ابي حل لوضعي

السلام عليكم انا شاب عمري 23 سنة عربي الجنسية بس مو سعودي كنت عايش هنا انا ووالدي لكن قدر الله وتوفى الوالد الله يرحمه من 5 سنوات ودفناه هنا في الرياض وصرت لحالي الحين

نقلت كفالتي على شركة مقاولات واشتغلت معهم 3 سنوات وقدر الله وقفلت الشركة ونقلت كفالتي على محل تلميع سيارات واشتغلت فيه ما يقارب السنة والنصف

كان صاحب المحل موفرلي السكن والمواصلات والاكل طبعا اذا اعتبرتو ان وجبة الغداء فقط هي اكل اليوم كامل وما استلمت ولا راتب من سنة تقريبا

وكل ما كنت اكلم كفيلي عشان الراتب يقول ما عندي وش اسويلك لا جت فلوس عطيتك رواتبك كاملة الى ان طفش مني بسبب مطالبتي بحقي وطردني من المحل

اشتكيته في مكتب العمل وما استفدت شي وما فرقت مع كفيلي واقامتي منتهية من ما يقارب ال10 شهور

مشكلتي الاساسية الحين اني قاعد في الشارع وانام في الشارع لي شهرين وما عندي ولا ريال ولا سكن

انا عضو في موقع مستعمل من اكثر 5 سنوات بس سويت هذا الحساب عشان اعرض مشكلتي عليكو يمكن تقدرو
تساعدوني

انا ما ابي ريال من احد ولا ابي سكن

انا ابيكم بس تفكرون في مشكلتي وتقترحو على اذا في شي اقدر اسويه

لي اصحاب كثير او كنت افكرهم اصحاب بس ما احد منهم ساعدني ولو بكاسة موية حتى

حلم حياتي اني ارجع بلدي بس مع الاسف ما اقدر ابدا بسبب وضع البلد الان

الله يبغى يكسب فيني ثواب يدعيلي ان الله يفرج همي