جميع الحقوق محفوظة ©
السلام عليكم ورحمة الله وبركاته
يااخوان عندي مكيف جبسون مركبه بغرفة النوم طن ونص
ابوكمبريسور كبير الامريكي شاريه ب1500 ريال
له 6 شهور معي من النوع اللي مكتوب 7 سنوات ضمان ع واجهة المكيف
الاحظ انه يفصل من شريته والحين فصلاته زادت
زي الحين تو خاش غرفة نومي ومشغله وبنسدح بعز الظهر وحر
ماأخذت 5 دقايق الا فصل الفريوون
مع ان الغرفه باقي حارة ولابردت؟؟
اسعفوني بالحل الله يرحم لي والديكم
نفس اللي عندي بالضبط توني شاريه ماله شهر عندي
الصراحه والله تورطت فيه
صناعه فاشله وصوت مزعج جداً
اشتريت الاول ورجعته للمحل واعطوني ثاني ونفس المشكله مزعج
ويفصل كثير ومع اني حاطه على اعلى شي
مشكلتك//
هذي من الترموستات يبي لها وزن او تغيير من حكم خبرتي بالمكيفات
كلم الوكيل العيسى ويجونك للبيت
بأشوف لك رقمهم اذا لقيته ارسلته لك او ابحث عنهم بالنت
اسأل الله لنا ولكم التوفيق..
و
الله يجزاك خير وماقصرت
هذا رقم الصيانه
920015511
العيسى
اخوي المكيف حاطة في منور ؟؟
ترى اذا ارتفعت درجة حرارة المنور .. يعني في مكيفات كثير شغاله في نفس المنور ..
طبيعي انه يفصل
فتحته تطل ع الخارج
وترا هذا بلاه ليل ونهار يعني الحراره مالها شغل
عبي فريون أغلب الشركات تعبي استخدام 6 شهور وبعضها يكون في خطأ في التعبئه وما يعبي كثير
