قصتي مع المرور

بسم الله الرحمن الرحيم
االاخوه الاعزاء على قلبي في مستعمل السلام عليكم ورحمة الله وبركاته..

بحكيلكم الحين قصتين حصلت لأقاربي ووالله هذا اللي حصل..

الاولى..
لي ابن عمه يتيم وعاش بين اباء عمي هو وعمتي عند عمي الكبير بالرياض ونعتبره اخونا ومع بداية هذا الفصل ذهب ليأخذ جدوله الجامعي من جامعة الامام
وهو ماشي في مخرج 9 على ما اذكر قدر الله وجاه واحد متهور ومسرع وشطف سيارة ابن عمتي وحاصت وضربت في الصبات وانقلبت ودخلت في لوحة في الطريق والولد منوم في مستشفى الحرس له مايقارب شهرين الان تأثر العمود الفقري ورجلينه مايحركها وسووله عمليه للفقرات واستبدلوا بعض منها واملنا في الله
الله يشفيه ويقومه بالسلامه طبعا اللي شافوا الحادث قالوا اللي صدمه شرد حسبنا الله عليه واخذوا رقم لوحته وطلعت لسياره ثانيه وليست لنفس السباره اللي ارتكبت الحادث والمرور يقول مانقدر نجيبه.. والله المستعان لكن ربي قادر يجيبه ويبتليه حسبنا الله ونعم الوكيل.

الثانيه..

قبل 6ايام اخي الكبير كفيف اسأل الله ان يشفيه وكان راجع هو واهله مع سواقه وفي احد الاشارات ولعت ومشى السواق ويقطع واحد قدامهم الاساره في الاتجاه المعاكس ويصدمون فيه وطلع الخطأ كامل على السياره اللي قطعت الاشاره مع انه رجال كبير ومعه اهله لكن نسأل الله السلامه..
المهم المرور الى الان ما ألزم المخطي بدفع المبلغ وقالوا لاخوي خذا انت رقم جوال المخطئ واتصل عليه وقله يدفعلك المبلغ
اخي الكبير انسان كفيف وانا ماني في الرياض ولا بروح ادور الشر معهم كيف تخلوني انا صاحب الحق اجلس اطارد في المبلغ وليش ماوقفتوه دامه قاطع اشاره يا اخواني والله مرور الرياض فيه اشياء ماتدخل العقل..

معليش اشغلتكم معي بس قلت يمكن احد منكم قد جرب تعامل مرور الرياض والتسحيب بخلق الله.

