المدارس الاهلية و الاعلانات الوهمية

السلام عليكم ورحمة الله
وش سالفه المدارس الاهليه مايمديهم يعلنون اعلان بالجرايد الا ويكتفون من المعلمات والاداريات وكلش
اختي متخرجة من الكليه لها ثلاث سنوات كل ماراحت لمدرسه قالو اكتفينا من اول يوم في الاعلان طبعا بالجرايد والعجيب اللي يقولون اعلان عن طريق الخطا او مايدرون من اللي مسوي اعلان ماشالله على اساس ببلاش الاعلان بالجرايد !!! بس يرفعون المعنويات شوي ويقولون حطي ملفك اذا احتجناك كلمناك وبعدها انسي الموضوع ..
وكان في مدرسه جنب البيت تبنى ولما خلصت التشطيبات وقبل لاتسوى اعلان راحت لهم عشان تقدم لقتها مكتفيه ماشاالله الطاقم كله يعرف بعض
هل الاعلان اجباري عشان شبهه الواسطة تختفى والا وش السالفه ؟!!
الله يالدنيا حتى المدارس الاهليه ماسلمت من شغل الواسطه ... الله يكفينا شر الجاي

كل الردود: 5
1.
19:17:05 2013.09.23 [مكة]
ممكن يكون تسكيت للوزاره أنهم أعلنوا ... وهم متعاقدين مع اللي يبونهم
2.
05:11:43 2013.09.24 [مكة]
حسبي الله ونعم الوكيل
3.
06:26:17 2013.09.24 [مكة]
بعضهم يضع الاعلانات لاخلاء المسؤولية .. بأنهم اعلنوا عن وظائف ومحد تقدم لهم وبعضهم ياخذوا اوراق المتقدمات ويختاروا بينهم .. طبعاً يختاروا الأقل حظاً وتعليماً وفرصة للعمل ( هذا قالي اياها واحد صاحب شركة اعرفه ) حيث يستطيع ان يتحكم في مقدار الراتب المقدم له ... ك اقل راتب ممكن .. بالاضافة إلى إختيارهم لكبار السن .. حتى يظمن انه مايمشي من عنده .. لهم قوانين داخلية في الموارد البشرية التابعة للشركة .. لنوعية الموظفين المطلوبين ..
4.
عضو قديم رقم 316684
16:31:41 2013.10.28 [مكة]
والايعلن الخميس والجمعة يقول اكتفينا هذي بهرجة قدام الوزارة شوفونانوظف سعوديات وفي الحقيقة نص المدرسات اجانب لانهم ثلاثة في واحد كوكتيل تدرس جميع المواد وفي النهاية لم يرسب أحد وانظمة الوزارة مضروبة عرض الحائط والمشرفات والمشرفين يقيمون على الماشي الكلام عن تجربة ومن شهود تقدم السعودية وبعدهااجنبية وتقول انها جت قبلك وانتي تاخرتي اذاشافوها مسندرة قالوا الاجنبية معهاشهادة من دلا قران معها خبرة وووو المهم يقلعون السعودية باي حيلة
5.
23:43:38 2014.01.17 [مكة]
علشان لما يرفعون طلب فيز من وزارة العمل ماترفض بحجة انهم أعلنوا ولم تتوفر حتى من الاعلان بالجريدة
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!