لو قفل عليك شخص بسيارته

هناك شريحه من الناس لا مباليه ولاتهتم بمشاعر الأخرين او مدى اهمية الوقت اللي ضاع عليك وهو مقفل عليك ولما تجي تتكلم معاه يقول لك انا اسف طيب اسف ايش بتفيدني ؟؟؟؟
الاخوه الافاضل ارجو المشاركه بموقف وحول لهذه الظاهره

كل الردود: 26

عرض:
1.
15:05:08 2014.05.15 [مكة]
انا عني اقعد استغفر ولما يجي يكون شوي خجلان يرفع يدة ويعتذر وارد علية التحية والسلام . افهم ان الموقف مو شخصي لانه مايعرفني بس للاسف صارت ثقافة مجتمع والي يواجة الثقافة يتعب .
2.
15:05:16 2014.05.15 [مكة]
بسيطة جدا اذا قفل واحد عليك بسيارته بنشر له 3 كفرات واركب تاكسي خليه يحوس ويتربي ويتعلم ان الاحترام واجب
3.
15:09:16 2014.05.15 [مكة]
غلط وينك عن قولة تعالي واللذين هم عن اللغو معرضون
4.
15:10:04 2014.05.15 [مكة]
اهلا ما يقهرني ( يزعجني ) ادا كان مقفل علي وانا انتظر و هرنات ( بوري ) وخويه راكب في السيارة و ما يحركها ادكر مره صاحبي اتصل عليي وكان دوامه اول ليل و من زمان ما داق الرز قلت اليه امشي نروح مطعم في مخطط 91 دجاج بلدي وما يقفل الا ساعه 1 ورحنا وتعشينا و طلعتنا وقفنا في محل فيتامين تبع العصاير طبعا غايتنا نتمشى وما نرجع الا الصباح و لما خلص الطلب وادا سيارة خلفنا و انتظرنا فوق نصف ساعه انا انقهرت صحيح اني فاضي وما عندي شي بس حسيتها تجاهل و استحقار نويت انزل اليه ولكن صاحبي قال دكوه السيارة الي جنبنا بيطلع وطلع سيارتك زاوية واكسر الشر وفعلا جلست ملي قدام و ملي ورى الى ان طلعت السيارة و انا ماشي واد اشوف ان في السيارة راكب ومع ذلك ما حرك ساكن من كثرة ما كنت معصب فجرتها ضحكة على هالسالفه ! ودايما ما يدكرها لي صاحبي طبعا دائما تحصل لي وخاصه لما كنت معقب في الجوزات اوقف السيارة اخر الساحه ومع ذلك يجي من يقفل علي واخر مره في شهر رمضان قفلوا علي من اربع الجهات اتصلت للمرور و قال لي عطني لوحة السيارة حتى نتصل عليه وعطني لوحة السيارة الثانية حتى لو ما رفع الاول نتصل على الثاني وجلست فوق نصف ساعه ولا احد شرف اتصلت على صاحبي ومر عليي و تركت السيارة مكانها ويوم ثاني اخدتها
5.
عضو قديم رقم 257508
16:17:31 2014.05.15 [مكة]
لو شدد المرور العقاب لما رايت هذه الفوضى والا مبالات
6.
17:31:12 2014.05.15 [مكة]
من امن العقوبة اساء الادب
7.
عضو قديم رقم 334864
20:11:01 2014.05.15 [مكة]
من وجهة نظري ان تاخذ احطياط يعني اذا موقف طولي لا تلزق بالسياره الى قدامك اعط فرصه لك وفرصه للى امامك اذا موقف بالعرض اجعل بينك وبين الرصيف من الامام مسافه بكذا اذا شارع عام وعليه حركه مايقدر يوقف خلفك خوف من المرور اذا مراجعات حكوميه وقف سيارتك بعيد عن تلك الاداره وحتى لو تركب لمزين اشوفه افضل من مشكله قد تحدث لاتحمد عقباها اما اذا ابتليت وحصلت سياره مسكره عليك فحسب وضعك تقدر تنتظر ولا دق ع المرور سلم موضوعك الدوريه اذا كتب مخالفه اركب لمزين وارجع لسيارتك بعد ماتخلص مشوارك وبكذا ياخذ درس الى سكر عليك
8.
22:06:42 2014.05.15 [مكة]
اترك وضعية السيارة في منتصف الموقف يكون بروز خلفية السيارة قريبة من خط السير كذا لا يسطيع الوقوف ويسكر عليها
9.
