صعوبة في حجز اسم سجل تجاري/التجارة الالكترونية

السلام عليكم ،

يااخوان انا لي سنتين ونصف في التجارة الالكترونية ولكن بشكل غير رسمي ، ومن فترة قررت اني اشتغل بشكل رسمي ؛أولا ً أبدأ في اصدار سجل تجاري > إنشاء موقع مصرح به في معروف > فتح حساب بنكي باسم المؤسسة > الاشتراك مع ارامكس > وكذا كانت الامور في مخي تمام لكن التطبيق عقدوه علي جدا

لي شهرين او اكثر احاول احجز اسم تجاري عربي عن طريق موقع وزارة التجارة ورفضوا لحد الان 9 أسماء !! مع العلم كلها اسماء عربية ولم يسبقني احد عليها ! وماقدرت بعدها احجز ولا اسم زي اللي قفلوا علي الخاصية هذي ! رفعت شكاوي محد رد علي وكلمت الوزارة ورد علي الموظف وقال لي مالنا دخل في قبول الاسماء ونفس الشي بالمحادثة الحية بالموقع رد علي الموظف بنفس الكلام !! ولي فترة موقفة الشغل حتى اركز ع الاجراءات وللاسف ماحصلت لاشغل ولا اكتمال الاجراءات، حتى اني بحثت عن معقبين وحصلت واحد ومارد علي !

الله يخليكم هذا مصدر دخلي الوحيد دلوني ع طريقة اصدر فيها سجل تجاري بنشاط تقنية معلومات ع حسب كلام الموظف ان مجال التجارة الالكترونية هذا اسم نشاطها !

وعندي فكرة مشروع ناجحة ان شاءالله ونفس الشي ماادري كيف أبدأ اذا ع اصدار سجل سوو فيني كذا كيف راح افتح مشروعي الثاني !! يحتاج لها اظن تسجيل علامه تجارية ماادري كيف الطريقة اقدر افتح سجلين ؟ واحد للموقع والثاني لهذا المشروع ؟

الله يفرج عليكم دلوني وشوروا علي

كل الردود: 4
1.
22:06:11 2016.10.07 [مكة]
روحي الوزارة اللي في مخرج 16 اذا من الرياض وفي مكتب حجز الاسماء اللي يرفضها النظام تعبين نموذج وترفقين ورقة من النت من المعجم ان الاسم اللي تبينه عربي بالاصل ساعة بالكثير ويعطونك الموافقة اذا اثبتي ان الاسم اللي تختارينه عربي بالاصل
2.
11:14:34 2016.10.16 [مكة]
انا حجزت اسمي التجاري بعد 56 محاولة خلال تقريبا سنة و اخيرا وافقوا عليه مع اني راعيت الاسماء الممنوعة و بحثت الاسم في الاسماء التجارية الموجودة قبل لا احجز الاسم و احنا في هذي البلد غير امعصي تمشي بالساهل لازم التسحيب و حسبنا الله و نعم الوكيل
3.
11:23:03 2016.10.16 [مكة]
طبعا 56 اسم مختلفة و عربية و فصحى و بنت ناس هههههههه
4.
17:23:19 2016.10.19 [مكة]
تواصلي معي احنا مكتب تعقيب خدمات الكترونية اطلع لك السجل خلال 24 ساعة ان شاء الله للتواصل 0547646426 ابو بوشي ارجو ذكر الموقع لدفع العمولة لإبراء الذمة ايضاً لجميع الخدمات الالكترونية الحكومية 100 ريال لكل خدمة
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!