يا أهل المشورة والخبرة في العقارات

والله ياخوك انا مدري اخاف اقول لك اشتر وينزل العقار واخاف اقول لا تشتري ويرتفع
بس لو انا مكانك بشتري ارض وابني على راحتي احسن واضمن على الاقل تعرف كل صغيره وكبيره عن بيتك
والله الموفق

الخيارات أمامك ضئيلة

استخير الله

وبالنسبة لنزول العقار نسمع به من 5 سنوات وما شفنا شيء

جزاكم الله خير على التفاعل
بالنسبة لموضوع نزول العقار شاب راسي وانا احتريه ينزل والدراهم ما تنتظر ابد
وقررت اشتري ارض بأي طريقة ولوكانت زايده عن سعر السوق بميه الف اهم شي اشتري وابني عليها لعيالي
بس مالقيت الى الحين ارض مناسبه
يعني بحدود مساحه 300 م في حي الفيحاء او الجزيرة المهم تكون قريبة لمخرج 15
ومن خلال بحثي لمده عشو سنوات عن ارض او مسكن استنتجت حكمة تقول / في هالزمن اذا قدرت تملك سكن بأي طريقة فاشتره ولا تشاور احد لو كان سعره دبل.
وحسبنا الله على من كان السبب في هالوضع . شكرا لكم

السلام عليكم
شف حبيبي المطبلين والمرجفين عمله وحده
ارجفو الناس من 4 سناوت سيهبط سيهبط فعلا هبط 200 % فوق
الان خليه ينزل كم سينزل 10 % ---30% مستحيل يرجع العقار لوضعه قبل 5 سنوات حتى لو نزل لن ينزل قبل صعوده بعد اقل شيء20%
اذن لو نزل سنزل من الارتفاع الحالي
حبيبي اذا عزمت فتوكل انا لا اقول اشري او بيع لكن لو محلك شريت اليوم قبل باكر لعدة اسباب
اول امن لي سكن ودخل اضافي وثق ان المبلغ المرتفع مثلا ستسدده من اجارك فتوكل على الله وقول وين تحب تشري وانا اعلمك باسعار الاراضي
فاذا كنت غرب الرياض وادي لبن جيد وسعره معقول
شرق الرياض الحي الوحدي الجميل اليوم الصفوه
الوضه وماجاورها اشبيليا
شمال طريق الدمام لا زال هناك فرص جيده
بين مخرج 6--7 شمال توكل على الله بعد طريق الامير سلمان الله يحفظه هناك فرص جيده
حي الامانه انصحك فيه وسعره معقول
اما تاخذ بيت او فله انت تعالج مشكليه وضعيه ولست رافع نظرك للمدى البعيد
ثم انا مقاول واعرف ما يدور في الفلل والعمائر الا من رحم ربي شغل اقل ما يقال له تجاري وليس هناك اي مواصفات الا من رحم ربي ثم المقاول اخذ مكسبه واللي باع كذالك والبنك يعني انت تدفع خارج سعرها الحقيقي 100% زياده
فانصحك شوف لك ارض بالتقسيط افضل لك
واضرب لك مثال على راتبك تدفع نص راتبك بس على ارض شيء ستاهل
مثال الصفوه الان 1200 ريال 400م 480 الف
خلينا نحسبها عن طريق بنك الانماء
تطلع 624 الف على 10 سنوات كل شهر 5200ريال
لو حسبتك اجارك الحالي ب2000 شهري
معناه انت تدفع 3200 قسط ارضك
كيف اعمرها معاك 100 الف صحيح
اذا الله وفقك بمقاول ابن حلال ستقف عظم ب100 مع اللي يتبقى من راتبك
وشطب الشقق الخلفيه واجرها واسكن بوحده
هذا حل الحل الاخر
قرضك سيطلع والقرض لا يطلع على ارض غير مملوكه
فيه شركه ممكن تعطيك 200 الف مع ال100 ودور 100 سلف وكيش الارض
السف ترده من قرض البنك
وانا ان شاء الله اقف معاك ب500 الف تسكن وتاجر واللي يبقى عندك ربك ما يخلي احد الناس مع الناس والكل بالله
وسلامتك

