STC وش أشوي معهم . . ياليت اللي يعرف يساعدني

السلام عليكم ورحمة الله وبركاته

جاتني رساله على جوالي اول امس ان فاتورتي الغير مفوتره وصلت 802 ريال
رحت امس مكتب الاتصالات استفسر عن المبلغ المهول هذا
قالوا لي ماينفع نفيدك لان هذي غير مفوتره ومايظهر عندنا تفصيل المكالمات
بكره تصدر الفاتوره واذا حبيت تشتكي فيه تلفون للشكاوي
امس طلعت الفاتوره ومابين اول امس وامس مامسكت جوالي
صدرت الفاتوره بمبلغ 953 ريال

الان ما ادري كيف ارتفع المبلغ الغير مفوتر بليله ويوم 151 ريال ? ?

وايش اسوي عشان اشتكي
هل لازم اسدد وبعدين اشتكي والا كيف الطريقه ?

ياليت اللي يعرف يساعدني مشكورا

كل الردود: 22

عرض:
1.
22:09:44 2013.11.06 [مكة]
8002444455 انشب لهم الى مايردون عليك من 8 الى 3
2.
عضو قديم رقم 341330
22:16:52 2013.11.06 [مكة]
نصيحه من مجرب حولوا جوالاتكم المفوتره الى سوا عروض سوا ممتازه . انا عن نفسي ارتحت كثير ولا اتصل عليهم ولا ارفع اعتراض ولا شي ومشترك في احد الباقات الخاصة بسوا . ولا عندك هيئة اتصالات تجيب حقك ، يعني تسوي شكوى لنفس الشركة هههه ، تشتكي الي طاقك ، وين الحكم وين هيئة الاتصالات وين دورها . ريح راسك وحول سوا
3.
عضو قديم رقم 334864
23:18:24 2013.11.06 [مكة]
انا متأكد انك مشترك بخدمة ابواب تأكد واذا فعلاً مشترك فالموضوع بسيط اعملها الغاء
4.
01:52:20 2013.11.07 [مكة]
شركة الاتصالات نصابين واخلاقهم سئ في التعامل اللي عنده مفوتر يحول سوا ويشترك ب100 ريال كل شهر ترسل رسالة 7003 الى 902 وتكلم بلاحدود تدفع 100 داخل شبكة الاتصالات
5.
05:38:34 2013.11.07 [مكة]
نصيحة مني من مجرب ادفع كامل الفاتورة وروح لموبالي حول خطك وتعبي اسمتارة تعبه طلب وتاخد من عندهم شريحة لمدة 3ايام انك فقط تستقبل مكالمات ولاتجري اي عملية اتصال وبعدها يتحول لموبالي واشترك خدمه في واجد بلاس ب150ريال شهريا فيها ميزات 3000الاف دقيقة مكالمات مجانا و200دقيقة مشغلين رسايل مجانا وواتس ابب مجانا و2ميجا نت مجاناا
6.
05:59:12 2013.11.07 [مكة]
انا دفعت الفاتوره والغيت الخدمات وحولتها سوا غير مفوتر وقبل امس راسلين لي رساله تم اصدار فاتورتك 173 ريال وانا منشهر لاقيه الفاتوره الموفتره وعطوني جديده والى الان ما استفسرت من السالفه
7.
06:57:09 2013.11.07 [مكة]
لا حول.ولا قوة الا بالله من ردودكم واضح اني بدفعها والله اني فكرت احولها سوا واخليها فقط استقبال لان رقمي قديم واجيب موبايلي واريح راسي بالنسبه لخدمة ابواب ماعندي ارسلت رساله استفسر عن تفاصيل الفاتوره حاطين 855.25 مكالمات واجمالي رسوم اشتراك 198 واجمالي خصم 100.23 والتسويه -0.0 وش يعني خصم وتسويه انا لسه ما اعترضت ولا شي بسدد واحولها سوا والله يعين على المبلغ
