مشكلة مواقف مع الجار وش رأيكم؟

السلام عليكم ،

يا إخوان نحن ساكنين في شارع صغير و هذا الشارع عرضه 8 متر و الجيران متفاهمين ان كل واحد ما يحط رصيف عشان ما يضيق علينا الشارع أكثر، طبعا الجيران ماشيه امورهم زي العسل و متفاهمين في المواقف ولو وقفت مكان جارك يعرف من انت و يأخذ مكانك بكل حبية ، و في بيت جداره بجدارنا صاحبه
بناه من 9 سنين و تركه مهجور و البيت على زاويا جزء على الشارع اللي عرضه 8 متر و واجهة بيته على الشارع الثاني 15 متر عرضه.

الجيران متفقين محد يوقف بوجه بيته حتى ولو كان محد ساكن فيه. و نوقف في الشارع 8 متر . و المواقف جايه على قد الجيران.

مالكم بالطويلة.
الرجال قبل 5 شهور سكن بيته المهجور و جاء تمشكل مع الجيران و قال لا اشوف واحد يوقف في النافذ (شارع8 متر) ، قالنا له يا رجال ما تحتاج الموقف رأس مالك سيارتك اللي بالكراج و سيارة ولدك اللي عند الباب و نحن سألنا المرور وقالوا حقك الواجهة فقط
، عاد عصب و حط موتره على كراج جاره عناد و جاره يكلمه طلع الموتر ابغى اطلع سيارتي ولا عبره، المهم الجار بعد ساعة كلم المرور وقال في واحد مسكر كراجي جاوا المرور كلموه ورفض يشيل سيارته ، جابوا السطحة و على الحجز ، عاد الرجال زعل يقول ناس ما تقدر الجار ههههه .
الان صار يترك الواجهة فاضية والكراج فاضي و يوقف سيارته و ولده بالشارع الصغير و جاب سيارة سكراب نزلها بعد عشان يكمل كل المواقف اللي بالشارع الصغير، و مركب كاميرات عشان يراقب الشارع

برأيكم وش نسوي فيه وش الحل؟

كل الردود: 6
1.
13:53:45 2017.04.03 [مكة]
الرسول صلى الله عليه وسلم يقول لازال جبريل يوصيني بالجار حتي ظننت انه سيورثه عليك بالصبر ومعاملته بالطيب صدقوني استخدم الاسلوب الى اقول لك عليه اذا شفته قوله كيف حالك يو بوفلان باسم ولده وخلك مبتسم وكان ماصار شي لا انه العناد يولد المشاكل لكن الطيب زين وانا اخوك كثير مثل هذي العينات من الناس لكن ايش تسوي معه مالك الا الصبر
2.
05:35:39 2017.04.04 [مكة]
بعض الجيران للأسف .. لا يقدر الجيرة ولا الكلام الطيب .. انا لي جار من يوقف امام جدار بيته كامل ..... يروح يقفل على باب بيته على طول .. :) عنده كراج وصاير يوقف السيارة قدام الباب عناد .. مرة سيارتي خربت وماخذ متر من جدار بيته .. راح وقف سيارته قدام الكراج :) الان صار لنا ساكنين جنب بعض اكثر من سنتين وصباح الخير وصباح النور وكيف حالك واخبارك وعيالي اذا تسطحت كورتهم عنده رجعها مفقوعه :) يا رجال وسع صدرك في عالم نفسيات ..
3.
04:27:43 2017.04.08 [مكة]
الله يعينك للأسف الجيران اغلبهم في الوقت الحاظر تغيروا تقول اذا ماجاء منهم شر يكفي الحمدلله
4.
11:06:17 2017.04.09 [مكة]
الله المستعان يابعض الجيران انا كنت مستأجر وراعي الفله حاط قرنبع اخوه عند الباب وهي خربانه والمستأجر. الثاني عنده كراج يوسع 5 سيارات وموقف الجمس برا وانا اول من سكن الفله قبل راعيها والله اوقف بيني وبين شقتي عمارتين عشان ما احب ادخل في جدل مع الجيران على شيء تافه ومع ذلك فاتح لهم الواي فاي الياف بصرية سرعة 40م واذا احتجت النت قفلته واذا طلعت فتحته والحمدلله امور طيبه ومستوره انتم بس خلوكم بعيد عنه وتعازموا بينكم وخلوه يشوف بنفسه عزايمكم واسحبوا عليه ثم اعزموه مره على قهوه وشوي شوي تطيح الميانة بس بالبداية خلوه يشوف ان اهل الحارة على قلب واحد هذا المقصد من انه يشوفكم عازمين بعض بدون ماتكلموه
5.
01:39:14 2017.05.26 [مكة]
بيض الله وجوهكم ، و الله يهديه
6.
13:54:52 2017.06.03 [مكة]
أصبر علي جارك السوء ان يهديك الله أو ربنا ياخده
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!