الموظف الملقوف ،،،تستاهل

..

عندنا واحد في الدوام مسمينه الرجل الصامت لي ثلاث سنوات اداوم ماعمري سمعت منه سالفه يايسلم او يرد السلام
وطول فترت دوامه ع الكمبيوتر يطبع المعاملات وهذا شغله
اشتغل عرق اللقافه فيني وكل مارحتله اسولف معه مايعطين وجه وهذي حالتي معه الي معي في الدوام غسلو يدينهم وانا يا قاتل يامقتول
وفي يوم شتا وامطار دقيت عليه وقلتله تجهز بمرك بكره الصباح نبي نكشت الرجال اعتذر وانا الحيت عليه الا يطلع معي غديه لاشاف البر والامطار يسولف
مريته الصباح وطلعنا ووديته ابعد مكان مافيه لا ناس ولا ارسال جوال ونزل العزبه واشب النار وضبط المهيله
واول ماصبيتله الا قعد يبكي 😨😨
سلامات قال ولا شي
ويشتغل عرق اللقافه من جديد جد وش فيك اعتبرني اخوك وصديقك ادري في قلبك شي ودك تقوله
قال خلها العصريه اقولك
قلت ماشي وحسيت بنشوة الانتصار على الذات

العصر قام من عندي وراح تقريبا ميتين متر وصرخ صرخه قوووويه حسيته مكبوت ووده ينفجر وروحله ركض بضمه خويي في حاجتي

لقيته جايني ودموعه اربع اربع قال قبل اربع سنوات طلعت مع واحد من خوياي للبر وصارت مشكله وقتلته
ودفنته ومحد يدري بالسر الا انت

قعدت اكذبه وقول تستهبل

ويروح يستقبل القبله ويصلي صلاة الميت على خويه
هنا قعدت ادور مفتاح سيارتي بنحاش العمر مره وانا وش لقفني فيك جعلك مانطقت
والعصر قرب ينتهي ومفتاحي معه
قال بنام اليله هنا والصباح نروح الرياض قلتله ابوي يبيني

وقعد اترجاه نمشي وعندي اشغال وحالتي حاله
ويتبسم ويقول الحفر الحين سهل بعد هالمطر وقول وشهوله نحفر خل نمشي بس

انا خنقتني العبره مقدر فيه نحيف وقصير وهو مستصح ودب

في الاخير قعد يضحك قال يملقوف لك فتره مشغلني وحبيت اتوبك قلت توبه ماعاد اتلقف
قال بفضحك في الدوام وخليهم يطقطقون عليك
ترجيته قلت اذبحني ولا تعلمهم ههههههه

اخذ علي وعد اني لو تلقفت على احد بيعلم
ابد يومين الا وهو صايدني اتلقف على واحد توه جديد عندنا وفضحني 😩


هههههههههههههههههه يابطنيه 😩😭😂😂😂😂😂

كل الردود: 4
1.
03:01:48 2015.10.28 [مكة]
، ودي اشوف اللي مألف ذالقصه كان اسأله وش يقرب لك النمنم ؟
2.
04:09:07 2015.10.28 [مكة]
مشاء الله عليييييييك قصه بكل صراحه وامانه بايخه جدا وسخيفه مادري وش قصت الفضاوه عند هالحريم
3.
11:58:30 2015.10.28 [مكة]
تنفع تكون سكتش حلو. شكلي بصورها..
4.
14:31:53 2015.10.28 [مكة]
سردك للقصة رائع و سالفة خويك تونس بس كيف قدر يبكى اربع اربع بسهولة اتوقع القصة جد بس حاول يفلت منها و ورط انه بلغك قال خل اسوقها عليه
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!