ثلاثه أكواب فأتره .

أنصحك ومن واقع تجربه كذلك بأكل ثمره أناناس وبشكل يومي فهي لها قدره عجيبه علي اذابه أصعب الشحوم وخاصه حول البطن .. وهي غنيه بالألياف


وفيه قهوه فلبينيه تسد الشهيه وجربوها ناس ونجحت معهم

ولاتنس المشي نصف ساعه يوميا

نصيحه لوجه الله

لاتسوي اي عمليات جراحيه للمعده عشان تنحف سواء كان تكميم او تحويل مسار المعده او ربط او من حقهم هذه الخرابيط ناس كثير تعبوا بعد هذه العمليات
اما تسريب بالمعده او صديد او اشياء الله اعلم فيها طبعا كله يرجع على الدكتور بعد الله عز وجل
لكن نصيحه لو تحب تنحف روح لاخصائي تغذية افضل لك وتعمل ريجيم تضغط على نفسك شوي بالاكل وبتنزل وانت بصحه وعافيه ان شاء الله

الحمية رأس كل دواء

يادب .. تراي مثلك ^_^

ابعلمك معلوووومة .. يوم انك تسوي العملية . تبقى حوال شهر ع السوائل فقط . وتاكل شوي شوي بحجم ليمونة ابو زهير عرفتها الخضراء .. ؟

وانت ادرى بجسمك بالله لو سويتها ذي الطريقة انك 40 يوم فقط سوائل والوجبات بحجم ليمونة خضراء صغيرة قد ايش تبي تخف .. ؟

اقل شي 20 كيلو ع وزنك



المقصد ياخووووووك .. كف يدك وامش

هذا هو الحل

وانت تعرف ذلك وانا اعرف

بس الكسل ياخوووك ذبحنا وكل يوم نقول بكره نبدا بكره نبدا

اعزم واتكل ع الله

اخوي المنسكب
الحل عندي ومضمون باذن الله
جربته انا ومجموعة من اخوياي و النتائج اختلفت من شخص لاخر اقلنا نزل 5 كيلو و اكثرنا نزل 16 كيلو في شهرين


ارسلي رقمك على الخاص
باشرحلك الطريقة على الواتساب

السمنة منتشرة بالبلد والسبب البروستد والكبسة المليانة دهون والدجاج ايظاء

والمقليات بطاط والسندويشات الهمبرغر وغيرها

اكل الناس بالبيوت غير صحي اطلاقاء يعني يوميا كبسة او اكلات شعبية ولحم

ياليت الي جرب حمية ومافية مشكلة ونجحت يخبر غيرة بطريقة الحمية لان الحميات تختلف

لكن نريد حمية سهلة وسريعة بدون وجبات كل يوم تختلف نبي او واثنين فقط

بيض الله وجيهكم جميييييع
ماقصرتوا في ذمتي
وانا بديت من قبل امس برنامج جديد ان شاءالله يضبط
وبوافيكم بالنتايج

سعودي مصلس ابشر برسل لك الرقم

اترك الزيوت والاغذيه الموجود بها زيت وتشوف - وشوف البرنامج هذا :
التمر الخلاص +لبن او حليب+ خبز بر هذا افضل برنامج لذوي السمنه ومجرب والكرش تروح

لا تنسى أخوي قريباً سيتم فتح مستشفيات أو عيادات خاصة لعلاج السمنة في جدة والرياض والشرقية ومناطق أخرى أعتقد خمسة فروع ، حاول الذهاب اليها حال افتتاحها وأعتقد الخبر موجود في أكثر من جريدة وأعلنت عنه وزارة الصحة أيضا .

اولا نسأل الله ان يشفيك
واتتمنى ان تزور هذا الرابط لموضوعي واتبع نفس التعليمات الموجوده فيه ولمده شهر قبل ان تقدم على عمليات وادويه
وانا مستعد افيدك بأي معلومه تحتاجها
http://www.mstaml.com/forum/fr.php?i=215916