كل الردود: 22

عرض:
1.
عضو قديم رقم 341918
00:45:10 2013.11.01 [مكة]
الله يشفي مريضكم ويعوضه بالصحه والعافيه والله يا أخي نرفزني موضوعك. عندنا أنضمه تجيب المرض نظام بدائي لكن ما نقول ألا حسبي الله ونعم الوكيل. ويقولون البطاله كل سنه تزيد يا ناس الأمن قليل الناس كل يوم عن يوم تزيد والدوائر الحكوميه مظغوطه من المراجعين والموظفين قليل تلاقي المكاتب واجده ومافيها الأ أثنين مداومين وكلاً نفسيته في خشمه. لكن حسبي الله ونعم الوكيل.
2.
01:10:25 2013.11.01 [مكة]
الله يشفي مريضكم ويقومه بالسلامه والله يكون في عونكم
3.
02:14:48 2013.11.01 [مكة]
الله يشفي مريضكم ويقومه با السلامه موضوعك أخي الكريم يمكن يكون شمولي مع ناس كثير وهذا بحد ذاته حسب ماذكرت تخلف مروري بل أجزم أن النظام مغيب تماماً لعجز وكسل القائمين على حل هذه الحوادث ولكن ؟؟؟ ولكن ؟! طالما المرور يضع كل ثقله ((((( بساهر )))))) فماذا ترجي من ورائه .. ويكفي أن نقول لاحول ولاقوة إلا با الله العلي العظيم وحسبنا وهو يكفينا مانلاقيه من تهميش مروري وفقدان الأنظمه لكم الله
4.
عضو قديم رقم 344770
05:05:22 2013.11.01 [مكة]
اية هذي مشكلة المرور لي قريب صدمة شخص عاكس الخط اعطي العاكس 75% خطاء واعطي قريبي25% خطاء والسبب انة مسرع وهو لم يكن مسرع فوق سرعت الشارع الي هو موجود فية يعني سرعت الشارع 70 والاخ ماشي 66 والفرامل حصلت على بعد 15 متر تقريبا والحادث قوي رفض قريبي التوقيع على المحضر بسبب 25% لان نجم الي حكم وعندما جاء المرور يقول العسكري هو محقق حوادث مثلي واكيد كلامة صح ؟!!!! ودخل التوقيف قريبي واضطرينا نكفلة ونطلعة ولحد الان سنتين ولا قدر يحصل شي هذا وخصمة عاكس شارع سرعتة 70
5.
09:01:38 2013.11.01 [مكة]
اخي الغالي محمدmk آمين جعل والديك في الجنه فعلا الانظمه عندنا بدائيه وارتجاليه كل من يفهم النظام على كيفه ومايطبقه اسعدني تواجدك..
6.
09:03:15 2013.11.01 [مكة]
اخي الغالي ابوبدر محمد آمين يارب الله يشفيه ويقر عين امه المسكينه فيه ماعندها غير هو وبنت وفقك الله ونورت بتواجدك.
7.
09:06:07 2013.11.01 [مكة]
اهلا اخي الحبيب المتجر العتيق فعلا المرور عندنا اصبح همه ساهر وغيرها ماهناك احد تسلم على تواجدك الجميل
8.
13:15:28 2013.11.01 [مكة]
مرحبا اخي الغالي محمدمراغم سعدت بتواجدك واضافتك الطاسه ضايعه نسأل الله السلامه
9.
13:37:05 2013.11.01 [مكة]
اخواني المرور عندنا من افشل القطاعات الحكوميه ووجوده مثل عدمهم
10.
13:55:08 2013.11.01 [مكة]
مرحبا اخي الغالي مسامح فعلا انا برضه اقول عندهم فشل كببر نورت بتواجدك
11.
13:58:10 2013.11.01 [مكة]
هذا الي يجند اطفال وش راح يحصل
12.
14:18:18 2013.11.01 [مكة]
المرور ومادراك مالمرور والله يافيه مواقف لاخواني معهم وظلم عيني عينك واجد وصعب اني بكتبها لان كل موقف معهم لايقل عن مراجعة ستة اشهر وبهذله وقلت حيا ولكن ماقول الا حسبنا الله ونعم الوكيل
13.
20:20:27 2013.11.01 [مكة]
اخي الغالي الخلاص اللهىالمستعان حتى لوجندو صغار في السن يجب اعطاءهم دورات مكثفه والتعامل معهم بحزم شرفني مرورك
14.
20:23:07 2013.11.01 [مكة]
هلا ابوعبدالرحمن ملاحظ ان الجميع يشتكي من تعامل المرور والمفروض المرور يكثف جهوده لردع الدرباويه والمخالفين وليس لحزامىامان وتجديد رخصه. حياك الله ياغالي
15.
22:36:26 2013.11.02 [مكة]
وين الاعلام عنهم انا مستعد لو بتكلم ممكن يوم كامل اشكي معانتهم وقسم بالله انهم مع الظالم ضد المضلوم وكل مثبت وباوراق رسميه مع ذلك يضيع الحق وتنتهي بالطرد ورحنا للاماره وارسلو تعميد للنظر في القضيه ومع ذلك تضيع وتحفظ بالدرج واخرته تنتهي اما تنهيها ولا عرفنا نتفاهم معك من ضمن المواقف انا مسرع وبجنبي سياره وسيارة المرور واقف بجنب الاشاره ولعت الاشاره حمراء ومسكت بريك والسياره الثانيه قطع الاشاره وهي حمراء وجاني المرور وقال اثباتك قلت ليش قال مانت رابط الاحزام قلت ابشر اربطه الحين لكن الي قطع الاشاره قدامك وبسرعه جنونيه ليش ماتكلم قالي هذاك راح ولاني فاضي الحقه وعطني اثباتك وخذ مخالغتك الله لايوفقه قلت عشاني وقفت يعني لو قطعت الاشاره مالحقتني قال لاتكثر كلام
16.
12:55:45 2013.11.03 [مكة]
المرور فيه ظلم كبير لا شك في ذلك وهناك مماطلة لا أعلم سببها في تشكيل المحاكم المرورية. والتحقيق في حوادث خسائرها عشرات الألوف موكل لعسكر رتبهم تبدأ من جندي وبحد أقصى عريف ليس لديهم الخبرة ولا التأهيل الكافي لهذا العمل. ومن ناحية أخرى التقدير النهائي لتكلفة الإصلاح يكون بيد يمانية وشريطية شيخ المعارض وهذه قصة أخرى.
17.
17:10:54 2014.01.31 [مكة]
الجميع متفق معي ان المرور ليس بالكفاءة المطلوبه
18.
عضو قديم رقم 194440
18:45:53 2014.01.31 [مكة]
جاري عمره 66 سنه متقاعد من شركة الكهرباء , تفاجئ بأن عليه مخالفات ب 9 الاف ريال منها قطع اشاره !! والادهى والامر انه لم يقود سياره في حياته قط !!
19.
22:18:42 2014.02.05 [مكة]
هلا بالغالي axax اكيد سياره بإسمه والمرور يسجل عليها مخالفات بدون مايتحقق من السائق اسعدني تواجدك الرائع
20.
14:54:45 2014.03.04 [مكة]
ولا زال ابن عمتي طايح في المستشفى يعاني من شلل نصفي سفلي والمرور لم يحرك ساكنآ. شكوانا الى فاطر السماوات والارض
21.
15:01:45 2014.03.04 [مكة]
لو ان موضوعك هذا طلع في (سبق) كان لقيت تجاوب بشكل كبير وان شاء الله المرور مايقصرون معاة
22.
06:17:52 2014.09.22 [مكة]
شرشحهم في الاعلام هذا ماحصل مع اخوي ودق على برنامجهم في قناة المجد وخلص موضوعه / او قوم محامي يشتكيهم عند ديوان المظالم بس يكون عندك واسطه عند ديوان المظالم يقبلون القظيه /ديره عجب
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!