استفسار بسيط عن تقسيط سيارة

السلام عليكم ورحمة الله

يقولون الأستعجال نهايته الندم .. فأنا استعجلت وأخذت سيارة بنظام التأجير عن طريق تكافل الراجحي
سنتافي 2013 نصف فل .
وأعطيتهم دفعة ( 30000 ريال )
على خمس سنوات .. بقسط متزايد تم تسديد 10 أقساط
1113 للسنة الاولى .
الي أتمنى أحد يفيدني وله دعوة من قلب
هل أقدر أسدد مبكر
وأيضا هل أستطيع التنازل عن السيارة . لأي شخص وفي أي فرع أم بفرعهم الي بطريق خريص
وما هي شروطهم ..
لأن كل ما اتصل بهاتف التكافل ما أحد يرد والله .
والطامة الكبرى أنني لست من سكان العاصمة وإلا استقعدت لهم

الصور راح أنزلها بعد ما يتفضل أحد الأخوة بإفادتي إن شاء الله .

وصلى الله وسلم على محمد

كل الردود: 5
1.
09:10:03 2013.10.22 [مكة]
الراجحي اخوي ماعنده تنازل ,, فقط سداد مبكر ,, ممكن تنزل السيارة للمعارض وتبيعها ,, ويروح معك الشخص الي اشتراها ,, ويسدد قيمتها للشركه ,, وبعدها الشركه تنقلها باسمه لكن يفضل ,, انك تستفسر كم قيمه السداد المبكر ,, علشان تعرف كم لك و كم عليك والشركه تحسب الي لك و الي عليك ,, وتعطيك المتبقي ,, او تدفع انت المتبقي ,,
2.
08:53:37 2013.10.23 [مكة]
أشكرك على ما أفدتني به. لك ودي واحترامي .
3.
12:22:54 2013.10.23 [مكة]
الله يعينك اخوي .. شوف الراجحي ماعنده تنازل ... لذلك الحل بنظري .. خاصة انك دافع دفعة اولى 30 الالف ريال ومسدد 10 شهور انك تروح لفرع الراجحي حق السيارات وتشوف لو بتسدد مبكر كم بتسدد ... وتعرض السيارة للبيع فقط ... يجي الشخص يشوفها .. ويفحصها وكل شي .. اذا اتفقوا .. تعملوا مبايعة عن معرض وتروحوا انت وياه للراجحي .. يسدد لهم المبلغ كامل ويخلصوا اجراءات السيارة ( تاخذ عندهم اسبوع ) وتطلع الاستمارة ... وبعدين تروحوا المرور تحولوا الاستمارة بإسم المشتري .. ((( الراجحي يطلع الاستمارة فقط بإسمك مايرضى يطلعها بإسم احد ثاني )))) أو انك تروح تأخذ قرض من البنك شخصي .. بنسبة اقل بكثير من نسبة الراجحي وتسدد السيارة كاملة وتنقلها بإسمك ... ويبقى عليك قسط البنك فقط او انك تبيعها ومن قيمتها تاخذ حقك وتسدد البنك حقه وخلاص .... والمتبقى تاخذ فيه سياررة مستعملة نظيفة
4.
18:50:52 2013.10.24 [مكة]
أشكركم على الإفادة القيمة. . وفعلا لابد من دفع المبلغ كاملا اتصلت بالهاتف المصرفي واستفسرت عن السداد المبلغ وطلع مبلغ التسوية. 69854.ألف ريال
5.
18:53:07 2013.10.24 [مكة]
أخي وسيط. فرع الراجحي للسيارات وين مكانه بالضبط هل تقصد إلي بخريص
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!