مساعده مسافر دبي بر

السلام عليكم

حبايبي اعضاء مستعمل

باذن الله الاسبوع القادم مسافر لدبي بر

فمحتاج لخدمتكم بخصوص خط السير

اقرب الطرق وافضلها

المسافه والوقت المتوقع

خط السير

جده - الرياض - دبي

اخوكم

كل الردود: 20

عرض:
1.
13:29:41 2014.03.14 [مكة]
من جده الى الرياض هذا اكيد انت عارفه طريق سريع ومنظم. بعد الرياض الخرج 80 كلم سريع. بعد الخرج التوضيحية 80 كلم خط واحد ويوجد فيه تحويلات لأنهم يعملون خط سريع. بعد التوضيحيه حرض تقريبا 100 كلم خطين بس بدون سياج . بعد حرض البطحا اللي هي الحد تقريبا 250 كلم خط واحد رمال متحركه نهار وابل وزحمة تريلات خصوصا من العصر الى 10 مساء المحطات قليله من بعد التوضيحيه الى البطحا يعني احسب حسابك تعبى بعد الخرج وبعد حرض توجد 3 محطات تقريبا قبل الحد، أنصحك تعبى من محطات داخل حد السعوديه لان الأسعار داخل الامارات تقريبا 3 أضعاف السعر فالسعوديه . طبعا اذا دخلت منفذ الغويفات داخل حد الامارات يبي لك 350 كلم على ابو ظبي وبعد 150 كلم الى دبي. الكليوا مترات تقريبيبه لكن قريبه . محطات البنزين داخل الامارات قليله على الخط السريع لكن جداً متكاملة .
2.
14:50:32 2014.03.14 [مكة]
الكاشف الله يجزاك الف خير افهم من كلامك ابوظبي قبل دبي
3.
15:23:12 2014.03.14 [مكة]
من الرياض باتجاه الخرج طريق سيء انصحك تطلع من الرياض باتجاه الدمام 100 كلم تقريبا تاخذ مفرق منتزه سعد ومنه للهفوف ثم سلوى ثم البطحاء المسافة حوالي 600 كلم تدخل بعدها الامارات وبالسلامة ان شاء الله
4.
15:36:31 2014.03.14 [مكة]
أنصحك بتحميل تتطبيق copilot خرائط ناطقه بالعربي حملته مجاناً قبل فتره ما ادري ان كان مازال مجاناً والله يوصلك بالسلامه
5.
15:41:01 2014.03.14 [مكة]
اخوي اسنان تقصد اخرج من الرياض باتجاه الدمام؟ المسافه 600 كيلو من فين لفين بالضبط
6.
15:41:35 2014.03.14 [مكة]
اخوي سعود عندي برنامج ملاحي في السياره انشالله يفيدني
7.
16:24:48 2014.03.14 [مكة]
اي نعم اخوي اتجه من الرياض باتجاه الدمام 100 كلم وبعدين تخرج باتجاه منتزه سعد المسافة اللي اقصدها هي 600 كلم بين الرياض والبطحاء وهي نقطة الحدود السعودية الاماراتية
8.
16:42:08 2014.03.14 [مكة]
أول اماره هي ابو ظبي وجنبها بني ياس وتعتبر صغيره جداً وبعدهم دبي ب150 كلم الشارقه بعدها ب20 كلم وعجمان جنب الشارقه وأم القوين بعدهن ب40 كلم. اذا تبغى العين فهي مع مفرق ابو ظبي ، هي تلف يمين 150 كلم وأبو ظبي يسار 30 كلم. ودام معك برنامج ملاحي ماراح تحتاج ان شاء الله مرشد ، لان كل شي هناك تمشيه
9.
20:10:46 2014.03.14 [مكة]
أنصحك بالحجر من السعوديه لشقق لان الشقق في دبي وان عندهم لا يقبلون ويرغبون بحجز البويكنق لانه مدفوع القيمه لمده أكيده مو يجي واحد يحجز خمسه ايام ويلقى برا أرخص ويروح لهم وأحسن منطقه لأنك اول مره بر دبي وأنصحك بحكم انك اول مره خلك بدبي لا تتعداها وانت راجع خذلك يومين في ابوظبي مافيها الا عالم فيراري ولاهو بذاك الزود وفيها حديقه مائية خياااااااااااااال والله يوصلك بالسلامه
10.
21:06:35 2014.03.14 [مكة]
الله يجزاكم الف خير اخواني كفيتوا ووفيتوا
11.
عضو قديم رقم 356698
08:50:53 2014.03.15 [مكة]
بالسلامه ان شاء الله
12.
20:24:06 2014.03.15 [مكة]
من تجربة قبل سنوات رحت بالسيارة من الرياض لدبي وبصراحة حرمت بعدها اروح على سيارة الطريق متعب جدا والمسافة طويلة وخاصة بعدما تدخل الامارات الى دبي مع انها 400 كم الا انها عن 800 كم مع ان معي بالسيارة اثنين من الزملاء اللي يحبهم قلبك لكن مثل ما قلت ملينا من الطريق ووصلنا تعبانين وما استفدنا من اول يوم وبالرجعة مثل نصيحتي تذكرة ولو كانت ب2000 احسن من السيارة ولا تنسى ساهر يمكن ياذ منك اكثر من قيمة التذكرة اضعاف طعني والله اني ناصح لك وانت حر وعسى الله يوفقك للخير
13.
20:36:19 2014.03.15 [مكة]
لا يمكن تجد حجز
14.
21:54:31 2014.03.15 [مكة]
حبيت اروح بالطياره لاكن مع الاسف سعرها مضاعف الان مع اسبوع الاجازة
15.
22:17:48 2014.03.15 [مكة]
وزارة النقل لو كان سوت قطارات سريعه بين المدن مرتبطه بدول الخليج انا برأي الشخصي ان الجزيره بين خط الطائف الرياض كافي لإنشاء قطار سريع وبشركه مستثمره تدفع مليارات للسماح لها بالاستثمار يعني ارض مجانيه وفوقها مليارات وآلاف الشباب يتوظف ويطبق ذلك على جميع الخطوط السريعه
16.
عضو قديم رقم 344943
01:32:19 2014.03.16 [مكة]
روح طائرة وأشتري راحتك ، انا من الرياض ومستحيل اطلع بر لأني حرمت اطلع بر خصوصا عائلة .. الطريق جداً ممممممل والمنفذ يمكن يكون النظام متعطل وتأخذ لك لطعه حلوه ابو خمس ساعات تكرررهك بالروحة وتخليك تنفس وتعصب على زوجتك وعيالك الله يحفظهم .. وبعدين وش فيها دبي يستاهل كل هالمرمطة ، اقلبها تركيا أوفر لك وتشوف حاجات جديدة . بتروح هناك كانك داخل أسواق العويس 😜كلهم ربعك.. أتمنى لك إجازة سعيدة
17.
05:36:05 2014.03.16 [مكة]
الرياض - الخرج - حرض - منفذ البطحاء .. المسافه من الرياض لدبي تقريبا 1000كليو
18.
00:27:36 2014.03.17 [مكة]
المسافه من جده لرياض تقريبا 800 كيلو المسافه من الرياض لدبي تقريبا 1000كليو المجموع = 1800 كيلو اجمالي 3600 كيلو اشوف الطيران ابرك
19.
12:07:54 2014.03.18 [مكة]
هل استطيع استخدام كرت العائلة للذهاب الى دبي
20.
12:28:58 2014.03.18 [مكة]
الخروج لدول الخليج سواء الرجل او المرأه إما بالجواز السفر او الهوية الوطنية فقط. كرت العائله ماينفع .
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!