8.
09:11:12 2013.11.07 [مكة]
الغير مفوتر يعني مكالماتك ورسايلك واستخدام انترنت اذا ماكان عندك باقة او انتهت الباقة المفوتر هو مكالماتك ورسايلك والانترنت اللي بدون باقة + رسوم الخدمات يعني شي طبيعي عند صدور الفاتورة يختلف المبلغ عن الغير مفوتر لان مضاف لها رسوم الخدمات
9.
10:25:13 2013.11.07 [مكة]
اتحدى اذا فيه احد اخذ حقه من شركة الاتصالات
10.
10:38:30 2013.11.07 [مكة]
الله يعين والله هالفاتوره دايما تجيني 350 حتى اقولهم انتوا تحبوا هالمبلغ وش هالنظام اللي عندي بس 350 الظاهر زعلوا من كلمتي وضربوا الرقم ب 3 هههههه
11.
عضو قديم رقم 316684
10:40:53 2013.11.07 [مكة]
حسبناالله ونعم الوكيل وهذامن اكل ااموال الناس بالباطل عندي خدمة وابغى الغيهاويقولون انت غير مشترك ويسحبون فلوس ولواتصلت على902 مايردون عليك وشحنت بمية بفعل مكالمات مجانيةسسحبواالمية ومازالت الرسايل والمكالمات بفلوس والنت على الشبكةالمليارات ماتاتي من فراغ لكن كلها سحت في سحت وان شاء الله من خسارة لخسارة حتى تفعيل البلاك بيري يسحبونه ومايغعلون لكن لوفعلت 30اسبوعي فعلوالك لانهم ياخذون 40ريال زيادة هذا سواالفواتير حدث ولاحرج كل شي وخدعة جود اللي لاعبين على العالم 199 وتطلع الفاتورة 400او500
12.
عضو قديم رقم 347332
10:45:25 2013.11.07 [مكة]
ادفع ادفع ولو رحت الدعم الفني كل يوم يرسلولك شكوتك قيد النظر ويطنشوك زي ما عملو فيا انا حولت جوالي من موفوتر لي سوا وعلى فكرة شريحتي كانت ب5000ريال اول ما طلع الجول وما اخد اي مميزة واشوف سوا اعرف كل قرش وين يروح وبض المرات احصل عروض
13.
10:49:07 2013.11.07 [مكة]
الحل انك ترمي شريحتم بزباله اعزكم الله وطلع شريحه من مشغل اخر وتركهم انا اعرف ناس عليهم فواتير له 20 سنه وماسددو
14.
11:16:41 2013.11.07 [مكة]
سجل في موقع خدماتي المطور وستجد فيه تفاصيل مكالماتك: https://my.stc.com.sa/wps/portal/stclogin/!ut/p/b1/04_SjzS0tDQ1NrY0NTDSj9CPykssy0xPLMnMz0vMAfGjzOL9PdyC3d3NQt2NLQwsDDx9nB2NTb09jQ08jYEKIoEKDHAARwNC-r30o9Jz8pOAVoXrR4EV4zHLzyM_N1U_NyrHIlvXUREA05fkmg!!/dl4/d5/L2dBISEvZ0FBIS9nQSEh/
15.
14:40:14 2013.11.07 [مكة]
سجلت في خدماتي من زمان وتفاصيل المكالمه هالايام متطوره مثل موقعهم الان لو.حطوا لي اني تكلمت عشر مكالمات وانا تكلمت خمسه انا وش يذكرني حسبي الله ونعم الوكيل فيهم ان شاءالله اني بقلبها سوا وفلوسهم خليها عندهم اخوي العويند هذي بتكون برقبتي يوم القيامه وامانه مقدر ما اسددها حتى لو.مارضيت عنها واذا هي حرام فخليها برقابهم يتحاسبوا عليها وباخذ حقي في يوم عظيم الشكوى جربتها قبل مره يعلقوها لين مايفصل التلفون ويضطر الواحد يدفعها مو.بكيفه جزيتم خيرا الله يبارك فيكم
