اريد شوركم في شغله لوجه الله تعالى

احبتي

ميزانيتي 1000 ريال

ويوجد صديق لي يتيم ومقطوع ،، ومقبل حالياً على الزواج ،، وأريد مساعدته في الأثاث انا وبعض الشباب

ظروفه صعبة لدرجة ما تتخيلوها

وهو حالياً يأثث بيت

وجدت البارح دولاب مطبخ يناسب ميزانيتي ( مستعمل طبعاً ) ب900 ريال

ووجدت مكيفين ايضاً تناسب ميزانيتي ب1100 ريال

هل المكيفات المستعملة تخدم أم اخذ له واحد جديد بدل الإثنين المستعملة ؟

أم اخذ له المطبخ ؟

احترت وما ودي اسأله عشان الإحراج ،، لأنه قال اللي تقدر عليه ولم يحدد .

وأسأل الله ان يجعلني سبب في تفريج ولو جزء بسيط من همه .

شاكر لكم جميعاً

كل الردود: 16

عرض:
1.
عضو قديم رقم 356336
08:50:08 2014.12.15 [مكة]
خذ المكيف الجديد اضمن من المكيفين المستعملة جزيت بالفردوس
2.
عضو قديم رقم 390110
09:09:08 2014.12.15 [مكة]
اخوي جزاك الله خير والله ييسر امر صديقك له من عندي مباركه مائة ريال قابل للزيادة ارسلي رقم حسابك
3.
عضو قديم رقم 386347
10:06:48 2014.12.15 [مكة]
المطبخ اشوفه افضل في الأجر فسيستخدمه هو وأهله ولك الأجر بكل استخدام ..... تخيل كم سيكون لك من الأجر هذا رأي مني والله يوفقك
4.
عضو قديم رقم 390110
10:12:04 2014.12.15 [مكة]
تم الغاء العرض
5.
15:02:08 2014.12.15 [مكة]
4. بقلم: asater عيب عليك ترجع في كلامك وخاصه بهديه زي كذا وبقيمة بسيطة وليتيم
6.
18:05:22 2014.12.15 [مكة]
الله يجزاكم خير ،،، 4. بقلم: asater انت قاعد تكلم نفسك الله يصلحك ، مثل اللي يسأل ويجاوب على سؤاله
7.
00:12:54 2014.12.16 [مكة]
خذ مكيف جديد بيبقى له طول العمر وتعرف المكيفات على اقل تقدير بتجلس عشر سنين ..
8.
07:02:55 2014.12.16 [مكة]
وجهه نظري تعطيه المبلغ كاش في يده وهو يتصرف فيه حسب حاجته
9.
07:48:04 2014.12.16 [مكة]
لاتشوف اللي مااشترى وتشتريه له
10.
14:57:57 2014.12.16 [مكة]
اولا الله لا يحرمك الاجر ثانيا من الافضل ان تعطيه كاااش وهو ابخص باللي يحتاجه وبالأولى له ،، مثلا حاليا لا يحتاج لمكيفات لانه فصل شتاء فيصرف المبلغ في شي يحتاجه والمكيفات يجيبها لا زانت اموره عقب فترة واذا عندك مقدرة تدخل في التزام يوجد مؤسسات تقسط لك باقساط شهرية معقولة افزع له باللي تبي من اجهزة وقسط
11.
15:17:41 2014.12.16 [مكة]
كيف ما ودك تسأله وهو جاوبك اللي تقدر عليه يعني سألته يعني طيب اسأله وش ناقصه قول له انك تقدر على ذا وذا...
12.
15:21:47 2014.12.16 [مكة]
الافضل انك تعطية كاش مثل ماقال الاخوان اللي قبلي وهو يشتري اللي يحتاجة او يسدد به او يسوي فيه حسب رغبته
13.
18:00:10 2014.12.16 [مكة]
الله يجزاكم خير اشتريت له مكيف جديد ووصلته بعد العصر بارك الله فيكم وبإذن الله لو توفر معي مبلغ من الراتب ، بعطيه كاش الله يجزيكم بالجنة
14.
عضو قديم رقم 346131
18:01:31 2014.12.16 [مكة]
لاتشتري شي عطه الفلوس وهو بيدبر نفسه
15.
19:57:12 2014.12.16 [مكة]
فعلا عطه الفلوس أحسن...
16.
20:03:49 2014.12.16 [مكة]
عطاه فلوس أزين لك من واقع تجربة شخصية
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!