مشكله بيني وبين سلحفاتي

هذي هي سلحفاتي اللي على اليمين والكبيره هي الضيف

السلام عليكم
يااخوان عندي مشكله مع سلحفاتي
لها عندي 6 شهور
اجيب لها اكل اشكال وانواع
اطلعها واحطها ع الطبلون واتمشى فيها بالحاره
اخذها معي عملي 8 ساعات
مظبط لها سرير واصحيها دايما اذا طولت بالنوم عشان ااكلها
فوق هذا كله احسها ماتقدر اللي قاعد اسويه لها
يعني لامسكتها تدخل نفسها داخل قوقعتها
كانها في خطر
لاجيت اهمز رجولها ولايدها تسحبهم علطول
واذا قعدت ماسكها دقيقتين او ثلاث تطلع راسها وتبدا تحرك اياديها ورجلها تبغى الفكاك مني
والله حتى جبت لها ضيوف سلحفاه اكبر منها بشوي حقت واحد اعرفه جلست معها يومين بغيتها تغير جو ولافاد فيها
عصبت منها قلت بنفسي اللي مايقدرني مااقدره
حاولت اقرا بالنت عن اطباعها عشان اتعرف عليها اكثر
لقيت ان السلحفاه الام لاترعى صغارها بس تجيبهم وتخليهم

