خربت المكينة أثناء فحص الشكمان!!

بسم الله الرحمن الرحيم

اخوكم عنده سيارة كامري 98 LE أمريكي .. وارد الامارات .. والحمدلله ماشي تمام..

يوم الخميس الماضي .. وديت السيارة للخضرية بالمساء (بالدمام) لأن هناك قربعة .. أصوات لما اسوقها .. وبدأ الشغل من يوم السبت..

المهم كلمته أمس .. قال باقي الشكمان فيه مشكلة وبيوديها عند صاحب الشكمانات عشان يصلحها أو يلحمها..

المهم .. اليوم الصباح اتصل الميكانيكي الاول.. ويقول .. ان الثاني لما قاعد يفحص الشكمان.. ما ادري ايش صار .. (وانفقعت المكينة)!

اقول له: المكينة بكبرها؟ يقول : ايه.

الحين ايش دخل الشكمان بالماكينة؟

يقول تعال الحين شوفها.. قلت له: انا بالدوام .. وبجيك بعد الساعة 5 من الخبر.


للعلم .. ان الميكانيكي الأول .. أعرفه من سنين .. وان شاء الله ثقة
بس الثاني .. الله يستر


بالله يش اسوي معاهم؟

شوروا علي يا اخوان!

والله اني احاول ما اتنرفز بالمكتب .. بس خربانة خربانة ..

الله يصبرنا

كل الردود: 10
1.
16:36:12 2014.04.08 [مكة]
والله ياحبيبي تعرفه من سنين ولا من ساعه قله الموتر جاك سليم وانت تصرف بجي بعد اسبوع استلم موتري ولا برفع عليكم قضيه بالغرفه التجاريه وخليهم يتفاهمون معك ولا كابر وسوى فيها مالي دخل دق على الشرطه يجونك وشرطه يرفعون بلاغك للغرفه التجاريه بسمك وبعدها بتاخذ حقك كامل
2.
عضو قديم رقم 337193
16:49:33 2014.04.08 [مكة]
أخي الخلاص ( الفتنة اشد من القتل ) وخليك محضر خير فالرجال ماهو متعمد يخربها ، وضع نفسك مكانه الله يصلحك . أخي صاحب الموضوع ، لا يوجد شئ ماله حل ، واكيد بتوصل لحل معهم . توكل على الله عز وجل ، وتفاهم معهم بكل هدوء والا ماتجدوا حل يرضي الطرفين . واسأل المولى ان يجعلها خيرة لك ، ويعينك ويعينهم
3.
17:15:28 2014.04.08 [مكة]
اخي مستور ترى ماقلت له اقتله ولا ادخل عليه بعجره ولو تقرا ردودي صح كان عرفت اني قلت له يكلمه بلين ولكن لو اخلو مساوليتهم ياخذ حقه بنظام واتوقع الفتنه تنطبق عليك واخوي صاحب الموضوع له حق وياخذه غصب ولكن يجرب بالاول ويتكلم بلين معهم اما ان اخلو مسؤليتهم فا مالك الا الي قلت لك
4.
08:41:37 2014.04.09 [مكة]
أنت سلمته السيارة سليمة ومن حقك تستلمها سليمة الشكمان ليس له علاقة بالماكينة ولكن ممكن تكون السيارة تعرضت لسوء استخدام وهي عندهم نصيحة خلك واضح ولا تضيع حقك بطيبتك الزايدة
5.
عضو قديم رقم 339253
15:31:19 2014.04.09 [مكة]
خله يصلح الموتر
6.
16:05:12 2014.04.09 [مكة]
مشكلتهم ويتحملونها انت ياصاحب السياره مالك ذنب
7.
عضو قديم رقم 293554
20:59:06 2014.04.09 [مكة]
يا أخوان نصيحه لوجه الله فقط العماله لا تعطيهم وجه زياده لأن كذا بتروح ملح معنا لاتعطيهم وجه زياده يعني المزح مزح والجد جد حبيبي فسرتها عشان مايجي مدرعم ويقول ليه مانعطيهم وجه حرام وهذولي اوادم لأني اشوف بعض الشباب الله يهديهم نفسه بخشمه ولاشاف العامل سواء حلاق ،كهربائي ،مغسله مد بوزه وضحك
8.
عضو قديم رقم 282899
00:11:01 2014.04.10 [مكة]
والله ثم والله نادره الأ مانه ولأخلاص فيهم الا مارحم ربي بواقع تجارب مريره لو احكيها لبقى معك للصبح خصوصا الطيب بزياده معهم يطمعون فيه ويستغفلونه لكن انت سلمته السياره سليمه تستلمها سليمه والله لايهينه لو نقصت من اجره يده شي الي اتفقتو عليها ما يطلع لك سيارتك من الورشه لو تطير وان تسمع صياحه و سبه من بعد كيلو وتروح الاخلاق والضحكه الكذابه الي كان يتظاهر فيها اعرفهم زين والله هذا من الغير القطع الي يسرقونها ويوهمون الزبون انهم ركبوها واكثرهم تدخل السياره سليمه ويشلح منها القطع الغاليه والي ماينتبه لها صاحبها الابعدين ويضن انها تعطلت وهلم ماجرى
9.
01:38:09 2014.04.10 [مكة]
وينك يامستور عن كل الردود ولا فالح تتهمني انا بالفتنه شكلك من هل لبنانيين الي مالين الورش
10.
23:44:02 2014.06.04 [مكة]
أبي أفهم اش علاقة إصلاح الشكمان بالمكينه!!
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!