عبي بنزين 91 فل 10 ريال

السلام عليكم
لما الواحد يوقف عند المحطة يلاحظ ان العمالة ما تفهم عربي وتحرف العربي او العامي
وهذ التحريف هو نفسه اللي ضيع الفصحى وسبب عندنا اللهجات العامية فصرنا ما نفهم الفصحى ولا نتحدث فيها الا اذا تعلمنا قواعدها ومفرداتها ومارسناها

مثلا:
عبي بنزين 91 فل 10 ريال

فيها ثلاث مفردات عالاقل كلها بغير العربية

بنزين = وقود
فل = ممتلىء او (مليان / عامية)
ريال = ريالات للجمع (أريل / عامية)

وانا صرت اقول عبي او ملي 10 ريالات
يسالني فل؟ اقوله مليان او ملي
يعيد علي فل؟
اقول عبيه او مليه الى ان يفهم

راح تاخذ وقت حتى يتعودون لكن ما نقلبها لغة وافدين من شرق اسيا

ومثلهم في البقالات وغيرها
الريال للمفرد والريالات للجمع

حتى الفلبيني اللي يسوي فاهم انقلش
يقول 10 Riyal مفرد
مفترض 10 Riyals

لاحظوها !