رحمت سلحفاتي وتعلقت فيها اكثر


وش رايكم؟؟احد عنده خبره او معلومه يفيدني بها؟؟

كل الردود: 34

عرض:
1.
08:06:25 2014.05.07 [مكة]
ودها لشيخ يقرا عليها والافضل عليكم يمكن يكون ...؟
2.
08:22:40 2014.05.07 [مكة]
are you a man or a girl ?
3.
08:26:26 2014.05.07 [مكة]
كم لها عندك اذا فترة بسيطة لابد تطول بالك المحبة بينكم تجي مع زيادة فترة التعارف بعدين انت لا تشيل هم السلحفاة تعيش الي 400 سنة الله يعطيك طولة العمر
4.
08:30:54 2014.05.07 [مكة]
والله من الفراغ في حياتك ,,
5.
08:32:26 2014.05.07 [مكة]
او اقولك كلم طارق الحبيب
6.
عضو قديم رقم 334864
08:43:29 2014.05.07 [مكة]
اعرضها على طبيب نفسي وانت كذالك اتوقع ذي علامات الكرونا حاول تسافر بها لاي دوله عندهم سلاحف عشان تعيش جو السلاحف اي ا ستفسار عن السلاحف والدينصورات انا جاهز
7.
08:44:07 2014.05.07 [مكة]
استبدلها بغيرها فهم كثر ، ولو زرت سلطنة عمان لرأيت العجب لهم مكان خاص محمي وهو حيوان اعتقد يهاب الانسان
8.
عضو قديم رقم 346131
09:17:06 2014.05.07 [مكة]
المواجهه صارحها بس استخدم اسلوب الحب والرومانسيه واستخدم اللين معها ويمكن هي ما تحب التمسيه ودها لاهلها يمكن تنبسط !! انت مين انا مين في ايه
9.
10:11:59 2014.05.07 [مكة]
شوف واحد عندكم في الحارة من الي يدوروا المشاكل وقل له يعطيك كفين ويفقع وجهك ويحوسك في التراب حوس وبعدها إن شاء الله تصير رجال وتضبط علومك
10.
عضو قديم رقم 305355
10:18:31 2014.05.07 [مكة]
جرب بلك 20 على الصدفه . من بعدها اتحداها تدخل جسمها .
11.
10:30:37 2014.05.07 [مكة]
قول ياحسين وتصير طيبة هههههههههههههههههههه زوجها يمكن تعقل وتثقل ياحياتي ارسلي رقمك اعرف واحد عندة مزرعة بنروح هناك هو خبير ويعرف كيف يتعامل معاهم حياك
12.
11:06:13 2014.05.07 [مكة]
الله يصلح بينكم تصبر الله يكتب لك الاجر
13.
11:22:43 2014.05.07 [مكة]
حسها بالحب و الحنان .. يمكن المشكلة فيك يا أخي .. يمكن ما عرفت شلون تعبرلها عن مشاعرك.
14.
11:23:25 2014.05.07 [مكة]
يمكن مسوى لكم عمل او احد حاسدكم على المحبه والتوافق .... ؟
15.
عضو قديم رقم 339253
11:31:53 2014.05.07 [مكة]
تروش يمكن ريحتك خايسة
16.
11:32:40 2014.05.07 [مكة]
انت وعدتها بشي ولا وفيت فيه . وبعدين بدل ملابسك بغرفه ثانيه ماتكون هي فيه احتمال انها منزعجه من هذا التصرف ومستحيه تصارحك
17.
11:44:37 2014.05.07 [مكة]
ماخذها الدوام معك وبدون راتب ياخي حرام عليك ولا اقولك زوجها وفكها شرك 😁
18.
12:03:02 2014.05.07 [مكة]
سجلها في حافز تنتعش
19.
12:22:36 2014.05.07 [مكة]
ما جمع ألا وفق سبحان الله
20.
12:48:05 2014.05.07 [مكة]
هو ما يقصد ورا قصته السلحفاة هو يقصد شي ثاني بس جابها بشكل طريف وخله بطلة الفلم السلحفاة اذا ما خاب ظني
21.
13:44:20 2014.05.07 [مكة]
أجعل نيتك الرحمة على هذا الحيوان أسأل الله العلي القدير أن تكون سبب لبلوغك الجنة ، سبحان موزع الرحمات بين عباده . ربما هذا النوع من السلاحف يصعب عليه التأقلم خارج بيئته ، قم بشراء بيت له تجده لدى المحلات المتخصصة بتربية الحيوانات ، كالصندوق الصغير فيه حجارة صغيرة وبركة ماء . موفق يالطيب.
22.
عضو قديم رقم 191561
15:21:42 2014.05.07 [مكة]
الله يوفقك عسى الله يرحمك
23.
16:41:59 2014.05.07 [مكة]
كلش الا سلحوفه لا تزعلها .
24.
17:59:24 2014.05.07 [مكة]
طيب ياخى بطل تهمز رجولها ههههههه
25.
20:54:39 2014.05.07 [مكة]
مرا مهتم فيها يمكن هذا طبع السلاحف إذا كنت تبحث عن الي يقدر اهتمامك ويتجاوب معك دور غيرها من الحيوانات الأليفة مثل القطط و الطيور والوبر وغيرها
26.
21:25:59 2014.05.07 [مكة]
محد فاهم صاحب الموضوع الرجال ذايب في حب السلحفه الله يصبره
27.
23:02:41 2014.05.07 [مكة]
الله لا يبلانا .والمصيبه اللي حلت !!!!الا وايش رايك توديها الملااااااهي
28.
01:13:53 2014.05.08 [مكة]
أهنئك على التصوير الاحترافي والله يرزقك بر ابناءك ويسخر لك من يخدمك ومن يرحمك اذا أصبحت شيخ هرم يمكن السلحفاة ترد لك المعروف وتجي تهمز رجيلاتك افعل المعروف وأرميه بالبحر
29.
03:57:19 2014.05.08 [مكة]
روح سوق الحمام واشتر لك مجموعه من السلاحف ابو عشره وخلهم يعيشون جو جماعي يمكن بعدين تالف عليك وتعطيك وجه
30.
08:49:18 2014.05.08 [مكة]
وعليكم السلام ورحمة الله وبركاته يا خوي مرحبا بك يا اخوي بين اخوانك وانا ابي اقول راي المفروض ترحم نفسك وترحم الدابه التي حبستها في البيت اطلقها في ارض الله الواسعه ولا تجعلها تدفع ثمن مشكلتك العاطفية اطلق القارشه ويرزقك الله فيما يظهر لي يا أخوي الكريم انك شخص غير راضي بحياتك بالاخص عن موقعك في المجتمع وانك تحاول تاتي بالغريب والمناقض حتى ترضي شي في نفسك واني انصحك بزيارت معالج روحي وصدقني سوف تجد حل لك مشاكل والله يوفقك
31.
10:43:55 2014.05.08 [مكة]
اعطيك وصفه زي ماقال الاخ الخالدي انت تحتاج معالج روحي تجيب فأر اعور يتيم رضع من بسه وتربيه مع السلحفات هههههههههههههههه ودها العياده يمكن يعطيها ابره احيان يصيبها اكتآب اذا تغير عليها المكان يعطيها الدكتور ابره ممكن
32.
23:35:40 2014.05.08 [مكة]
يمكن شافت أحد يفرح و يصفق لما تدخل رأسها وبتسعدكم بس
33.
00:21:05 2014.05.09 [مكة]
هههههههه ياخي انا مدري وش تبون في السلحفاه حتى اخوي عنده وحده ومااشوف فيها جمال عشان تهتمون فيها
34.
20:45:40 2014.05.09 [مكة]
الحمد لله على نعمة العقل
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!