نزول الاراضي حكي فاضي يتكلمون فيه والحقيقة غير

السلام عليكم
اشتريت ارض ب120الف عام 1432شارعين وجاري يعمر لكن شبو علي الاراضي نازلة ويجبون من القصص كانت تسام بكذا ومعي الخ قصص تقول الحين خلاص استغنو عن الاراضي وانا اصبر شوي الا قلت خلاص زين جابت 120 راس مالها مكسب ههههه على مااسمع من الناس واعرضها واحط عليها لوحة واسبوع وجاي رزقها وابيعها بخسارة الفين الله لايوفق هالمكتب وراعية النصاب تدرون كم باعها
185 الف والي اشتراها باعها ب190الف والي وبعها الاخير ب200الف هالكلام بعد رمضان 1434 ماهو مبطي
وراحت ارضي من عبارة يقولون يامال القولون الي مايبرا
اشو شريت ارض ثانية ب190 شوفو كيف الاراضي نازله بالحيل ماشفنا الا الخرطي

كل الردود: 9
1.
عضو قديم رقم 188144
14:08:02 2013.10.10 [مكة]
مثل ما تفضلت ( خرطي ) ... النزول صار في الأراضي بأطراف المدن اللي مافيها خدمات انخفظت شوي لأنها وصلت لأسعار فوق حقها بسبب المضاربة ... أما الأراضي داخل النطاق العمراني ما أتوقع تنزل ... السكان في زيادة رهيبة والإسكان محد حولك . على العموم ما صار لك مقدر ومكتوب والحمد لله على كل حال .
2.
عضو قديم رقم 101082
14:36:24 2013.10.10 [مكة]
اتوقع راح تنزل نزول بسيط لكن كلام الوزير واضح بآلية توزيع الاراضي والقروض ...راح يستبعد اللي يملك ارض !! ويكون ماهو من ضمن الاولويات هذا اذا كان مقدم على ارض وقرض ولهالسبب فيه ناس كثير ممتنعين عن الشراء واذا تم التوزيع بالخطة المرسومه لها من الوزاره راح تنزل الاراضي الا التجاري ماراح ينزل
3.
22:25:18 2013.10.11 [مكة]
شخصيا ابارك لكل من اشترى وناوي يبني لانه ماينظر للغلا اذا اقتنع بالموقع وكانت لديه القدره على الشراء ولكن عني شخصيا لن اكرر نفس غلط بعض الاقارب الذين تورطو في شراء اراضي بخليج سلمان سابقا اشترو 120 الف وبعد عشر سنوات باعوها من15 الف وسوف انتظر نزولها حتى لوتاخرت خمس سنوات اخرى وبعدها لكل حادث حديث
4.
10:06:37 2013.10.12 [مكة]
واحد من الشباب باع عمارة في منتصف 2008 بـ 720 ألف وكان ناوي يزيد وياخذ عمارة أكبر ووقتها ارتفع الحديد ومعها ارتفع سعر العماير وبصعوبة اشترى عمارة بـ 960 ألف وكثير من الناس قالوا له اشتريت بغالي وليتك صبرت والآن مدفوع له مليون وميتين واحد ثاني شرى أرض قبل ثلاث سنوات ونصف بـ 180 ألف والآن مسيومة بـ 450 ألف نزول العقار كلام في كلام وبعد انتهاء المهلة التصحيحية وبعد ما رفعوا رخص العمل سترتفع تكلفة البناء وايجارات الشقق
5.
23:13:38 2013.10.12 [مكة]
ارتفاع الاراضي في السعودية لامبرر له ولن يرضى عنه ولا عليه ناصح أمين واذا لم تتخذ قرارات وتنظيمات صادقة صارمة تصب في مصلحة المواطن فالعقار سيواصل ارتفاعاته الجنونية وسيصبح عاق لكل مواطن مسكين مغلوب على أمره
6.
عضو قديم رقم 282836
20:03:12 2013.10.13 [مكة]
واللي ما عنده لا ارض ولا قرض ولا قش ولا حتى خروف وش يسوي في هذا البلد اللي فعلا صرت فيها اجنبي
7.
10:53:51 2013.10.14 [مكة]
هيما الله يعينك اخوي ويرزقك من واسع فضله وترا اللي شريت فيه الارضد قروض من البنك تخلص عام 38 وبعدهايبدا قسط موجل 8شهور راتبي مااستفيد منه الا 2000ريال شهري الباقي بفم اخو راجحا وبقية التجار وفوق 17سنه اقصاد باقصاد ينتهي هذا ابدا بهذا
8.
عضو قديم رقم 295008
00:15:05 2013.10.16 [مكة]
انت اتوقع انك بعت ارضك للحاجه وليس خوفا من نزول سعرها اذا كنت ناوي تبني للسكن الركود والنزول موجود وما يبين لنا عامة الشعب بين لكبار التجار والشركات العقارية وراح يستمر الاسعار في الارتفاع حتى لو نزلت قروض عقارية لكل المواطنين لان االاقبال على الشراء موجود والسيوله بتكملها البنوك ولا تنسى انه عندنا تفكير عجيب لو تقول للواحد البيت ابو مليون بيصير عليك بمليونين ونص اقساط وتستلمه الحين يوافق ولا عنده مشكلة
9.
07:17:49 2013.10.19 [مكة]
هلا بmr طارق كلامك سليم لكن بالنسبة للحسبة اللي طرحت ياما راحت فلوس ماستفدنا منها مير تروح بشي نستغيد منه حلو وصار امتلاك بيت حلم ليس من السهل تحقيقه فلا تلومه اذا وضع امامه وقال ادخله الحين والدفع بعدين
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!