ماهو الحل لأهل الخبره في سوزوكي جيمني jimny

2015

السلام عليكم ورحمة الله وبركاته
الحمد لله والصلاة والسلام على رسول الله محمد
(موديل 2015 خليجي موقعي بالرياض)
عيوب الجيب هي
1-ريحه بنزين تروح وترجع داخل السيارة.
2-ضعف المكيف في الوقوف خاصة وان درجه حرارة الجو 50وفوق.
3- رجه في الفرمله ورجه في المشي مع رجه الطاره تروح في سرعه وترجع على سرعه.

كل الردود: 32

عرض:
1.
15:43:34 2016.07.28 [مكة]
بالنسبة للرجة مع الفرملة ... شكل هوبات الفرامل الامامية محتاجة خرط. يكن لازم تغير فحمات فرامل معاها. بالنسبة للرجة وانت ماشي ... يمكن كفراتك قديمة تحتاج تغيير. تقدر تسوي ترصيص كفرات اول واذا مافاد ... شيك على الكفرات يمكن لازم تغيرها ... على الأقل الامامية. بما ان السيارة دفع رباعي فيه احتمال ثاني للرجة وهو يمكن ربلات وجلد عمود التوازن الامامية مهترئة او مساعد ذراع التوازن خربان مع اني اشك لان موديل السيارة جديد (كم ماشية؟)
2.
16:16:05 2016.07.28 [مكة]
تحتاج غسيل بخاخات عشان ريحه البنزين وتشييك هل فيه تهريب او لا تحتاج تشيك على مراوح التبريد وتنضيف الرديدر واذا ماراحت المشكله تغير كمبروسر اما الرجه مع الفرامل تحتاج خرط هوبات ووزن وترصيص وبارك الله لك في موترك
3.
16:43:05 2016.07.28 [مكة]
جزاكم الله خيرا اخواني الموتر جديد 8000كم فقط
4.
20:19:25 2016.07.28 [مكة]
مادام الموتر جديد: بالنسبة للرجة مع الفرملة ... شكل هوبات الفرامل الامامية محتاجة خرط. يكن لازم تغير فحمات فرامل معاها. النسبة للرجة وانت ماشي ... سوي ترصيص كفرات اول واذا مافاد ... شيك على الكفرات (حتى لو جديدة) يمكن فيها مشكلة من سوء تخزين السيارة ...الخ ليه ماتوديه الوكالة ... المفروض الاشياء هذي تحت الضمان بالنسبة للمكيف: هل مروحة المكينة عادية والا كهرب؟ وكم مروحة فيه؟
5.
20:22:44 2016.07.28 [مكة]
مروحة عادية بالمكينه و مروحة كهربائية للمكيف وسلامة الجميع.
6.
20:25:13 2016.07.28 [مكة]
الكفرات مغيرها المستخدم الي قبلي بس مدري عن ترصيصها.
7.
21:03:06 2016.07.28 [مكة]
بالنسبة للمكيف ... طبيعي اذا انت واقف يصير ضعيف لان رديتر المكيف مايجيه هواء واجد. اذا كان الجو حار مرة وانت واقف وتبي تبريد المكيف يزيد ... ممكن تخليك ضاغط على دواسة البنزين (لاتضغط واجد ...) ... يعني تزيد ريس الموتر شوي ... طبعا هذا فقط حل مؤقت يفيد وقت الحرارة الشديدة ...
8.
06:23:46 2016.07.29 [مكة]
hmd100100 طال عمرك صحيح كلامك جربتها، ولكن فيه حل تغيير مروحة المكيف ولكن ماعندي علم وش الأفضل النوع والقوة ( تجنب مصاريف بدون فائدة ) وانا ابحث عن مجرب فيه فكرة في راسي وهي تركيب رشاش ماء يرش على الديتر الماء والمكيف وسهله = قربه+مفتاح+رشاش +لي، فقط نفس فكرة المرهمات
9.
11:28:56 2016.07.29 [مكة]
^^^ الي يقول خرط هوبات وتغغير كفرات السياره جديده وماشيه 8 الاف مستحيل الكلام هذا صاحب الفكره الجهنميه ( رشاش ماء ) الحديد الساخن اذا ترشه بالماء ينكمش بسرعه ويرجع يتمدد بسرعه وممكن ان الوصلات تتقطع ويخرب نصيحه :/ تواصل مع احد ملاك نفس السياره وتاكد من ان العيوب هاذي عندك فقط لانها اذا كانت عيب في جميع الموديل فلا يوجد حل
10.
12:47:09 2016.07.29 [مكة]
ابونواف1 مو مستحيل اخوي تعال جرب الموتر وسلامة الجميع
11.
17:46:08 2016.07.29 [مكة]
