فزعتكم ومشورتكم، قرض من البنك

سلام عليكم

بدخل في الموضوع علطول..

بغيت أطلع لي قرض من البنك وتسكرت أمامي جميع الأبواب بسبب عدم وجود اتفاقية من قِبل الشركة اللي أشتغل فيها مع أي بنك
علماً ان راتبي 6 الاف ومتثبت في وظيفتي الحمدلله, لكن مالقيت ولا بنك يقبلني. حتى البنك اللي يجي راتبي عليه عيا يقبل (الراجحي)

تكفون ياجماعة الخير أبي حل الله يسعدكم
واللي يقدر يسعى لي في الموضوع له حق السعي اللي يبسطه

وشكراً

كل الردود: 6
1.
20:12:57 2016.06.18 [مكة]
القراءات فوق ال120 ولا استفدنا (:
2.
21:57:44 2016.06.18 [مكة]
هذا مشكلة القطاع الخاص وهذا خطا الحكومه وجهات المختصه المفروض ضمنون مستقبل الشباب في القطاع الخاص فيه منهم الي على وش زواج وفيه منهم من عليه مديونيات ولكن من يسمع فالحين في سعودة محلات الخضار وسطحات وتاركين الاهم وهو القطاع الخاصه وخاصه الشركات مقدر افيدك كانت هذي مشكلتي قبل 6 سنوات ولا فيه بنك قبل يقرضني ولكن روح بنك السعودي الفرنسي وقدم واسال الله تيسير امرك وتسخير عباده الصالحين الطيبين لحل مشكلتك هذا البنك الوحيد الي ممكن يستاهل معك وفيه شي نسيت اذكره اذا موظفين الشركه عماله وسعوديين يفوقون 100 شخص اتجه لاي بنك ووضح له النقطه هذي فوق 100 شخص يرسلون مندوب من البنك لشركه وغصب يقدمون القروض اما ان كان اقل الله يعينك في النظام بعد 100 موظف يحق للبنك منح العميل قرض بدون موافقة الشركة
3.
02:03:16 2016.06.19 [مكة]
اهلا المشكلة من نفس الشركه ما عندها اتفاقية مع البنك لأن البنك ما يعطي قرض إلا ادا كانت الشركة موقعه اتفاقية مع البنك طبعا من الاتفاقية أن تكون الشركه ضمان للموظف عند البنك
4.
09:46:41 2016.06.19 [مكة]
الله يكون بعونك اذا الشركة مالها اتفاق او تعاون مع البنك مالك الا هالي يقصدون ولا انصحك فيهم لا من ناحية فوائدهم وارتفاع اقصادهم ولا ع شروطهم
5.
10:57:13 2016.06.20 [مكة]
t-almefleh شكرا ع المعلومه اخونا جربت حقين التقسيط وبصراحه وبدون مبالغه .. أوسخ شي ..تكرمون معقوله ياجماعة الخير مافيه بنك يعطي قرض بدون اتفاقيه؟؟!
6.
21:17:20 2016.06.20 [مكة]
بدون اتفاقية مع الشركات .. تلاقي بنك الامارات دبي يعطي بدون تحويل راتب وبدون اتفاقية مع الشركات .. وبنك الاستثمار .. على ماظن .. ولكن اذا كنت محتاج ليش ما تدور جمعية افضل لك .. او اعمل جمعية في العمل دام الشركة عندكم غير معترف بها في البنوك ف اعمل جمعية مثلاً من 2000 ريال واختار الزملاء الأمنيين القادرين على السداد اللي ماعندهم مشاكل مالية كثيرة ويقدروا يسددوا اختار لك عشرة اشخاص تطلع ب عشرين الف ريال مع حقتك .. وعلى عشرة اشهر فترة بسيطة وبدون عمولات وبدون وجع راس
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!