اتقوا دعوة المظلوم

وحده تقول/
بخصوص اللي دايم نسمعهم يقولون تدعى ويستجاب دعائها---هاذي قصه من الواقع القريب مني شخصيا:

عمتى كانت توها طالعه من النفاس من قبل 7 سنوات ويجي زوجها ويقول لها بسافر انا وانتي وولدها سوريا نحضر عرس واحد من الربع وراحت معاه واستاجرو شقه فوق شقه اهل العروس وزوجها يطلع ويستانس واهي بالشقه قاعده قبل العرس بيوطلعو اهل العروس شقتها وقالو لها نبي نسوي نتظيفات العروس عندك بالشقه شقتنا زحمه وهي قالت مو مشكله وقعدو بصالتها ملبسين العروس بس فوطه ويشيلون لها شيره وعمتي عيونها على العروس 👀👀 تقول بنوته صغيره وبيضا...
تقول انا يالمره ما قدرت انزل عيني عنها وشلون الرجال وقعدت ادعىً يارب زوجي ما يشوفها ويتزوج على كانت خايفه ان زوجها يرجع ويشوف هالجمال وياخذ وحده سوريه .. المهم جلسو بس يغنون ويجهزون عروسهم وعمتى بغرفتها تدعى ان زوجها مايجي لين يخلصون
طقو عليها الباب وقالو نبيها تتسبح بحمام غرفتك لان الحمام اللي برا الماء بارد ودخلتها وتمت بغرفتها تدعى يارب ما يشوفها يارب ما يشوفها وفعلاً خلصت حمامها وطلعو من شقتها .. اللي حصل بعدها زوجها رجع من مشواره ونام وقال لها صحيني بكرا بدري عشان العرس بكرا ولازم اوقف مع صديقي واهل العروس اذا يحتاجون شي بها اليوم
نام زوجها ونامت
الصبح قامت وقالت اقوم زوجي عشان العرس وحاولت تقومه من النوم ما قام تحاول وتحاول ابد الرجال مو حولها شافت النفس ولا مقطوع نفسه وقعدت تصارخ طلع زوجها متوفى الله يرحمه
وعلى صراخهاا طلعو اهل العروس لها يشوفون وش العلم فتحت لهم الباب وقالت لهم ولا تشوف العروس تركض لغرفه نومها وتصيح مع عمتى استغربت عمتى وقالت انا ابكي زوجي متوفي انتى شتبين تنوحين وكان الجواب اللي حطمها هذا كان بيصير زوجي اليوم .. اليوم دخلتنا على بعض 👎👎 سبحان الله من دعائها الله اخذ امانته قبل لا يشوفها ولا يتزوجها طلعت العروس له مهب لرفيقه مثل ما قال 😒
وتوفي قبل لا يحرق قلب عميمتى وعلى فكره رجعت عمتى بنفس اليوم ولا اخذت فيه عزا وما تحسفت على دعائها خانها وحب يحرق دمها بالغربه وهى ما حولها احد 💔💔

اتقو عاقبة مظلوم على ظالم
بقصد او بغير قصد ✋
قصة حقيقية 💔😩

كل الردود: 2
1.
13:50:19 2014.12.23 [مكة]
فلم هندي
2.
10:00:55 2014.12.25 [مكة]
اتوقع انك تشاهدي 10 افلام هندية في اليوم قللي منها قولي خيراً ولا اصمتي هداك الله الى مافيه قول الحسن والمفيد حتى لاتضايقي عباد الله
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!