ابو نواف فيه وكالات غيرت كفرات لزبائن سياراتهم ماكملت 1000 كم لعيوب في الكفرات من سوء التخزين او عيوب مصنعية. بعدين الاخ صاحب الموتر يقول ان المستخدم السابق غير الكفرات (مع ان الموتر جديد). يعني اكيد كان فيه سبب. اما عن رش الماء على الرديتر ... فــ اغلب الرديترات تصنع من الالمنيوم (حتى لو لونها اسود) والرديترات القديمة تصنع من نحاس ... يعني رش الماء عليها مايأثر. الرجة في الفرامل ممكن تصير حتى للسيارات الجديدة. هل تعلم انه بعد تغيير الهوبات والفحمات ينصح انك تسوي لها تمرين عشان ماتتاثر وتصير ترج. والطريقة سهلة: سوق السيارة بهدوء (سواقة شيبان) لين توصل شارع او ساحة فاضية. بعدين سو الاتي: 1- امش لين سرعة 100 2- اضغط الفرامل بقوة لين تصير السرعة 10 بس لا توقف 3- كرر الخطوتين 1 و 2 تسع او عشر مرات. 4- بعدين امش بالموتر عادي وبشويش لمدة 15 او عشرين دقيقة 5- وقف الموتر وخل الفرام تبرد 6- كرر العملية هذي في اليوم الثاني. اهم شي في العملية هذي انك ماتوقف وتقعد ضاغط على الفرامل والموتر واقف. افضل وقت لتغيير الهوبات والفحمات هو الشتاء اذا كان الواحد يقدر ينتظر. شف الفيديو هذا يشرح طريقة تمرين الفرامل بعد تغيير الهوبات والفحمات: https://www.youtube.com/watch?v=KRVoNYhvJuE بالنسبة لتغيير مروحة المكيف ... كل شي ممكن ولكن انا ماافضل الترهيم والتغيير الا في موتر قديم او مخصص للتطعيس ...الخ اذا كان ولابد شف كهربائي فاهم يحط لك مروحة اضافية اذا فيه مكان ...
12.
00:12:20 2016.07.30 [مكة]
من خلال تجربتي لمثل هذ الجيب ما فيه عيوب ابدا بإستثناء المكيف . صحيح مايبرد بشكل ممتاز اثناء الوقوف والسبب ان الكمبروسر صغير جدا لكن انت شيك على الفريون للتاكد فقط . مشكله ريحه البنزين احتمال فيه تنسيم بسيط مع غطاء التانكي او الجلده اللي حول طرمبه البنزين تحتاج تغيير . مشكله الرجه هذي فيها أشياء كثيره تسببها مثل : مسامير توازن-عامود توازن-هوبات-مساعد الدركسون-ترصيص كفرات-الجنوط . ان شاء الله تكون المعلومات مفيده للجميع , للإستفسار اكثر تواصل معي على الخاص .
13.
09:59:23 2016.07.30 [مكة]
بيض الله وجيهكم وحرمها عن النار، جزاكم الله خيرا
14.
11:08:29 2016.08.01 [مكة]
سبحان الله وبحمده سبحان الله العظيم
15.
02:47:16 2016.09.06 [مكة]
السلام عليكم ورحمة الله وبركاته للأسف الشديد لايوجد متمكن في الجميني
16.
14:26:27 2017.01.07 [مكة]
حل مشكله الرجه مساعد دركسيون ايسي ديلكو فقط يتبع باقي المشاكل أن شاء الله بعد التجربه لمروحه المكيف وشكرا
17.
08:50:46 2017.03.05 [مكة]
مرحبا اخوي al-aziiz انا قرأت بكذا موضوع ان حل المشكلة هو بمساعد تثبيت. مثل البرو كومب وايسي ديلكو اللي قلت عليه. ممكن تقولي وين حصلته، وبكم سعره، وهل فيه ورشة تعرف تركبه وهل فعلا راحت الرجة نهائياً؟ انا متردد اني اشتريه ولا احصل احد يركبه صح لاني ما لقيت احد فاهم بالجمني عندنا للأسف. مع الشكر
18.
10:27:34 2017.03.05 [مكة]
السلام عليكم و رحمه الله و بركاته أخوي سعره 120 ريال حق جمس يركبه اي واحد بالصناعيه لحام قواعد فقط وهذا رقمي للتواصل واتس اب 0567744344
19.
22:14:34 2017.03.12 [مكة]
السلام عليكم اخوي تم بحمد الله استبدال مساعد دركسيون ايسي ديلكو بمساعد فرخ شبح مرسيدس 126
20.
22:19:08 2017.03.12 [مكة]
وذلك بسبب ثقل المساعد في ورشه الحربي خلف الراجحي الصناعية القديمة بالرياض تقريبا التكلفه 75 ريال مساعد و 150 ريال شغل يد
21.
13:29:17 2017.03.14 [مكة]