22:51:35 2014.05.15 [مكة]
مالك الا الاستغفار لانه فرضا تخاصمت معاه وتضاربت وراح فيها يمكن يكون عنده قلب وضغط وجا اجله على يدك وكده انتهى امرك فمالنا الا الاستغفار فقط مثل ماتفضل الاخ كيلو واشوف انه من الافضل ان لما يجي احد يقفل على سيارتك لابد يضع رقم جواله هذا اذا كان مضطر
10.
23:26:30 2014.05.15 [مكة]
^^^^ نعم من امن العقوبة اساء الادب لو كان فيه نظام يمشي على الجميع لو تشوفهم اذا سافرو برا ينضبطون لانهم عارفين ان فيه نظام ولا يستثني احد
11.
عضو قديم رقم 339253
23:26:58 2014.05.15 [مكة]
ابك علي الحررام انزل اكسره هو سيارته واحص العجرة في ....... لين يثوب ويطبل يوقف غلط
12.
04:57:39 2014.05.16 [مكة]
ما في نظام يحميك للأسف وقف بعيد وارتاح
13.
07:15:13 2014.05.16 [مكة]
واحد من زملائنا في العمل .. كان خارج الصباح للدوام ونزل من بيته الا سيارة واقفة خلف سيارته مقفل عليه .. طبعاً صاحبي انتظر لانه صباح وصعب يزعج العالم .. طبعاً ماحد سأل فيه دق على الجرس ولا احد رد عليه .. بعد نصف ساعة اتصل على المرور وابلغهم .. جا المرور ومعاهم ونش :) طبعاً الونش شغال يسحب الا الحبيب نزل يركض .. معليش معليش ماكنت اقصد رزعه العسكري بمخالفة وقوف خاطئ وتعطيل الناس بس صاحبي .. مافوتها لها قاله وين رايح يالحبيب تعال انا تأخرت عن عملي الان ساعة ونصف ونصف ساعة في الطريق اللين اوصل يعني متأخر ساعتين .. وساعتي في الدوام ب 100 ريال .. رجاءً ادفع الان 200 ريال لي تعويض عن ساعات الخصم اللي بتنزل علي بسببك .. ههههههه الرجال يحسب انه يمزح وقام يتبووووسم ويضحك .. قاله لا جد اتكلم .. ادفع .. طبعاً ناظر في العسكري .. قاله من حقه ادفعه له .. العسكري قاله اكيد انت تسببت في ازعاج الأمن بوقوفك الخاطئ وعاقبناك بمخالفة .. وهو تأخر على عمله وبتنزل عليه خصمية بسببك .. الحق احق ان يتبع قام الرجال طلع الميتين وهو مايشوف الطريق طبعاً يحلف خووووي يقول سنة اشوفه يوقف زي العالم والناس ولا عاد يوقف وقفاته اللي ع الرصيف ولا ساد على خلق الله ... لانه معروف في العمارة بأنه يوقف بأي مكان عادي قدام الباب ع الرصيف ورا سيارات الناس .. بعدهاااا لو يوقف في اخر الشارع بس اهم شي ما يوقف غلط ... إذن الشاهد في الموضوع من أمن العقوبة اساء الادب
14.
عضو قديم رقم 361096
07:47:13 2014.05.16 [مكة]
عاد الغريب قد صارلي موقف واحد سد موقفي وموقف الي جمبي بالعمارة موقف السيارة بالعرض ورايح ومخلي سيارته ولا حاط رقمه ولاهامه احد الوقت كان متأخر ومافي مواقف بالشارع زحمة مواقف اتصلت على المرور وقلت لهم الموقف الي صاير وتفاجأت !! أنه يقول والله حنا مانجي الا اذا انه ساد الشارع ولا انت راعي العمارة غير كذا مانجي ؟؟؟؟ طيب وانا من يفك حقي اتهاوش مع خلق الله .. رحت كتبت له ورقه ولصقتها على زجاج السيارة كنت بنسم له كفرات السيارة لاكن تحس انها عيب وانت مطمن عند الكفر مثل الورعان .. والمشكله انهم يحدونك على هالتصرف
15.