لهم كم سنه يقولون بيطيح العقار

وش بيطيحه وكل الناس تشتري

يعني كل الناس مثلك يدورون قريب من اهلهم واعمالهم ووسط المدينه

فيكثر الطلب والشراء وتخلص الفلل والاراضي ومعد تلقو الا اسعار عاليه

انا حصلت فلتين معروضات للبيع نفس التصميم

تم بيع وحده برمضان 1350000

اللان الثانيه معروضه 1450000

مع انها اقل منها مميزات من ناحيه الشوارع

نصيحتي لك دورلك احد وادخل تضامن بالاسم يعني انت الي تسسدد فقط ويكون بيت دور وشقتين او دورين مفصولات عشان تسكن بشقه وتاجر دور وشقه عشان يخف عليك السداد

او اشتر تضامن بحيث يكون اخوك او قريبك وياخذله دور مثلا وبكذا ع الاقل تطلع تملكت دور واخوك دور

ابو فيصل لاهنت وبيض الله وجهك على هالنصايح والتوجيهات والحقيقة إني اتابع ماتكتب حول هذا الموضوع من ثلاث سنين تقريباً وهي محل التقدير والاهتمااام

الاخ مستثمر اشكر تفاعلك وكل اللي ذكرته صحيح وبخصوص المشاركة مع احد الاقارب في شراء بيت فهذي افضل طريقة لكن لايوجد لدي من يرغب في المشاركة

وللمعلومية واخر صدمة تلقيتها يوم امس
ارض في حي القيحاء واجهه جنوبية على شارع 15 مساحتها 12*25 = 300 م صندووووق
تخيلوا بكم ؟!!!!

750 الف ويقول ان جزمت اكلمه يبقي لك 20
حسبنا الله ونعم الوكيل

يجب ان نغير من تفكير في امر اخرج بتفكيرك خارج الصندوق :
-من قل يجب على كل واحد ان يتملك منزل قد يكون قرار الايجار افضل من الشراء او العكس ،قد تحمل نفسك اعباء تتعلك كثيرا .
-ابحث عن بدائل في الايجار غير موقع الايجار ، انتقل الى المدن المجاورة التي تتسم بالهدوء والرخص .
الايجارات سوف تنخفض مع اتخاذ الحكومة بعض الاجراءات التحفيزية .
-فكر بخيار شراء ارض باقل مساحه حسب توفيق الله.
-اين المؤمن من الاية القرانية ان مع العسر يسرا ان مع العسر يسرا .
-صحيح واجهنا الكثير من الارتفاعات في الاسعار بحيث يصعب على الشخص ان يوفر القليل من المدخرات ، بل اصبحت الديون سمت الشعوب الخليجية ،للاسف عندنا خيرات تهدر ولا يتم استغلالها ، اسالكم بالله الا يبقى من الارز 75%لا يؤكل ، يقةلون شخ في الاراضي طيب طلع نظام ان اقصى مبنى 500 متر .
ان ارى واتوقع ان الصبر مفتاح الفرج ويبقى اسعار مرتفعه فب اامدن الكبيرة ويجب علينا التخطيط للانتقال الى مدن رخيصه وتناسب دخلك .
ويطول النقاش والله يوفق الجميع

من ربح في السوق يمدحه

روؤساء دول اسقطوا وسقطوا ودول انتهت وحضارات سادت ثم بادت ولازلنا نجد ان هناك من يقول العقار لن ينزل..
عزيزي في عام 1397 هجري وصل سعر المتر في شارع الستين بالرياض الي 10 الاف ريال للمتر ونزل الي 800 ريال ولايوجد مشتري....

ثرمومتر العقار قيمة الايجارات وهي حقيقة في انخفاض ملحوض وملموس في التجاري خاصه وبوادره في السكني حاليا...

قرارات كثيره سوف تزيد من تركيع السوق ومنها حملة وزارة الداخليه ضد المتخلفين والمخالفين عملت فراغ في كثير من الوحدات السكنيه اضف الي ذلك من استغل عماير شقق العوائل بتأجيرها على عماله بعقد واحد وأتى بعدها قرار تنظيم العمال والعزاب بالسكن في اربع مواقع باطراف المدينه...

