تحذير هام للجميع، غش واحتيال وهذه نصيحة لوجه الله

‎بسم الله الرحمن الرحيم

أرجو من ادارة الموقع عدم حذف الإعلان

انصحكم اخواني قبل الوقوع والتعرض لما تعرضت له من غش واحتيال وهذه نصيحة لوجه الله

الحذر ثم الحذر من شركة التوكيلات العالمية للسيارات" قسم المستعمل، اللي في الدائري الغربي مخرج 28

قبل كم من شهر شريت من عندهم امبالا موديل 2015 ممشاها 300 كيلو، بسعر اقل من سعر السوق على اساس انها جديده ولكن جاها طقات برد وأضطرو انهم يبيعونها مستعمل

وبعد ماشريت السياره بفتره اكتشفت ان بوية السياره من نصفها الامامي يختلف عن نصفها الخلفي!
وسألت احد البايعين عن السبب وقالي السيارات الجديده كذه تجي واقتنعت بحكم عدم معرفتي بالسيارات
وبعد ماتعرضت السياره للشمس، بين معي فرق اللون أكثر! حسب الموضح بالصوره

يا اخوان أنتبهو ترون يبيعون السيارات على أساس انها جديده وممشاها صفر كلم وسعرها ينقص عن سعر السوق ب10 الاف او اقل
واذا سألتهم ليش تبيعون سياره جديده بسعر اقل من السوق؟؟ يقولون السياره فيها مخش او طاقها البرد او موديلها اقدم من موديل هذي السنه ورجعت مستعمل

والعجيب في الأمر ان السياره راكب عليها لوحه وتكون ماشيه فوق الخمسين كيلو ومرات 300 كيلو وأكثر


الوضع ماينسكت عليه