اترك حزام الظهر واربط حزام البطن

السلام عليكم

ولا يهون الشاعر

لكن يا جماعة

البنزين كنا نعبي بعشرة
وكنا نعبي بعشرين

ابو عشرة صرنا نعبيه بثلاثين او تزيد
وابو عشرين صرنا نعبيه بستين او تزيد

يعني دبل الاسعار مرتين

والمعيشة ترتفع من كل جانب

والرواتب مكانك سر

والاهم من هذا وذاك

لنا اربع سنوات كلها كسوفات وقحط والله يعفو عنا

..
كان علي مخالفات قبل مدة وسددتها كلها على اساس ان الان ما علي شي

ولا قد وصلتني قبل رسايل ان علي مخالفات ابد

ثم وصلتني قبل كم يوم مخالفة حزام امان ب 150 ريال

فدخلت حسابي عشان اسددها وانا على النية انها 150 ريال

وبعد ما سددتها تفاجات ان وصلتني رسالة من البنك ان المبلغ اللي اندفع من حسابي فوق الالف ؟؟؟؟

ثم انتظرت بعد يوم حتى وصلتني رسايل سداد كم مخالفة اغلبها جوال وعدم ربط حزام

ما ادري اذا هي قديمة ومدبلة او لا
لكن متاكد ان ما لها شهر لاني كل شهر اتاكد واشيك

فاذا كانت تتسجل ولا توصل الا متاخرة بعد ما تتدبل فهذا مشكلة !!!

فشيكوا على مخالفاتكم لا يكون عليكم شي وانتم ما تدرون

والله يصلح حالنا وحال كل مسلم

ولا تنسون تربطون الحزام على بطونكم