تجارب ضحايا النصب للعبرة والفائدة

احبتي
فتحت هذا الموضوع حتى يستفيد الجميع من تجارب من وقع ضحية للنصب والاحتيال
من لديه تجربة يرويها للعبرة والفائدة

كل الردود: 7
1.
11:50:53 2013.09.20 [مكة]
انا صارت لي سالفة مع احد الاعضاء من موقع مستعمل لكن والله ناسي اسمه لكن الله ماهو ناسيه شراء مني فورد 99 ماركيز عنابي وكان الفورد يحتاج شغل شوي كفرات على تنجيد المهم اتفقنا على المبلغ وعطاني نصه وقال انا بشتغل بالموتر هل يومين على شان ننقله على طول يومين بس قلت له اوكي بحسن نيه بعدها ادق عليه مايرد ويوم دقيت عليه من رقم غريب وبعد مانزلت علي قسيمة ساهر رد علي قلت انا صاحب الفورد الي انت شريته قالي ماشريت منك شي يارجال منا منا جحدني قلت اوكي طرت على اقرب مركز شرطه وبلغت ان السياره مسروقه والله يعوضني طبعا لي سنتين الى الان ولا شفت السياره ولكن العوض بالله وهو بيوم الجمعه الله لايسامحه ولايحلله ولايبيحه لادنيا ولا اخره حي ميت الله لايسامحه
2.
12:01:26 2013.09.20 [مكة]
من عاش بالحيلة مات بالفقر واين يذهب من الله ولكن على الانسان ان لايسلم دقنه لاحد ويتخذ جميع الاحتياطات التي تحفظ له المطالبة بحقة في حال انكار الطرف الاخر يعني اعقلها وتوكل
3.
12:28:20 2013.09.20 [مكة]
ابو سعود والله لاقام ولاقعد الفورد ولاراح يغنيني ولايفقرني ولو قالي مامعي غير هل مبلغ كان قلت بحل لكن يجحد ويتعذر بالحج وهو ياكل حرام ولايخاف الله خل ربي يحاسبه وانا طلبت العوض من ربي وانتهاء
4.
12:32:30 2013.09.20 [مكة]
الخلاص الله يعوظك باخير منه دنيا واخره ولكن زمانك هذا كما اسلف ابو سعود ماحد يسلم دقنه لاحد اي لاتوثق باحد زياده عن اللزوم الاحتياط واجب وربك كرييم
5.
12:34:41 2013.09.20 [مكة]
صدقت انت وابوسعود المشكله ياخي حسن النيه احسن الظن واخر شي تنظلم
6.
عضو قديم رقم 193459
21:48:41 2013.09.20 [مكة]
محاولة نصب وليست نصب .. واحد ممنوع من قيادة السيارات نظاما .. جاي مسرع وحدني على مشروع بالطريق وتلفيات بموتري .. المهم تقدير تكلفة القطع تخطى حاجز ال5000 لذلك تم تحويلنا على شيخ المعارض وقدر الموتر ب35000 ريال قبل الحادث وبعد الحادث 5000 ريال .. والفرق يدفعه المتسبب وهو 30000 ريال . طبعا الرجال اقاربه مسوين واصلين .. وساطات وتم الافراج عن المتسبب بكفالة بحكم ان التامين لايغطي المركبة .. كفيله هذا مسوي فيها متعجرف ومتكبر مايحضر المواعيد عند المرور ويرسل مصري كذاب نمرة واستمارة نيابة عنه .. المهم في الاخير استلمنا الشيك .. بعد 3 اسابيع . ولم يكتفي بذلك عندما اصر رجل المرور بتسليم المتسبب بالحادث لقطع الغيار التالفة وسالت بعض العسكر بالمرور فوجدتهم منقسمين مابين مؤكد ومابين معارض .. لكن حسيت فيها نصبة .. لان الكفيل يرسل رسايل على جوالي يدعي بالسؤ .. اخيرا قلت الموتر ماني مصلحه يبغى يشتريه بال5000 يجيبها .. رفض . اخير بعته ب8000 وافتكيت من تعبه ويعوضني الله .. بس ياترى هل له حق فعلا في استلام القطع التالفة لان العسكري يقول اعطاكم مقابل القطع وكانه اشتراها منكم .. يصح هذا في نظام المرور والسيارة اعتبرت تالفة عندما تم الاكتفاء بتقدير شيخ المعارض .. اسفين للاطالة .
7.
21:58:17 2013.09.20 [مكة]
زميلي بالمكتب للاسف مشهور بقبول الرشاوي والسرقه الى درجة يضحك على المساكين ياجماعه يبيع وظايف بالكذب واذا حشروه جاب لهم وظيفه مؤقته في حافل ههههههههه المهم نصب علي اتصل وقال فيه دوسري جالب حلال ومحتاج مريته وعطيته فلوس والى يومكم قليل الحيا وجهي بوجهه كل يوم اكلمه لكن للاسف اذا غابت مخافة الله وش نقول
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!