جاري الشمري كل مااشوف حالة تنزل دمعتي الله يقدر يساعدة لايبخل

اخواني قدر الله وسكنت في شقة وتعرف على الجيران وتعرفت على جاري ابوعبدالله الشمري

رجل طيب جدا وكريم نفس وصاحب مجلس مع فقرة وحاجتة شي عجيب سبحان الله بس يااخوان الي استغرب ان الرجل تاتي سيارة وتوقف عند بابة وتنزل اغراض وتمشي كل شهر ومرات كل اسبوعين

وناس تجي عند بيتة مايدخلون يطقون الباب ويحطون شي عند باب بيتة ويمشون دائم وانا ماادري عن حالة سبحان الله وانا والله فكرت انة رجل عايش ومرتاح والشي الي اثر فيني كثيرا انة لم يطلب مني شي ولو مرة
مع انة يعلم اني اعزة واحبة كثيرا والله لو طلب شي ماقصرت بس ماحبيت احرجة وأعطية شي بدون طلبة لانة عزيز نفس

فسبحان الله جاري طلع مسجل بالجمعية الخيرية ولم اتوقع الشي رحت لة يوم من الايام ووتقهويت عندة

وقلت لة ياابوعبدالله تحتاج شي تراني جارك والي تبي عيوني لك قال لاوالله وافي وماابي شي

الا حاجة ابي تسعى لي فيها قلت امر ياابوعبدالله قال ابي لة عمل يعني وظيفة عشان استغني عن الجمعية

والناس وانقل من بيتي اذبحوني الناس بالكلام قلت ليش قال الناس يعرفون عمة وهو تاجر معروف جدا وغني

لكن لايساعدة ولايزورة ولايشوف حال ولد اخوة والناس كلوة بالكلام هذا عمة تاجر وعند ةمصنع وكلام كثير


فانا الان يااخوان انقل لكم طلب جاري الشمري في مساعدتة في عمل ودخل لة ويبي ينقل من بيتة بس مايقدر

ماعندة دخل

اتمنى تشفعوا لة بوظيفة حكومية ياليت في الشرقية مكان سكنة او االرياض

ترى الرجل عزيز علي جدا وانا سعيت لة وحاولت بس ماقدرت فقلت اسعى واكتب الموظوع هنا لعل الله يساعدنا احد

