استفسار بخصوص الخطبه

السلام عليكم

تقدم خاطب علينا وودي اعرف الماضي حقه وسمعنا ان في شي اسمه برنت نقدر نعرف منه
ايش هي الطريقه الله يجزانا واياكم خير؟

كل الردود: 19

عرض:
1.
19:29:15 2016.06.15 [مكة]
على خبرتي الادله الجنائية نفس الي يطلبونه الوضيفه يطلعون لك حتى مخالفاته على السياره و اي مصيبه سواها في حياته والله اعلم
2.
19:36:15 2016.06.15 [مكة]
وعليكم السلام ورحمة الله وبركاته الله يقدم لكم الي فيه الخير .. الاستخارة والاستشارة .. خير ما تقوموا به .. بخصوص الأدلة الجنائية وخلافها .. هذه ماعندي أي معلومة عنها .. ولكن تقدرون تسألون عنه في محيطه ( عمله , حارته , جيرانه ) اسألوا عامل البقالة عنه وحارس البيت .. ف هم اكثر الناس معرفة بأخلاقه لانه لا يتجمل امامهم ابداُ الله يقدم لكم اللي فيه الخير
3.
21:34:14 2016.06.15 [مكة]
الله يجزاكم خير وماقصرتوا عالنصيحه لكن هل نروح للادله الجنائيه ونطلب منهم هالشي؟ او وين نروح بالضبط الله يجزاكم خير؟ مالكم الا دعوه خالصه برمضان الله يجزاكم خير
4.
23:58:36 2016.06.15 [مكة]
😄 أدله جنائيه مره وحده 😆 إذا انتم شاكين فيه ، قله مع السلامه ومع الباب .
5.
02:11:58 2016.06.16 [مكة]
ايوالله صدقت وصلة للادله الجنائيه ايذا ماتعرفه زين خله يمسك الطريق 4 مسارات والله الامور الان تخوف
6.
02:30:37 2016.06.16 [مكة]
الادله الجنائيه صاره مهمه ممكن له سوابق تعاطي او شرب او تفحيط او سفرات كثيره خذ وصف بيته و تعال صلي في مسجدهم كل يوم خلك متخفي و دوره بين المصلين و اسأل عنه الأمام و أسأل اصحاب المحلات الي حوله و جيرانهم و قبل كل شيء قلهم هاذي امانه تسأل عنها و تبي الحق مو التجميل
7.
08:14:32 2016.06.16 [مكة]
بالمختصر اذا الرجال يصلي زوجوه غيرها يفتح الله والدعوه عايديه اسال امام المسجد الي عند بيتهم
8.
08:18:14 2016.06.16 [مكة]
امام المسجد مكان وظيفته من اصحابه في العمل
9.
10:00:55 2016.06.16 [مكة]
لاتزوجه وبس بس شكلك حرمه منت رجال من اسلوبك الله يهديك اليوم الرجال معاد فيه الا القليل الصالح بس شوفه اذا صايع على الخفيف جوزوه
10.
10:16:38 2016.06.16 [مكة]
قال الرسول ص اذا اتاكم من ترضون دينه وخلقه فزوجوه
11.
11:33:33 2016.06.16 [مكة]
( لا أكمل من وصية رسولنا الكريم من ترضون دينه وخلقه فزوجوه ) الدين يكون عائد على شخص الزوح في علاقته مع الله والخلق تكون عائدة على علاقة الزوج مع زوجته فينتج لدينا تكامل في الشخصية .. وربنا يكتب لكم ما فيه الخير ،،،
12.
17:08:16 2016.06.16 [مكة]
لا برنت ولاشي شف من هم اصاحبة والرفقة التي يمشها معها واسئل امام المسحد عنة بينك وبينة والله يختار لكم الصالح
13.
17:24:12 2016.06.16 [مكة]
رد 9 ليتك ماكتبت رد لاتنصح بهالاسلوب!!
14.
02:17:52 2016.06.17 [مكة]
أخي الكريم عليك من الشخص في الحال واترك الماضي ولاتفكر تسأل عنه إلا اذاكنت قادر وضامن على هدايته واتدينه حتى الممات
15.
03:35:37 2016.06.17 [مكة]
يابن الحلال اذا م انت واثق منه يمدحون خط الدمام واسع وريح بالك اسال الله لنا ولم الستر وحسن الخاتمه اللهم يسري امري وامركم امين
16.
09:41:42 2016.06.17 [مكة]
لا تفكر لا برنت ولا شيء ، ركز في الاخلاق ( شاب القوي الأمين ذو اخلاق ويحب العمل - شاب له قوة في الارادة والطموح وصاحب القرار ويعرف معنى الحياة والسعادة ويحس أنه مسؤول في زوجته واولاده ويعرف كيف يقود ويدير شؤون الاسرة وترابط بين العائلة والاقارب........ ماذا تستفيد من شاب متعلم وغني اذا أخلاقه سيئة وعاصي ربه.
17.
10:19:51 2016.06.17 [مكة]
اهم شي بالموضوع الاستخاره ومثل ماقالو بعض الاخوان الهادي الله كثير تزوجو وعقلو اهم شي لاتزوجه البنت وتنساه واشرط عليه صلاة المسجد والصحبه الطيبه وبر والدينه وصلة رحمه اذا وافق وهو راضي كل الرضا سجل شروطك بالعقد وتوكل على الله واذا حسيت انه مو مقتنع قضبه الباب والبنت يجيها رزقها والله الموفق
18.
01:54:32 2016.06.18 [مكة]
وفقك الله ... وفق الله الجميع إلى كل خير وصلاح وفلاح ونجاح في كل أمر. البرنت معناه أنك تعرف شخص معيّن في الجوازات يجيب لك أو يطلع لك على برنت سفراته لأن في معرفة السفرات الشيء الكثير من المعلومات. اسأل أصحابه ... زملائه في العمل .... رئيسه في العمل ..... كيف سلوكه .... ألخ. أيضاً الصلاة في مسجد الحي لأكثر من فرض ولمدة أسبوع لترى هل يصلي هناك خصوصاً إذا كان في البيت .... وهل يصلي بشكل عام؟ أو تابعه وقت الصلوات وانظر هل يصلي في العمل؟ هل يصوم؟ هل عليه مخالفات مرورية خلال العام الماضي؟ نوع المخالفات؟ هذه كلها مؤشرات هامة للغاية على صلاح الشخص.....وعلى العموم ضع بطاقته على الخاص إن رأيت أنت أن هذا ضروريا.
19.
08:27:13 2016.06.18 [مكة]
ياخوي اول شي استخير الله مرة واثنين وثلاث وصدقني ماتندم ومايمنع تسأل عنه في حارته وخاصه امام المسجد أما برنت وأدله جنائيه ومدري ايش طيب وطلع عنده بعض الأمور السلبيه خلاص قامه القيامه ياخي كلنا خطاؤن وخيرالخطاؤن التوابون وانت استخترت الله يعني ماراح يسير الا كل خير لانه لو كان فيه شر راح يبعده الله عنك ولو كل شخص بيسوي كذا محد راح يتزوج الصلاح من الله واطلبه انه يرزقك بالرجل الصالح وبتعين خير ..اما برنت وادله الامور هذي تعتبر خاصه طيب لو فرضنا حق سفر وخرابيط وتاب الله عليه يعني خلاص يعتبر نكره باختصاااارررر ركز بالأستخاره وماتندم واتمنى ان الله يرزقنا ويرزقكم بحسن الخاتمه
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!