يسعد صباحكم 🌺🌺🌺اص👇

اص 🏃😂
...


اناواخوي دايم هواش بيننا ومقالب لاكن الي ماتوقعته منه ليلة زواجي وانا رايح لشقتي ومعي العروس حاط اعواد اسنان خشب داخل القفل حق الباب حاولت افتح الباب ماقدرت وماتوقعت انه مقلب وحبيت اسوي غضنفر قدام زوجتي وب اقوا مامعي رفست الباب 😔 وكسر في مشط القدم وتجبست رجلي وشهر العسل وعكازاتي معي
وعرفت انه هو بعد ماعترفلي
بعد فتره طويله واخوي ماخذ كل حذره ومايخلي اي مجال انه يتمقلب الولد قرر يتزوج وجات فرصتي ارد الصاع صاعين
اخذت خواتي واحلى سوق وكفي وقلت لهم بسوي في فيصل مقلب قالو تم بس وش دورنا قلت عطوه رقمي الي مطلعه ومحد يدري عنه وقولو انه رقم فلانه وقولو ترا رقمك معها
هههههههههههههه اكل المقلب الحلو
صرت احط في البايو حق الواتس صورة خاتمين وتاريخ الملكه
وهو من الوقار الي في راسه حاط صورة العريفي وتحتها دعاء
هههههههههه كان يحط صور هيفا ونانسي
واحط اخر اليل اذا كان خيرا لي فعجل به يا الله
وان كان شرا لي فابعده عني

يحط لو الجوارح تنطق لقالت معلقات عن اشتياقها لك

الولد دايم ناشب في الواتس ولا يكتب بس عيونه في الحاله حقت الحب
اتفقت مع خواتي انه بيعشينا لعيون الحب قلتلهن قولو ترا خطيبتك بتجينا تتعشا عندنا
واحط في الحاله اليوم هل تتمكن عيوني من خطف نظره او لمحه لك واحط صورة قلب مكسور💔
ويغيرر حالته يحط ما اقسى الانتظار
ههههههههههههههههههههههههههه
ويتكشخ ابو الشباب ويروح يجيب مشويات وكيك وحلا وعصيرات وانا وخواتي ميتين ضحك عليه
جاب العشا ونقلط عليه انا وخواتي وينادونه خواتي يدخلونه داخل وهو يقول مالها داعي عيب
اغصبني واتغيصب
اول مادخل الا ويشوفني قاعد ابلع من الي جابه
قلتله اخيرا لمحت نظره لك😍
صرخ مثل الكلثمي ويروح يمين ويسار يقول سويتوها يالوصخين ويخم الكيكه الكبيره وينحاش
جلس اسبوع زعلان علينا
وحطيت في الحاله حقتي كثر الله خيرك يالعشير😘