الطيبين ويفزع لجاري الشمري ابوعبدالله

عمرة 36 سنة

شهادتة متوسط

مطلق عندة 3 اطفال عند امهم وعايش لحالة في بيت والدة

من سكان الشرقية


وبارك الله فيكم جميعا وكلنا اخوة


اخوكم خفجاوي

ابوخالد العتيبي

كل الردود: 47

عرض:
1.
06:27:00 2014.02.18 [مكة]
لاتنسو ترفعوا الموظوع واكسبوا الاجر
2.
10:30:14 2014.02.18 [مكة]
اللهم فرج همَه و ارزقه رزقا حلالا طيبا
3.
10:38:32 2014.02.18 [مكة]
بيض الله وجهك .. ويسر أمر جارك واللي عنده قدره لا يقصر .. ولو برفع الموضوع وفق الله الجميع للخير ..
4.
10:41:15 2014.02.18 [مكة]
الله يرزقه
5.
11:29:11 2014.02.18 [مكة]
هو وين ساكن في الشرقية يالحبيب ترى الناس تدور وبيلقاله وظيفة اقل شي ب 3500
6.
12:28:36 2014.02.18 [مكة]
الله يبيض وجهك ووجهه والله يفرج همه ويفتح له ابواب رزقه هذا الرابط ممكن ينفع وان شاء الله يحصل وظيفه تناسبه http://www.mstaml.com/out.php?l=http%3A%2F%2Fwww.rwad.net%2F
7.
16:58:38 2014.02.18 [مكة]
اية بالشرقية بالدمام اية والله لاتقصرون يالربع تراة محتاج وحيل والله لو تشوفة تحسبة مو محتاج متعفف حيل
8.
عضو قديم رقم 307250
23:06:07 2014.02.18 [مكة]
الله يفرج كربته و لايحرمك الاجر ياغالي
9.
عضو قديم رقم 324554
01:56:42 2014.02.19 [مكة]
با اخوى ليه ما يقدم فى وظائف فى هرفى والله كتير بشوف يطلبون سعودين للعمل فى المطاعم واقل راتب 4500 فى الرياض
10.
09:13:22 2014.02.19 [مكة]
مافيه داعي تذكر اسم القبيله جزاك الله خيراً وكتب لك الأجر والمثوبه
11.
09:48:57 2014.02.19 [مكة]
الله يجزاك خير ياخوي والله اتمنى ان في يدي شي لكن مااملك الا الدعاء الله يرزقه يارب ويجزاك خير على حرصك. انا فيني صرع والاقارب مناصب قويه في الشركات او الحكومه ولكن لافائده للإسف
12.
09:54:42 2014.02.19 [مكة]
مو في الرياض وبس عندك هرفي وماكدونالدز وهارديز وشركات الامن
13.
10:47:51 2014.02.19 [مكة]
حبيبي يروح لشركة بيبسي الجميح قريب للواجة البحرية الشركة توها مستلمة الوكالة من القصيبي وعندهم وظائف بالهبل
14.
11:03:07 2014.02.19 [مكة]
السلام عليكم أجمعين أخي خفجاوي شكراً لك وجزاك الله خيراً وهذا هو الجار الذي نفتقده اليوم وهنيئاً لك الأجر والثواب من رب الأرباب أخي خفجاوي أحسنت بكل ذلك واسأت بتسمية جارك وجهت نظر جزاك الله خيراً وبارك لك
15.
11:20:20 2014.02.19 [مكة]
معليش والله ماكان قصدي اذكر القبيلة لكن انا صادق عشان كل شي واظح وذكر قبيلتة شرف ماهو عيب المحتاجين من كل القبائل المهم يالربع لاتبخلًون اي وظيفة حكومية
16.
12:28:09 2014.02.19 [مكة]
لاتنسون الموظوع ارفعوا بدعوة وتعانوا في مساعدة اخونا ابوعبدالله
17.
19:07:25 2014.02.19 [مكة]
اشكرا للجميع على تفاعلهم يااخوان الي يقدر يوظفة وظيفة حكومية ياليت للامان الوظيفي اخاف يتوظف بشركة ويطيح بواحد مسؤل مايخاف الله
18.
20:29:44 2014.02.19 [مكة]
زعلوتنا يااهل مستعمل وين تفاعلكم معقولة لايوجد شخص يقدر يساعد اخونا
19.
21:27:38 2014.02.19 [مكة]
جاري سوف يسافر للرياض للبحث عن وظيفة حكومية الله يعينة الي يقدر لايقصر يالربع ترى الدنيا زوالة وعمل الخير باقي كانك في منصب ساعدك اخاك واكسب الاجر والدعاء
20.
23:23:54 2014.02.19 [مكة]
الظاهر انك انت جارك
21.
عضو قديم رقم 296599
00:15:10 2014.02.21 [مكة]
خطير ي الكاشف ههههههههه الله يرزقك ويرزق جارك قل آمين
22.
21:35:05 2014.02.21 [مكة]
يالكاشف لاتدخل بالنوياء همتك يالكاشف ارسلك رقم الشمري ونشوف وش تسوي الله يهديك
23.
00:09:53 2014.02.22 [مكة]
اخي الكريم خفجاوي أحسنت الحوار لجارك وأسأت بتسميته . جزاك الله خيراً
24.
00:22:03 2014.02.22 [مكة]
اخوي فيه مكاتب عقار يشتغل معقب 3000 سعوده حتي ييسر الله
25.
00:39:33 2014.02.22 [مكة]