الشراء حاليا لغير المقتدر واعني ( المقترض) يعتبر انتحار وتسليم رقبه الى بنوك لاترحم ولاتشفع لمده لاتقل عن 20 سنه

وفي الايام القادمه يخلق الله مالى تعلمون ونحن بإذن الله مقبلين على خير وفي رجا خير

ينقص المرء دائما ان يتقن سياسته الماليه مهما كان دخل ويجب ان يسعى على تحسين دخله بالطرق المشروعه

وفقني الله واياكم على مايحب ويرضى

غيهب 1 كلام سليم ومن شخص محايد ولاهو تسويق دي بعض الردود هداهم الله وان شاء الله مع بدء توزيع مشاريع الاسكان سيشهد السوق حركة تصحيحية بإذن الله

الاستشارة طيبة
ولكن في المنتديات للاسف يدخل ناس من باب يكون لديه عقار ويطبل للارتفاع او يكون يبي يشتري ويطبل للنزول

ولو انا في مكانك لن استعجل ونتظر وزارة الاسكان بعد استلام الاراضي وتوزيعها

ولكن لاتاخذ براي وحدي اسأل وستخير والله يسهل لك الي فيه الخير

اشتر وانت مغمض وابنها براحتك لاقروض ولاغيره
غيهب 1 اجل الستين بعشره الاف وطاح لـ 800 من عطاك الصاروخ ارض جو ذا العالم بذاك الوقت لو تقوله مية الف ينجلط كنها مليون الحين العقار من كلام الشيبان طاح بعد مشكلة الطوير ( شخص كان بالمعارض ومعروفه قصته نفس الاسهم يشتري شي قيمته الفعلية الف على مو عد اجل بـ 20 الف ) اما الاسكان والكلام الفاضي نفس تصريح ابن عياف الله يذكره بالخير بتريث من اربع سنين والناس يتريثون وبيقعدون عشر سنين وهم بمحل سر البوادر باينه انه بيصير عندنا ازمة سكن مثل مصر وليتها توقف على سكن كنا نضحك على مسلسلاتهم "شئه والعربية" والظاهر بنصير مثلهم وتشوف مواطن بعد عشرين سنه ان الله اعطانا عمر يشتكي من ( رغيف العيش بمسامير !!!! ) ربي يستر
العقار ماراح يتدهور الا بحالتين تصير حرب لاقدر الله ساعتها مو بينزل العقار الا بيغبر او ان الحكومة تستثمر الصحراء اللي قريبة من المدن واللي مابعد شبكوها الحبايب وتطورها وتدخل الخدمات فيها كاملة وتوزعها منح ساعتها بيندمر العقار
اما الدكتور شويش وحلوله تذكرني بمكافحة الفساد 800 الف وش بتسوي لشعب عدد سكانه 27 مليون واغلبهم شباب وماعندهم بيوت ملك او اي تنظيم مثل الرهن العقار وغيره كلها خرابيط وضحك على الدقون.

أتوقع شراء شقق التمليك في الوقت الحالي هو الأنسب للبعض >> خاصة العوائل الصغيرة
اشترلك شقة تمليك وبتقسيط لا يتجاوز 10 ــ 12 بالكثير
وحتى لو اخذوا منك فائدة 100 ألف أو 150 ألف انت مصيرك بتضيها بالايجار يعني نفس الشيء

وبعد 10 سنوات راتبك راح يزيد وبتصير الشقة ملكك ولا تصير تحت رحمة التجار ممكن يرفع عليك الايجار وتضطر تدفع او تدور شقه غيرها

وممكن بعد ال 10 سنوات تبيع الشقة حتى ولو برأس مالها أو نقص شيء بسيط
انت بكذا جمعت فلوسك حق ال 10 سنوات ولا راح الايجار اللي تدفعه تقسيط هباء منثوراً

ممكن تسكن فيها ولدك إذا كان عمره عمر زواج أو تبيعها ويكون عندك مبلغ زين تشتري به أرض أو يكون دفعة مع قيمة قرض الصندوق وتأخذلك فيلا بمواصفات انت تبيها مو محتد عليها

يعني ليش اضغط نفسي واشتري فيلا أو دوبلوكس على 20 سنة وممكن ما توافق رغبتي بس عشان يقولون الناس إنه عنده فيلا

اتعبر بشقة ولا اضغط نفسي .. وبعد 10 سنوات فيها حلال اشتري فيلا من اختياري أنا مو مجبور عليها عشان راتبي ما يغطي مثلا

يا اخوك والله توكل ع الله واشتري ارض سوا طلع او نزل العقار انت غرضك السكن
من كان يسمع شقه للبيع
مع الوقت حتسمع غرفه وحمام للبيع
لا تشيل هم وزارة اسكان ولا غيره حيبنوها ويبيعوها امام الجميع وحمله اعلانيه
مثل اسكان مكه