جميع الحقوق محفوظة ©
السلام عليكم ورحمة الله وبركاته
تعبت وأنا أبحث عن الجهاز كما هو في الصورة المرفقة والذي يوضع في صالة الزبائن في المطاعم ، وهو صائد الحشرات الطائرة كاالذباب والنامس ( أعزكم الله ) .
اللي يدلنا عليه في الرياض أكون له من الشاكرين .
الله يعطيكم العافية .
وانت متجه البطحاء من شارع الضباب تجيك أشاره سمير أميس اذا وقفت عند الاشاره شف المحلات اللي باليسار تبيعها
اعتقد انه الوكيل
او شف. ساكو أكيد يتلقى عنده
الله يعطيك العافية
السبت بحول الله وقوته سوف أكون عندهم وأبحث عنها .
بخصوص ساكو لايوجد عندهم نفس النوعية.
مشكور وماقصرت .
وكيل هذا الجهاز هو شركة رضا هايجين
الجهاز منه مقاسين ب 600 ريال و الي بالصورة هو الكبير ب 1000 ريال
ما انصحك ابدا بالجهاز لانه يعتمد على شربط لاصق ينتهي كل شهرين ولازم تغيره وقيمته 80 ريال
واذا ما غيرته ما يشتغل الجهاز لانه مربوط في بكرة خاصة تخليه يدور
بالاضافه الى وجود لمبتين بلون ازرق لازم تتغير كل 6 اشهر وقيمتهم 180 ريال
يحترقون او يخف قوتهم واذا ما غيرتهم الجهاز يطلع صوت وقوة اللمبه ما تجذب الحشرات
اذا كنت مقتدر ماديا هم عندهم عقد للصيانة يجون المحل يركبون لك الجهاز ويغيرون الصمغ واللمبات واعتقد قيمة العقد 500 ريال سنوي لكل جهاز
بالاخير ما انصحك ابدا تركب الجهاز ميزته الوحيده انه ما يطلع صوت عند قتل الحشرة ولا يوصخ المحل بمخلفات الحشرات بس تكلفه تشغيله عالية جدا
رقم تلفونهم بالشرقية 0593242387
0593977825
اتصل عليهم وخذ ارقامهم بالرياض
بالتوفيق
مشكور وماقصرت ،،، الله يجزاك خير .
الصاعق افضل منه وبنفس الكفاءة وبدون استهلاك يذكر .. اهم شئ يوضع في المكان الصح حتى لو استدعى الامر تعليقه في وسط الغرفة كالمطاعم مثلا .
محلات ابو ريالين
البحث جاري عن المفقود ،،،،