الي. يقدر لايبخل الاجر ياجماعة والاخوة في الدين
26.
عضو قديم رقم 28162
13:42:27 2014.02.22 [مكة]
فيه ناس ماتستحي تدخل في النوايا افرض انه هو وش المشكلة عندك !!! يا قل خير او اصمت عجبي !!
27.
14:07:34 2014.02.22 [مكة]
هذا موضوع عام وعلقنا عليه بوجهة نظرنا ، لعده أسباب ، صاحب الموضوع كاتبه للأعضاء جميع وما حدد احد بعينه و طريقته بالحث هي اللي خلتني اعلق. واكتفي بهذا الرد لصاحب الموضوع . اما ابو رسمه فهو معارض الطروش انت اللي وش محرق رزك وترد الا اذا كنت انت بعد لك كم معرف وترد على عمرك الله اعلم بس .
28.
15:59:04 2014.02.22 [مكة]
الكاشف خفيف دم بس مرات يشطح ويزيد العيار ياحبي لك يالكاشف يسوي فيها الفتى الذكي ان شاء الله بس فلحت بدراستك بدون غش هههه
29.
20:11:45 2014.02.22 [مكة]
وتعاونوا على البر والاحسان وين شمر وين شرابت الهيل طنايا افزعوا لولدكم وين اهلي وربعي عتيبة الهيلا افزعوا لجاري وبيظوا الوجه منً فرجً عن مسلم فرجً الله عنة. لاتبخلون اليوم انت مسؤول غدا تتقاعد لكن لازالت هناك اناس يدعون لك
30.
عضو قديم رقم 40208
21:22:32 2014.02.22 [مكة]
يبشر بالخير .. أنا أوظفه عندي براتب 3000 ريال لين يلاقي شغل وتتسهل أموره أرجو عدم التأخر ارسلي رقمه على الخاص لو تكرمت
31.
05:29:15 2014.02.23 [مكة]
الله يجزاك خير ويرزقك ويرزق جارك من واسع فضله لكن ليتك ماقلت انه شمري ماله داعي بصراحه حزنت على وضعه لكن المشكله شهادته متوسط لان اللحين البكالريوس صارت كانها ثانويه ومااقول غير الله يفرج همه ويرزقه الحلال الطيب
32.
09:19:48 2014.02.26 [مكة]
بيض الله وجيهكم جميعا ولازلنا ننتظر تفاعل الاخوة
33.
22:57:32 2014.02.26 [مكة]
والله ياخوي كثر الله من امثالك عيال الاصول وعيال الاجاويد وانسان تشعر بالاخرين ليت الجيران عندنا يتعلمو الا وكل واحد حده خشة بيته لايدور ولايسال ... اساله الله ان يعطيك الرزق والصحة والعافية قوول امين
34.
11:19:46 2014.02.27 [مكة]
حق واجب وجاري كلمتة راح الرياض ورجع للاسف ماحصل شي قدم ورد الله يعينة على المشاوير
35.
11:21:15 2014.02.27 [مكة]
الي يعرف شي بالشرقية يراسلني ارسلكم رقمة
36.
16:37:32 2014.02.27 [مكة]
للتذكير لاتنسوا اخوانا ابوعبدالله
37.
03:33:59 2014.03.02 [مكة]
للتذكير لاتنسوا
38.
13:41:49 2014.03.21 [مكة]
للتذكير لاتنسوا
39.
14:59:46 2014.03.21 [مكة]
الله يعافيك ويجزاك خير
40.
16:07:34 2014.03.21 [مكة]
اهلا وظيفة حكومية و في الشرقية بعد ! الي يريد شغله يشتغل اي شي في قطاع خاص على رواتب 3000 - 5000 ريال
41.
11:41:36 2014.04.17 [مكة]
اخوي خفجاوي هل جارك وجد وضيفه ولا لا ارجو ارد
42.
عضو قديم رقم 361784
12:13:34 2014.04.17 [مكة]
خفجاوي اده ما حصل وظيفه ابشر بعزك انت وجارك ارسله لى وانا ادبره بوظيفه بقطاع خاص رتبها ما بين 3700 في اول ثلاث شهور وبعدها يرتفع الين يوصل 4300 صافي هده رقمي 0544323771 والله يجزائك الف خير الدل على الخير كفاعله
43.
18:00:06 2014.04.17 [مكة]
الله يفررررج همه... رفع للاهمييه
44.
23:08:48 2014.04.17 [مكة]
جزاكم الله خير يااخوان والله يوفقكم جمعيا وهاذي الحياة قصيرة جداا فلنجعل لنا ذكرى في قلوب وعقول الناس يظلون يصدحون بها ويرفعون بها ايديهم للسماء بالدعاء ونحن لانعلم اسئل الله ان لايحرم الجميع الاجر
45.
23:24:27 2014.04.19 [مكة]
السلام عليكم ورحمه الله وبركاته انا عندي وظائف للسعوديين ارجو التواصل 0500533841
46.
عضو قديم رقم 290902
03:34:03 2014.04.20 [مكة]
الله يجزاكم خير الي عنده سعوده يفزع لي هذي الايام عاطل عن العمل وشكرا
47.
01:03:43 2014.05.03 [مكة]
ان شاء الله...اموره انحلت...مانسيت موضوعه

(تم حذف جزء من الرد بواسطة الإدارة)

هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!