جميع الحقوق محفوظة ©
سلام عليكم يا اخوان ، وصباحكم طيب ..
عندي استشارة وطلب رأي
واحد من المعارف (غير سعودي) عنده استثمارات عقارية ، ومسجل الأملاك والاستثمارات باسم واحد يعرفه ..
المهم ان الشخص الي سُجلت باسمه العقارات توفي -الله يرحمه- مؤخراً ، وخوينا (الغير سعودي) قاعد يدور أحد يثق فيه ، عشان يسجل الاستثمارات باسمه ويعطيه نسبة ثابتة .
- - السؤال :
ما هي الإجراءات القانونية التي تحفظ حقي لو سجلت الأملاك باسمي ؟
وما هي المخاطر المحتملة ؟ وماذا لو أفلس المستثمر أو راح في مديونية ؟
وعني أنا .. هل أقدر أتوظف لو كان باسمي سجل تجاري ؟ والا مستحيل
(( أنا حاليا غير متوظف ))
تكفون عطوني العلم الأكيد
وانقلوا تجاربكم وما تسمعون بهالموضوع
الله يفرج لمن يفيدني . آمين
لو أنا مكانك و لي حرية التصرف كان وافقت بدون تفكير
لا وظيفة و لا دخل و فوقها ديون و طفش
أستخير ربنا و أعقلها و توكل
قال تيوس مستعارة قال
خليني ساكتة أحسن
ههههههه قال قال تيوس مستعاره الله يهديك
( الله سبحانه وتعالى كرم بني أدم وانت توصفه بالتيس)
استغفر الله العظيم
ما عندك وظيفه ومحتاج فلوس وعقارات باسمك ياخي وش تبي اكثر من كذا ضمان لك لانه باسمك
افتح لك مكتب عقاري وطقطق عليها افضل من الوظيفه والدوام وكم الراتب وكم المصاريف ..ألخ
بالتوفيق
أرجو ان تستفتي فيها لأن هذا المستثمر ماسجلها بإسمك رحمة والدين
سجلها بإسمك هروب من النظام وتسجيلها بإسمه كمستثمر لأن فيها اجراءات وامور نظاميه
إستفتي المشائخ عن هذا العمل عشان لاتدخل في امور دينيه قد تكون غائبه عنا
واسال الله لنا ولك وللجميع بالتوفيق والرزق الحلال
الله يستر عليك
الله يرزقك من نعيمه يارب ..
اخوي .. بما إنك غير موظف .. اقترح عليك ان تفرض عليه المشاركة ..
وذلك بأن تعمل معه وتكون الامور نصب عينيك ..
ذكرت في احد ردودك ان العقارات مستأجره .. مما يعني العقد بإسمك ..
لذلك وجب عليك الاشراف على العمل بنفسك وتتحصل على نسبة من الارباح + مرتب شهري
