تم اصدار بطاقه ائتمانيه دون علمي

السلام عليكم ورحمة الله وبركاته
اخواني اعضاء مستعمل الكرام
عندي مشكله وهي اتتني رساله على جوالي من بنك الرياض قبل اسبوعين وهي كتالي تم الموافقة على طلب بطاقتكم الائتمانيه وسيصلكم اشعار التسليم قريبا
عندما شاهدت الرساله قلت يمكن غلاطنين المهم اليوم تفاجأت باتصال من رقم ثابت وكنت مشغول ومارديت عليه اخذت بعدها بساعه اذ وصلتني رساله من شركة سمسا اكسبريكس تقول الرساله عزينا العميل لم نستطع الوصول وذلك للتحقق من عنوانكم لشحنتكم رقم كذا كذ المهم ركبت سيارتي وتوجهت لفرع سمسا وسالت موظف من الجنسيه الهنديه وقلت جتني رساله منكم وش الموضوع قال هذه رساله من بنك .وقال اتصل على خدمة عملاء سمسا ويفيدونك واتصلت عليهم وقالو لك بطاقه ائتمانيه من بنك الرياض حدد لنا عنوانك لكي تستلمها قلت لا والف لا ومعصي انا راح اكلم البنك واعرف السالفه اتصلت على خدمة عملاء بنك الرياض ورد علي سعودي قلت انتم اصدرتم بطاقه ائتمانيه باي حق تصدرونه دون علمي مع العلم ان لي تقريبا 10 سنوات لا اتعامل مع بنك الرياض رد علي الموظف بقوله انه ماله دخل في الموضوع واذا تبي نرفع لك شكوى ماعندنا مشكله قلت لا انا ابي الشخص المسؤل الذي اصدر لي بطاقه دون علمي ابيه وين ماكان واشتكيه قال اللي يريحك
برايكم اخواني ماهو التصرف السليم هل اذهب لمؤسسة النقد ايشروا علي قبل ان اتهور مع هذا البنك

كل الردود: 5
1.
02:17:24 2017.01.31 [مكة]
شوف موسسه النقد السعودي اطلع لهم واعطيهم الموضوع بالتفصيل وتقدم شكوي لو تحب
2.
23:22:19 2017.01.31 [مكة]
لو تقدمت بشكوى لمؤسسة النقد هل يوقفو بحزم اتجاه هذا البنك ايش الاجراء الي يتخذونه شكرا لك اخوي فيصل
3.
00:01:18 2017.02.01 [مكة]
حسب علمي مجرد إصدار البطاقة الإئتمانية لا يعتبر جريمة لكن لو تفعلت أو أستخدمت من قبل شخص آخر وقتها لك الحق تشتكي عادي لا تكبر الموضوع
4.
00:58:58 2017.02.01 [مكة]
اها يعني مافعلها بكذا مايصير علي شئ تسسسلم اخوي انور
5.
03:58:29 2017.02.01 [مكة]
مثل ما تفضل الأخ أنور سبق وجاتني نفس الطريقه اللي جاتك لكن ببنك ثاني بطاقتين ذهبيه انا ما احتاجها اتصلت بخدمة العملاء وقال لي الموظف اذا ما تحتاجها لا تفعلها وكررت الاتصال بهم قال لي خلاص ما منها فائده بعد ما اذيتهم بالاتصالات والى اليوم محتفظ بالبطائق لها تقريباً خمس سنوات عندي ما استفدت منها بشيء لأني ما فعلتها
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!