ياخوان وين القاء مثل اللي في الصوره

السلام عليكم
ياخوان تعبت وانا ابحث عن مثل البحص او الحصى حق الحدائق مثل اللي بالصوره
وابي المصدر نفسه لاني محتاج كميه لبيتي
كلمت كذا واحد من اهل المشاتل وكل واحد مايبي يعلمني يقولي اجيبلك وبياخذ مبلغ زياده

طبعا انا ابحث عنها في الرياض او الشرقيه مايهم
واذا عندكم اي افكار مثل كذا علموني لاني عندي بالحوش مكان كان فيه سراميك وكسرته ولان غصب علي اسرمكه من جديد وفكرت احط بحص مثل حق الحدائق

وجزاكم الله خير

كل الردود: 14

عرض:
1.
عضو قديم رقم 389642
20:29:52 2014.12.21 [مكة]
هاذا تحصله في الاودية مجاري السيول الكبيره
2.
22:32:32 2014.12.21 [مكة]
جب لك خلطة سمنت ... وعب ،،، ترا مجرد فكره ياليت ان مافادتك ترسم البسمه على وجهك
3.
11:35:18 2014.12.22 [مكة]
والله يالغالي مريت في منطقة اسمها الشقيق بالمنطقه الجنوبيه على ساحل البحر ويوجد احجار باشكال رائعه منخوره من الداخل وكانها اسفنج .
4.
20:29:33 2014.12.22 [مكة]
ساكو
5.
عضو قديم رقم 389140
21:52:04 2014.12.22 [مكة]
حدائق السلطان
6.
00:30:07 2014.12.23 [مكة]
اذا تبي غالي في ايكيا اذا تبي كميه ورخيص طريق الخرج محلات السيراميك الي على اليسار وانت رايح مليانه ومتوفر اللوان كثير بالتوفيق
7.
06:24:56 2015.02.14 [مكة]
اهلا ياابني شوف أي دركال بحص اللي تحمل منه القلابيات هناك تباع ورخيصه جدا وبتلقى دينا لتحميل في نفس الموقع وباالرياض بعد الفحص الدوري باتجاه الدمام امسك الخدمه وتشوفهم على اليمين
8.
14:17:22 2015.02.14 [مكة]
ساكو -حدائق السلطان-ايكيا-محلات البلاط طريق الخرج زي ماقالو لك بعض الشباب وساكو انا شفتها بنفسي واشكال والوان
9.
عضو قديم رقم 227114
20:25:26 2015.02.14 [مكة]
يا جماعه الخبوت فيها من الحيود والاحجار الكثير الكثير والجميل في نفس الوقت... كل راعي ديرة يروح مكان الجبال وفيها من كل لون احمر اخضر بني بدرجاتها وبجميع الاحجام
10.
15:46:27 2015.02.15 [مكة]
بالجنة!
11.
03:26:38 2015.03.20 [مكة]
السلام عليكم اخي الفاضل هاذي النوعية تجدها قريبه من السدود ومجاري الماء تحياتي لك
12.
11:13:25 2015.03.20 [مكة]
نعم صحيح كما ذكر أخونا الغالي هذا المرو في أودية الحجاز
13.
11:23:39 2015.03.22 [مكة]
اذا انت من اهل الرياض عندك طريق الدمام بعد كبري الفحص ادخل مع الخدمة بعد المحطه في مباسط الحجر والبطاحي والعمالة باكستانين عندهم ( مرو ونوع ثاني ابيض لماع وعندهم حجر احمر وازرق واسود وانواع واشكال انا شاري منهم الخيشه ب20 و15 وب25 على حسب النوع وكنت ماخذه على شان اسوي ربراب لمشاتل المزرعة وفيه محل موقعه تقاطع شارع الامام الشافعي مع شارع الامام احمد بن حنبل شرق الرياض حي الريان وعندك البرآآآآن والشعبان
14.
13:21:51 2015.03.22 [مكة]
ياخوي هذا مرو الصمان مليان رح وحمل سياره ان بغيت مجانا
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!