16.
15:33:15 2013.11.07 [مكة]
حولي شحن مبايلي اواتصالات بس شوفي ارقامك الاكثر لاي شركة اول وبعدين حولي عليهم
17.
00:54:16 2013.11.09 [مكة]
أستغرب من اللي مشترك بالاتصالات واشفق عليه الحمد لله فيه شركات أخرى وانصحك بباقة زين 75 وشرط مكالماتك ماتتعدى هالمبلغ الاتصالات سرق عيني عينك ولن تأخذ حقك ولاتتعب نفسك بالشكاوي واحمد ربك انها ماهيب الاف انفذ بجلدك وحول على اي شركه حتى الثابت يزيدون فيه واذ استفسرت عن الزياده بمبلغ 40 قالك مكالمات استعلامات او ساعه ناطقه ياناس فيه احد يدق على الساعه الناطقه ب 40
18.
01:07:45 2013.11.09 [مكة]
السلام عليكم / اقولك يالغالي اسئل مجرب ولا تسئل طبيب انا جتني فاتورة الهاتف الثابت 19000 ريال اشتركت بخدمة DSL وانقطع الهاتف بعد اسبوع من الاتصال واتصلت عليهم قالوا لازم تذهب للفرع وتكمل معلوماتك وتركته لين بعد 8 شهور و كلمتهم ابي استفسر لكي يشوفون العطل وقالوا انت تستفسر عن فاتورة قلت ما انزلت الفاتورة قال كيف منزلت الفاتورة والفاتورة عليها 8000 ريال قلت انتم نصابين واتركهم لين 12 شهر وكلمهم قالوا عليك 19000 ريال قلت خافوا الله في انفسكم كيف تصدر الفاتورة بهذا المبلغ ونا منقطع عني الاتصال
19.
01:15:00 2013.11.09 [مكة]
وكلمهم ورفع عليهم شكوى وطلبت منهم إنهم يسون لي تسويه بالفاتورة وعطوني 15000 الف ونا وياهم بالشكاوي وكلمهم وطلب تسويه ولا عطوني قلت حلمكم تاخذون مني المبلغ اللي تبونه قلت اخر شي ابعطيكم 4000 ريال تبونها خخذوها ورفضوا المبلغ واشتكي عليهم بهيئة الاتصالات واشتكي عليهم عند سمه لين شيكت قبل شهرين إلا ما في تعثر علي من الاتصالات اقول نصيحه لا تعطيهم شي إذا مااستخدمت الشريحه حتى يملون منك
20.
01:20:29 2013.11.09 [مكة]
وبعد صارت سالفه معي نفس الموضوع قدمت على تلفون وخلال شهر وينقطع وتصدر الفاتورة 1600 ريال وتركهم ولا اعطيهم شي لما طالت السالفه لمدة سنه وهم يتصلون علي قالوا انت صاحب الرقم ورقم السجل قلت نعم قال في عرض خصم 30% من الفاتورة اتوقع المشاكل والفواتير من خدمة العملاء يظيفون المبلغ اللي يبونه ويخصمون على كيفهم .
21.
13:49:21 2013.11.09 [مكة]
الله يجزيكم خير تم السداد وجاري تحويل الشريحه لسوا والله ياجماعة الخير اخلي المبلغ ما اسدده وش.يضمن لي اني اعيش واسدده بعدين? انا اعتبره من الدين والدين يعلق الانسان بسببه بين السماء والارض لا يحاسب حتى يسد دينه
22.
عضو قديم رقم 301800
13:56:27 2013.11.09 [مكة]
انا. معا. ابو فيصل. غير شريحتة الى. سوا. افضل. ,,,,,ماتخسر غير 99. الى. 150. اذا كلمت غير سوا.
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!