صالح كامل يستغل نفوذه بتعطيل معاملات المواطنين

انا علي ديون بمئات الآلاف
وعلي مخالفات مرورية متراكمة بحوالي 25 الف
والله ما عندي اسددها من حر مالي الا اني اتدين
والادمي ذَا بس يتندر بالشباب السعودي بتصريحاته من جهة ويبتز أموال المواطنين من جهة
فلا يقدر الواحد يقضي معاملة الا اذا سدد اللي عليه من المخالفات المرورية بعد ما ارتبطت بالنظام
مع ان المخالفة المرورية لا لها ارتباط لا بفحص ولا باستمارة ولا بجواز ولا بحفيظة ولا بمعاملة بغير مجال ولا غيره
ما لها ارتباط الا بالرخصة !!
عالاقل لو عدم تجديد الرخصة ما قلنا شي لان ما لها ارتباط بغيرها لكن مربوطة بكل معاملة ويعامل المواطن كانه اجنبي يدفع جزية
ليه كفار احنا بنظره ؟!!
ما بقى غير يقول لا تطقع (ويكرم القارىء) الا اذا دفعت مخالفات ؟!!!
من وين أسدد لك يا #لا_مدلع !!!
"عذبت امرأة في هرة" وناس تعطل أمة كاملة ولا احد حاسس !!