(تم حذف الرد بواسطة الإدارة)

22.
04:48:11 2017.04.08 [مكة]
وعليكم السلام ريحه البنزين لان التانكي تحت المقاعد اللي ورا تحت الفرشه فيه غطا للطرمبة روح للوكالة اذا صارت تحت الضمان الشي الثاني المكيف يصير حار لان الرديتر الخارجي مافيه مروحه تبرده مع الوقوف ويحتر الشي الثالث الرجه في الفرمله شفت الفحمه مربوطه بمسماريين جهتين رح لاقرب مكنيكي خله يفك المسماريين والقاعده حقت المسمار يفكها تراه بيلقاها مجيمه خله يشحمهن زيين ويركبهن وجربها وراح تدعيلي ولوالديني
23.
11:01:14 2017.05.23 [مكة]
تم ولله الحمد والشكر حل جميع المشاكل ومن عنده استفسار يتواصل معي على 0567744344
24.
13:14:57 2017.05.23 [مكة]
ماشاء الله. امس اتصلت بك ولا رديت. واليوم بتصل بك ان شاء الله. بحفظ الله
25.
16:03:07 2017.05.23 [مكة]
الله يحفظك يا رب اذا ما رديت عليك تعال واتساب لا هنت
26.
16:06:08 2017.09.16 [مكة]
السلام عليكم و رحمه الله و بركاته الحلول للجمني هي : 1- حل الرجة تركيب مساعد دريكسون فرخ شبح رقم (26) أصلي 75 ريال، الترهيم كلف 150ريال. 2- حل المكيف إلغاء ليات الثلاجة الحار. 3- حل ريحة البنزين نزع غطاء علبة موزع البنزين وتركيب لي بشكل مقوس.
27.
08:48:04 2017.09.18 [مكة]
المكيف ماله حل اخر لان الشتاء قرب وسيارة جمني ماصنعت الا للبر
28.
17:55:58 2017.09.19 [مكة]
بدر ابوكاديم بالصيف تلغي ليات الماء الثلاجة الحار وفي الشتاء رجع ليات الماء الثلاجة الحار
29.
19:40:50 2017.09.19 [مكة]
اذا صارت الدعوة كذا اركب حنفيه افتحها بالشتاء واقفلها بالصيف اريح لي
30.
22:33:26 2017.09.19 [مكة]
ابو كادي ارجو منك الجدية في الموضوع
31.
12:47:48 2017.09.23 [مكة]
نعم جاد وانا مسؤول علي اللي قلت يعني اذا انت قافلها كأنك ملغيها بالصيف وبالشتاء تفتح الحنفيه تادي عمله بالمطلوب
32.
14:01:15 2017.09.23 [مكة]
باين الذكاء
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!