قصتي مع تويوتا وافكر برفع شكوى ابي رايكم

السلام عليكم ورحمة الله وبركاته

اخواني باختصار سيارتي اوريون 2011 عملت لها صيانة شامله بالوكالة وكانت ماشية 99000
وبعد 45 يوم تقريبا خبط القير او بمعنى اصح طاح القير والسيارة كانت ماشية 103000
دخلتها الوكالة وقالوا لي مانصلحها على الضمان الضمان انتهى قلت لهم انتوا غيرتوا زيت القير والفلتر عندكم وفيه ضمان على الصيانة 6 اشهر او 15000كم
قالوا لي لكن احنا مانزلنا القير فقط غيرنا زيته وفلتره
المهم قالوا لي احنا بندخلها لك ونشوف الموضوع كونك منتظم بالصيانة

اليوم السيارة اكملت 73 يوم بالوكالة وهم في مد وجزر وكل شوي يخاطبون الإدارة مرة تحججوا ان السيارة خارج الضمان وبعدين
اخبرني المهندس ان الإدارة قالت لهم وظبوا القير ولكنهم غير مقتنعين بالتوظيب وانه غير مجدي وانهم يطالبون ويرفعون للإدارة بتغيير القير
بعد مد وجز اتفقوا على التوظيب وقالي خلاص ان شاء الله خلال اسبوعين تخلص السيارة

بعد اسبوع كلمت المهندس قلت له بشر وش صار اشتغلوا بالسيارة

قالي لا هم غير مقتنعين بالتوظيب واحنا الان نخاطبهم يغيرونه وعلى كلام المهندس يقول انا اقول لهم شوفوا لكم حل السيارة عدت الشهرين عطونا رد بتصلحونها ولا لا

اليوم حسب كلام المهندس اليوم باخذ رد نهائي

اعتقد ان من الكلام واضح ان الوكالة عارفين انهم يتحملون شيء كبير من الخطأ والله اعلم والا لما وافقوا على التوظيب هذه نقطة

كثير من الناس قالي اكيد المشكلة من تغيير الوكالة للزيت ولكن هذا الشيء لايمكن اثباته

ختاما افكر برفع شكوى على الوكالة عند وزارة التجارة ولكن اولا سوف اقوم بشكوى للرقم المجاني لتويوتا وان لم اجد رد منهم سوف اتوجه لوزارة التجارة

ابي رايكم بالموضوع

كل الردود: 14

عرض:
1.
09:46:00 2014.03.23 [مكة]
دور لك شخص قوي في اللغة الانجليزية وارسل شكواك الى ايميل الشركة الام في اليابان وشف كيف راح يعاملونك بعد كذا
2.
15:46:47 2014.03.23 [مكة]
ارسلت بلاغ لوزارة التجارة ودقوا علي شرحت لهم كل التفاصيل واعذروا عن خدمتي وقالوا لي معوض خير السيارة طلعت من الضمان ومابيدنا شيء نسويه الحمد لله على كل حال
3.
19:52:13 2014.03.23 [مكة]
سياره قويه جدا وقيرها يخبط مع اغلبية ملاكها غريبه بالفعل. خلك حازم معهم الا يغيرونه او عالاقل توظيب.
4.
عضو قديم رقم 359790
19:56:39 2014.03.23 [مكة]
اعتقد والله اعلم انهم ماغيرو الفلتر وعشان كذا سبب انسداد من برادات النحاس واللحين المهندسين اللي قامو بتغيير الزيت متورطين ويبون يحطون الغلط فيك .. عشان كذا خلك مصر واحجرهم بشي واحد وقولهم ( وش سبب العطل ..!! )
5.
عضو قديم رقم 145912
21:18:55 2014.03.23 [مكة]
يارجال تراهم يخافون على سمعتهم سمع فيها الجرايد واشتكى عليهم وبيجون يقولون لك تعال نصلحها بس لا تفضحنا
6.
23:39:59 2014.03.23 [مكة]
للأسف اخواني وزارة التجارة اعذتروا وقالوا الضمان منتهي لذلك مافي جدوى الان الا اني اجلس انتظر ردهم واشوف وش يقولون
7.
عضو قديم رقم 359790
23:42:02 2014.03.23 [مكة]
مالك الا داؤود الشريان ... او انك توريهم العين الحمرا وبس
8.
23:46:01 2014.03.23 [مكة]
بناء على تجربه شخصيه خاطب الاداره الاقليميه اتوقع في دبي ارسل لهم ايميل واذا لك حق بتاخذه وفوقه اعتذار انا التجربه كانت مع رنج روفر
9.
08:38:28 2014.03.24 [مكة]
للاسف حنا سذج وغبياء للنخاع صاحبي ركبو القير ولاشدو على المسامير ليش مقصوده علشان يطيح القير وترجع تغير عندهم قير كامل بالمعنى استهلاك قطع غيار بس الي عرفته من بعض اهل الامانه والدين الي اشتغلو في الوكلات انها اشياء مقصوده لاستهلاك قطع الغيار ودفع يادفيع ومشي على هلاغبياء وموظفين التجاره لاتستبعد ان ابو جميل مقصدهم بانزل من سعر الكاش والظمان مفتوح لهم علشان يصرفونك وشكالك لاطلبو حقهم ورقص ياقليل ولابالحمض احد ومشي حالك ///اخوك ابو لافي فاعل خير من الشمال وشكرا لكم جدا على دفع السريع
10.
12:29:04 2014.03.25 [مكة]
لو كنت مكانك كنت رجعت العداد ل 99500 كم وكلمتهم وكالة حرامية ونصابين
11.
12:44:48 2014.03.25 [مكة]
لا صار خصيمك القاضي من تقاضي ابلع العافيه ومالك الا حل واحد بعد الله ارفع اوراقك لوزارة التجارة يحطون عليه ملاحظه وعساها تنفع
12.
16:21:43 2014.03.25 [مكة]
الصناعيه القديمه ياشنب
13.
00:56:25 2014.03.26 [مكة]
تبا لك تابوتا
14.
05:50:49 2014.03.26 [مكة]
بالنسبه لتقديم شكوى على تيويوتا اطلب الله ماحولك احد ولن تجد الي يسمع صوتك ... انا قبلك اخذت سياره من عندهم ماكملت 320كم وقام القير ...ورجعت السيارة للوكاله وقالوا عيب مصنعي ولكن القطعه ماراح توصل الا بعد شهرين ؟؟؟؟ رفعت عليهم شكوى في وزراة التجارة وبعد اسبوعين كلموني الوزارة قالوا تعال اخذ الخطاب وده لتويوتا ...بالله هذي وزارة يعني ماعندهم احد يرسلون الخطاب ...طبعا انتظرت حتى تم تصليح سيارتي ...مع العلم لو كنت في دوله ثانية كان غيروا السيارة وقدموا اعتذار بس للاسف ماحولك احد ......حتى وزير التجارة الربيعه راسلته ولم يرد علي ... خلال اشهرين لم يسلموني سيارة بديله .... قالوا استأجر سيارة بحد اقصى 100ريال في اليوم قلت طيب اقل سيارة الاكسنت ماتاخذها ب 100 ريال مع العلم ان سيارتي عائليه وماخذها 160الف 2013 ...قالوا دبر عمرك هذا الي عندنا تبي ولا لا ؟؟؟؟؟
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!