11:10:23 2014.05.16 [مكة]
شوفو جد انا لا احتمل الفوضه مره كنت بالتعليم العالي وجا واحد ما قفل الطريق علي لوحدي اكثر من 100 شخص لانه وقف في المدخل جمس 82م هالموضوع قبل سنه الزبده طالعت الشنطه مفتوحه قمت نطيت وفتحت الباب فضيت القير قلت دفووو يارجال دفيناه وابعدنها ورجعت انا وكذا شنب كل واحد مسك كفررررررررر والاربعه استوت بالارض وحركنا بعد ساعه رجعت من نفس الشارع وخوينا جاب فزعه يدقو بنشر قلت شيء طيب واجزم ما كررها ثاني شي يقهر الواحد ما يمشيء 5 دقائق حتى يامن سيارته اولا ولا يضايق الناس ثاني
16.
عضو قديم رقم 305451
11:51:44 2014.05.16 [مكة]
من قريب صار لي هالموقف طلعت من الدوام ولقيت واحد ساد عالي المهم اتصلت على واحد من الشباب وطلعنا وتعشينا ومرت ثلاث ساعات ورجعت ولقيته ساد علي قلت حسبي الله ونعم الوكيل ورحت البيت بدون السياره ولا اخذت سيارتي إلا من ثاني يوم
17.
عضو قديم رقم 193459
13:06:01 2014.05.16 [مكة]
* طالما الموضوع يناقش مع انه قديم اقصد معروف من زمان فهذا يعني انه انتقل الى مرحلة الظاهرة .. والظواهر ليس لها حل عند الحكومة سوى فرض غرامات وان كانت موجودة من قبل فسيتم تدبيلها واضافة بعض العقوبات عليها .. شعب مايربيه الا الغرامات .. هو كذا وبس . *
18.
20:31:17 2014.05.16 [مكة]
هذا شخص حقير وماعنده ذوق وهمجي للاسف ياكثر هالاشكال ومايقهرك كمان اللي يجي يوقف في المواقف بالعرض
19.
14:18:21 2014.05.18 [مكة]
المشكله عندنا في عدم التقيد بالانظمه بينما و واحد طلع دول الخليج وخصوصا دبي ومسقط وسافر لاي مكان في العالم عمل نفسه منضبط وانه نسان واعي والحقيقه هنا العكس ليش؟؟؟
20.
14:29:24 2014.05.18 [مكة]
التحية للأخوة المشاركين في الموضوع هههههههه هذا اللي يقفل عليك !!! طيب... لو في موقفين باقي أمام العمارة اللي أنت ساكن فيها وجارك العزيز موقف في الموقفين ..أيش راح تعمل خصوصا الساعه 1 الفجر صارت معي أمس ... وغير حسبي الله ونعم الوكيل ما قلت شي ومقهوووووووور
21.
عضو قديم رقم 349604
14:34:23 2014.05.18 [مكة]
بنشر ام الكفرات و كب خل على القزاز و حط ببسي فـ التانكي و جيب كاشف الجوالات و متر السياره عشان لو فيه شيي يستاهل و بعدها حط ورقه مكتوب عليها : اعتذر .. اصتدمت بك اثناء خروجي <~ عشان م يشك بسس و حط رقم واحد حاقد عليه و سلامتك :)
22.
16:03:21 2014.05.18 [مكة]
كلام بمحله هؤلاء ناس لايهمهم الا نفسهم . ولايشعرون بالاخرين ومن على شاكلتهم من يغلق عليك المسار الايمن في الاشاره الحمراء تسلم على الموضوع
23.
14:30:14 2014.05.20 [مكة]
لا يااخوان هذا مو حل ينشرت الكفرات نبي حل منطقي وبدون ماتسب مشاكل لغير لكن تادبه
24.
17:45:13 2014.05.20 [مكة]
على بالك انت في كندا لو في كندا بترفع عليه قضية بالايميل وبتكسبها وانت جالس بالبيت
25.
17:46:20 2014.05.20 [مكة]
الحل أن تقوم بتصوير السيارة التي تقف بشكل مخالف، ثم إبلاغ المرور ونشر المقطع في شبكات التواصل الاجتماعي..
26.
01:42:20 2014.05.21 [مكة]
ياحلاليهم ربعنا بالبحرين تشوف النظام بعينك اما بالسعودية فالنظام بالمقلوب اذكر كنت انا وصاحبي بمطعم بجده وتعشينا ولما خرجنا لقينا واحد مقفل علينا وننتظر ودق بواري ولا كانه فيه احد لما خرج من المحل سوي موشايف احد يعني تعطيل للناس وكمان قلة حياء
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!