جميع الحقوق محفوظة ©
السلام عليكم و رحمة الله
العلم ابد
معي جمس حوض سييرا موديل 2007
اوقات وانا امشي يفصل علي البنص يعني ادعس ما يدعس ابد خير شر الين اوقف و اطفي السياره واحرك اصبع البطاريه وارجع اشغل يسلك معي ويمشي وهكذا من فتره لفتره يرجع يسوي نفس الحركه الين اليوم سواها ولا عاد نفع تحريك اصبع البطاريه حاولت اكثر من مره وفي الاخير فكيت البطاريه كامله و رجعت اشبكها وبرضه ما صار شي
افيدوني الله يسعدكم و يكتب اجركم
وعليكم السلام ورحمة الله
(لا جيت تحرك أصابع البطاريه )
،،
الأصابع مرتخيه و الا مشدوده ؟
أولا دام انك اكتشفت انه المشكله من الأصابع انصحك بالاتي:
- تأكد من الأصابع انها مضبوطه مافيها كسور واسلاك الكهرباء واصله مضبوط
اذا فيها خلل غيرها بجديد نحاس
- تأكد ان لا يوجد املاح داخل الأصابع و داخل الاسلاك نفسها
وبلغني اذا فيها املاح بأعطيك الطريقه لاحقاً
- لازم تكون الأصابع مشدوده ما تتحرك عشان لا تجمع املاح و توصل الكهرباء مضبوط
اول شي الله يعطيك العافيه
بالنسبه لاصابع البطاريه كانت يتحرك منها الموجب و يوم احتجت اغير البطاريه لما فك اسلاك الاصابع من البطاريه الاوله شاف على حوافها من جوا وصخ اسود زي الكربون نظفه و ركب البطاريه الجديده وخليته يشدها مضبوط مشت معي الامور ما يقارب اسبوعين و رجع يسوي نفس الحركه يفصل البنص توقعت ان الاصبع ماعادهي مشدوده طفيت كالعاده عشان احرك الاصبع ما تحركت باقي مشدود حاولت احركه وبالقوه تحركت شي بسيط و ضبطت لكن اليوم مثل ما شرحت ما صار شي
الله يعافيك اخوي
انا ابيك تفك الأصابع و تطلع منها الاسلاك و تنظفها مضبوط لو عند صنفره ورق
تنظف الاسلاك زين و تروح للأصابع تصنفرها كامله و خصوصاً من الداخل
بعدها لو تجيب بخاخ q20 رشها
واذا ما توفر استخدم أي بخاخ منظف مثل w40
او كب عليها ببسي
وارجع بلغني وان شاء الله تنحل المشكله ان شاء الله بسيطه
