أبي اشتري بيت وعندي استفسارين

السلام عليكم

يا اخوان عندي استفسارات عن العقار


1 - هل نزلت اسعار البيوت خلال هالثلاث شهور


2 - كم ياخذ البنك مقدم 30 % أو مثل ما قالوا 15 %


الله يوفق من يرد علي ويرزقه من واسع فضله

كل الردود: 20

عرض:
1.
08:32:45 2016.08.24 [مكة]
وعليكم السلام .. نزول البيوت بسيط جدا مقارنه بالأراضي .. البنك يأخذ 30% مقدم من إجمالي قيمة العقار المراد شراؤه
2.
22:54:44 2016.08.25 [مكة]
مشكور أبو همس بانتظار البقية
3.
21:48:53 2016.08.26 [مكة]
رفع بانتظار البقية
4.
11:27:03 2016.08.28 [مكة]
على ما اسمع من زملائي الي يبحثو عن فلل في مدينة جدة... فالاسعار نزلت. خصوصا الفلل انزل بنفسك مكاتب العقار.. وابتعد عن مواقع النت
5.
16:04:16 2016.08.28 [مكة]
احد الشباب يسولف علينا قبل يومين يقول الشركة عندنا كانت مسوية اتفاقية مع بنك البلاد في شراء الموظفين العقارات كان شرط اساسي من شروطهم اعادة تقييم قيمة العقار سنويا (يوم كانت الاسعار في ارتفاع) الان مسوين فيها ذيابة قالوا بنسوي لكم عرض اننا نزيل هالشرط في الاتفاقية وتكون الحسبة على قيمة العقار وقت الشراء !!! الدعوى نزول لكن على مدى عدة سنوات واللبيب بالاشارة يفهم
6.
02:04:58 2016.09.01 [مكة]
مشكووورين هل من مزيد
7.
16:18:59 2016.09.02 [مكة]
فية نزول والافضل تنتظر راح تشوف العجب
8.
21:27:17 2016.09.21 [مكة]
هل من جديد
9.
20:42:39 2016.10.10 [مكة]
وش تتوقعون يصير بناء على الظروف الحالية
10.
21:52:42 2016.10.11 [مكة]
السلام عليكم اذا انت ساكن ايجار ولقيت شي مميز وعاجبك لا تردد هذا انا لي خمس سنين آجل الشراء لوني شاري كان وفرت قيمة الايجار 150000 خلال هالسنوات
11.
03:13:36 2016.10.12 [مكة]
نصيحة محب ... لا تأخذ عن طريق البنك قرض عقاري ابداً ابداً ابداً ...
12.
14:52:43 2016.11.07 [مكة]
اخ وسيط ليش ماياخذ قرض عقاري من البنك انا مقدمه حاليا عشان اشترى شقه في حلول اخرى يعين ؟
13.
16:22:42 2016.11.07 [مكة]
هل نزل العقار مؤخراً ؟
14.
23:54:04 2016.11.11 [مكة]
يا ليت اللي عنده خبرة يشاركنا
15.
00:06:47 2016.11.12 [مكة]
البنك ماتضمنهم يرفعون الأقساط ولا يطبقون بنود العقد الا على العميل اما الالتزامات اللي عليهم انساها .. ويرفعون الأقساط بدون سابق انذار والعقد لعبتهم .. ومؤسسة النقد نايمه بالعسل ولجنة فض المنازعات المصرفية كلهم موظفين بنوك أساسا .. يعني تربط نفسك من حلقك مع البنك لمدة كم سنة .. اسأل مجرب ولا تسأل خبير ... انا مجرب وملسوع منهم والله العظيم أحيانا أقول ياليتني ما اخذت بيت عن طريق البنك ... ولكن أقول قدر الله ماشاء فعل ... والحمدلله على كل حال والان مهمتي انصح البقية ما يتورطون ... وبالمناسبة كل البنوك نفس بعض ما تفرق هذا عن هذا .. كلهم عيال ...... كل البنوك رفعت الأقساط الان بنسب عالية على الناس والناس تورطوا معهم ولاهم قادرين يهربون من البنك ولا هم قادرين يوفون التزاماتهم الشهرية ...
16.
02:12:39 2016.11.24 [مكة]
ابعد عن قروض البنوك وانت بخير
17.
03:53:57 2016.11.24 [مكة]
السلام عليكم ورحمة الله وبركاتة اخواني والكلام للجميع من واقع تجربة انا كنت ساكن محافظة ومستانس ومبسوط وبنيت بيت ولااروع وصار عندي ظرف صحي لولدي واضطريت انقل للرياض وشريت بيت عن طريق البنك واخذ فائدة علي تقريباً اكثر من النص الشاهد من كل هالكلام دقتني الحسايف والقهر من هالشرية اقول ايجار ولا استعمار للراتب ترى الصبر طيب ولو انه مر وعلقم لعل الله يحدث بعد ذلك امر لاتستعجلون على الشراء ودمتم بود
18.
07:07:29 2016.11.24 [مكة]
انا من تجربة صديقتي لا انصح بأخذ بيت عن طريق البنك اشترت لها فلا عن طريق البنك من تقريبا سبع او ثمان سنين الفايده تقارب المليون على تسديدها عشرين سنه شي يوجع صراحه
19.
13:39:22 2016.11.24 [مكة]
لاانصح بضغط عمرك علشان بيت وتحرم نفسك الاستثمار والعيشه الاريح لعائلتكحتى لو انك بأجار لانك لو بتقسط بيت بيروح جزء كبييييير من راتبك وانت اولى فيه حتى لو استمريت في بيت صغير واجار لكن يشترط زيادة دخلك بالحلال بأي شكل كان ومع الاستثمار والوقت اشترلك ارض لو تقسيط وابدا فيها حبه حبه لو تقعد فيه عشر سنين مايضر مع اني اأيد الاجار بشرط وجود دخل طيب ومع التركيز والوجية السليم لدخلك صدقني بتسوي الهوايل وفي شغله مهمه اللي الادخار ثم الادخار ثم الادخار واستغلال الفرص الاستثمارية وانصح الجميع ((((((((مو كل ما تشتهيه تشتريه))))))))
20.
10:31:42 2016.12.08 [مكة]
لاتسلم رقبتك للبنك انا ساكن باجار وماعندي مشكله اقعد باجار ولا يربطني البنك 15 سنه وتلقى قيمه البيت دبل وثري من غير الفوائد
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!