التوكيلات العالمية والعروض المبهمة

السلام عليكم ورحمة الله وبركاتة

ياجماعة الخير هالموضوع صار معي .. قريت اعلان في جريدة الرياض أمس وطبعآ عرض مغري قلت خلني أتأكد من الموقع الرسمي للشركة وفعلآ كما هو موضح بالصورة عرضهم عرضهم ينتهي نهاية هالشهر ملادي يعني باقي عليه عشر أيام أخوكم راح لفرع الظهران الموجود على طريق الملك سعود بن عبدالعزيز لقيت الفوضه كل ماتسأل أحد يرسلك لشخص ويالله إلين وصلت لمكتب التأجير لقيت واحد لبناني مدري سوري أهم شيء من هالطقه أول شيء قال لي رح للموظف الي أخر المعرض وجيب أسعار السيارات في ورقة وأنا أحسب لك الحسبة رحت للموظف وعطاني السعر طبعآ أنا حاط عيني ع سيارتين قلت بشوف طبعآ قلنا ماليبو سعرها تقريبا 77000عندهم مع العلم انها عند الجميح أرخص 62000 والعرض موجود في موقعهم ماعلينا من هالموضوع يالله يابو شكيم احسب طبعا سأل كم الراتب وهل عليك إلتزامات .. طبعآ سؤالي له ليه تسأل دام راتبي يتحمل القسط .. المهم مالكم بالطويله قال تدفع دفعة 15000 والقسط يطلع عليك 1900 .. قلت والإعلان الي حاطينه بكل جريدة ورازينه بالموقع !!!!!!!!!!!! طبعآ سفهني ولا رد علي طبعآ أخوكم عنده تطبيق وزراة التجارة .. والله العظيم ما أمداني أكتب البلاغ وأشرح لهم أخذت عشر دقايق بالظبط إلى ويجيني اتصال من رقم 1900 .. وأخذ وعطى معي بالموضوع وشرحت له وشوي وتجي رسالة نأمل من المشتكي تزويدنا بالموقع او صورة توضح ذلك ليتم إتخاذ اللازم مشرف بلاغات الخبر ,,, لكن الحين شلون أرسل لهالمشرف :)

لكن طمع التجار والتظليل ع المواطن .. وحنا من نشوف عروض نصدقها لكن مانقول غير الله يبعد عنا جشع التجار

كل الردود: 4
1.
05:58:45 2013.11.20 [مكة]
اطلب من البائع تفاصيل الدفعة الأولى والقسط والمدة والدفعة الأخيرة لأن الكلام بدون اثبات مكتوب لا يؤخذ به
2.
13:51:07 2013.11.20 [مكة]
يا عزيزي شلون اطلب منه تفاصيل؟ بإمكانك تزورهم بالفرع المذكور وتشوف بعينك وحبذا تنورنا بالي يصير معك :)
3.
21:36:29 2013.11.20 [مكة]
يا أخي لا تزعل نفسك أنا أخذت العرض بالتفصيل من عبد اللطيف جميل على سنتين وثلاثة وأربع وهذا حقك لأنك بحاجة أنك تفكر وتشاور وفي كل الوكالات البائع يكتب لك التفاصيل ويعطيك كرته أما بالنسبة لأني أروح فأنا مشغول وما عندي وقت خصوصا أنه ما عندي نية شراء
4.
01:53:10 2013.11.21 [مكة]
وليـه أزعل نفسي ؟ بالعكس أنا كتبت تجربة شفتها بنفسي .. ولله الحمد وزارة التجارة قامت بالواجب.. شيء طبيعي يحتاج الشخص التفكير .. لكن معلومة جديدة إن البائع يكتب لي التفاصيل مع إنها مجرد ورقة صفرا فيها سعر الكاش فقط ..
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!