كل الردود: 11

عرض:
1.
01:54:09 2016.06.19 [مكة]
اهلا كل هالكلام عن صالح كامل !!! احنا متعاطفين معاك ولكن قول الصدق من اللي أمر بالقرار أما صالح كل اللي سواه انه نفد مشروع يعني الوضع ما بتغير سواء اللي مسك المشروع صالح كامل أو غيره
2.
02:40:54 2016.06.19 [مكة]
لأن جبلتنا ( بصراحة ) ترفض الانضباط لا زلنا ننظر الى نظام ساهر على انه في غير محله خمسة وعشرين الف ريال على الاخ كان يمكن ان يتجنبها او معظمها بشئ قليل من الحرص والالتزام بالأنظمة التي وضعت للمصلحة قبل أن تكون لاي غرض أخر واذا كان ساهر اخذ بعض اموال غير المتجاوبين معه فإنه وفر الكثير من الارواح والخسائر والاصابات الخطيرة والرافضي اعلاه يلمز الدولة متهما اياها تعريضاً بانها السبب فيما يراه غبنا على المواطنين يمدحون الحياة في طهران وقم اشير عليه انه يجربها
3.
07:42:49 2016.06.19 [مكة]
فيه خطاء عليك و عليه و النسبه الاكبر عليك لي انك **أنت** من جمعت الديون على نفسك و **أنت** من ركم هاذي المخالفات على نفسك 25الف ريال مخالفات مروريه !!؟؟؟ يعني المخالفات مقتصره على سرعه و قطع اشاره و وقوف خاطء و تضليل ((ليش تجيب المشاكل لنفسك)) قصتك مثل ولد جاري مسوي هو أخر الزاحفين و يسرع و يقطع الاشارات و يوقف في المكان الي يعجبه و يضلل و المخالفه اذا جته يتفاخر فيها شهر الحين وده يتزوج يبي يسافر يبي يخلص اوراقه لاكن لا يقدر لي انه تجمعه عليه مخالفات قيمتها 37الف ما صار امامه الى يتوظف و يحط كل شهر من راتبه 3الف تساهل الخطاء يجعلك تكرره و تكراره يركم عليك المصائب و المصائب اذا تراكمت صعب تطلع منها كلها... هاذا درس من دروس الحياه تعلمه و صلح كل شيء و أبداء من جديد .
4.
09:08:53 2016.06.19 [مكة]
السلام عليكم ورحمة الله وبركاته رد 2 جزاك الله خير فيه مثل يقول اللي يده بالماء ماهو مثل اللي يده بالنار صالح كامل هامل بعد ماشبع من قنوات الفسق جاء وسوا فيها ومفتي وسرق اموالنا لايفتي علينا لانه ماهو اهل للفتوه انا ماني ضد ساهر تماما بالعكس فيه مصلحه للجميع ولاكن بتثقيف الناس وعلى قولتك (جبلتنا ) يعني لازم توعيه وارشادات مو هب طب متى وصلت قسايمنا من العشره وفوق اغلب العالم كل ماتقابل شخص الا ويقولك علي كذا وكذا ولا بعد مدبله والسبب السرعه 80 ومشيت 90 و300 ريال وتدبيله مرة واثنين الين ماوصلت مبلغ وقدره ...... الشي الثاني بالدس ورا بتره ولا كبري ولا شجره وفي الطرق السريعه ورا جبل ايت انضباط اذا كان هذي بدايته احنا مانتعب ونشقا ونكد لجل صالح وغيره لجل يسرقونا ..ولا الان شهريا نص راتبك عنده لجل ماتتدبل القسيمه لا نجدد ولا نننقل ولا. ولا. الا نسدد جميع المخالفات!! ملاحظه: بالنسبه للدوله واللي يحكمها حنا نفديهم بارواحنا ونموت لاجلهم واللي يسرقونهم وينهبون المواطنين فيها مانطبط لهم..؟ ولاكن ربك يمهل ولا يهمل
5.
09:50:16 2016.06.19 [مكة]
بتعيش بتخطي وكل ما تخطي مطلوب منك تصلح خطاك لكن مو مطلوب منك تسرق او تدفع شي فوق طاقتك عشان تعيش وخاصة لو انت معسر ! تخيل لو هالتاجر (وهو احدهم) فرض عليه ان مصالحه تتعطل مع الدول الاخرى الا اذا سدد مخالفته المرورية اللي (وقوف خطأ مثلا) هل سيرضى هو بهذا ؟ بشار الحاقد ما سواها يجي هذا يسويها ويدعي ان هذا مصلحة للناس ويستغل نفوذه في تعطيل مصالح المواطنين ويحاربهم في لقمة العيش ويمنعهم منها الا تسدد ؟!! احنا بحرب في الجنوب وحرب في الشمال وهذا متروك يحارب الله ورسوله بالربا في وسط المجتمع ويعطل مصالح العالم !! وفوق كذا ضرب بالفتاوى عرض الحائط ويفتي لنا من راْسه ! على ايش ؟! من أعطاه الحق وافتاه بهذا ؟
6.
10:06:58 2016.06.19 [مكة]
ياجماعة الخير الي يقول يثقفونا يعني انت يوم صورك ساهر ماكنت تسمع عنه ابد مو معقوله وحتى لو صورك المره الاولى رح اسئل عنه وش الطريقة انك تتفاداه المره القادمة وفيه ناس تقول ليه يخشونه او يغيرون مكانة كل فترة طيب لو مشيت بالسرعه المحددة بيصورك ساهر انا معهم في بعض السرعات انها المفروض يزيدونها ولكن هالشي الي يحدده الامانة وليس المرور وفيه ناس تقول شوفو الدول المتقدمة وبنقول خلونا من الدول المتقدمة وبروح لدبي بحكم دبي من المدن المتقدمة طرق دبي الرئيسية كل كيلو او كيلوين او ثلاثة كاميرا مثبته يعني مايمديك تدعس الا انت واصل الكاميرا الثانية وايضا المرور السري وغير سري بسيارتهم وبدرجاتهم النارية بكل شارع وبكل لفه وسو أي مخالفه ومايمديك تدخل محل وتطلع الا وهو محضر عند السيارة وسجل المخالفة ويامرك بتعديل وضعك وربعنا ينضبطون هناك لانه نظام صارم ماهو مثل هنا يصكر عليك الواحد نص ساعه ويجيك مبتسم ويعتذر ويحرك ولا هنا كلن ماهمه ولاكثرت المخالفات وتراكمة قعد يصيحون ياخي ليه مانقهر ساهر بتباع السرعه المحددة وليه مانقهر المرور باتباع القوانين والابتعاد عن المخالفات ياخوان المستشفيات مليانه من المرضى وغالبية المرضى حوادث ارحمو انفسكم وانفس الاخرين .
7.
11:40:22 2016.06.19 [مكة]
كيف تبي مجنس يحس بالمواطن مثله مثل غيره حتى مجلس الشورى طلع اغلبهم مجنسين امثال ( سعود الشمري )
8.
12:06:40 2016.06.19 [مكة]
يارجل حسستني انو انا السبب في حوادثهم وارحمو انفسكم وانفس الاخرين طيب وصورني وسمعت عنه خلاص اكون ضحيه لتجاربه وهل هو ناجح اولا في كل طريق له سرعه معينه تلف يمين يصورك توقف على الخط يصورك على اساس كنت ماشي 200 ووقفت فجاه على الخط طبعا هذا في الاشارات ومن غير وغير والله العظيم اني احرص كل الحرص على سلامتي وسلامة الناس ولاكن مافيه فرق80 و90 ياخي هذي سرقه واقسم بالله
9.
22:37:16 2016.06.19 [مكة]
والله اكثر مايخوفني على وطني كثر القرارات السلبيه داعش ولهم رادع الله يعز جنودنا البواسل والصفويين من يحاولون زعزعة امن البلد لهم رادع وهم جنودنا ولكن من يتخذ قرارات بدون النظر لطبقات المجتمع ويساوي التاجر بذو الدخل المحدود ومن يساوي صاحب المحل الصغير بصاحب الشركه الكبرى هذا هو من يخوفني حكومتنا وحكامنا الله يعزهم يحاولون تيسير امر المواطن ولكن هناك من ياجج الصدور وهم خبراء مع الاسف ولكن خبراء بشهايد لا بالخبره الله ييسر امرك ويعينا ويعينك
10.
08:00:38 2016.06.20 [مكة]
ابوسامي انا ماقلت انت السبب الا بحالت انك ماتطبق النظام وياليت تمر اقرب مستشفى حكومي كبير وتسئله عن نسبت الحوادث عندهم وايضا اسئلهم فيه ناس منعوهم يوقفون قبل الخط احد صار له حادث وهو معدي الخط يابو سامي 80 بالميه من الخالفات والحوادث متوزعه ع ياسرعه او قطع الاشارة ياخي الفاضل اسئلك انت او اي احد تعرفه هل تتجرا تتجاوز خط الاشارة او تلف يمين بدون توقف باحد الدول الاوربية صدقني بتقول ماحد يتجرا يابو سامي دور لي طريقه مع نصف الشعب لما يحصل ناس ماسكه الاشارة وتنتظر دورها على ماتشتغل ويمشون ويجونك مالا يقل عن ثلاث واربع سيارات وياخذون يمين ويلف يسار قدام هالعالم هل تيد هالشي والا الي يجيك وفيه ناس واقفه مع الاشارة ويقفل ع الي بيلفون يمين يابو سامي الشق اكبر من الرقعه عندنا انا اقولك فقط السرعه يزيدونها قليلا فقط وصدقني وبهالمخلافات الناس ماهمها ولما تتراكم عليهم يحطونها بفلان وفلان وبعدين النظام مؤقتا عشانه مكلف تتكفل به الشركات وبعده بيرجع للحكومه الدخل كامل
11.
15:31:12 2016.06.20 [مكة]
امورك تتعطل بالجواز فقط وهذا من قبل صالح كامل
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!