حي 91 بالدمام وش فيه ؟

السلام عليكم

جاني تكليف لمدة سنة ونص بالدمام ومالكم بالطويلة جيت ادور سكن وكلمت بعض القرايب والمعارف وكنت ابي اسكن بحي 91 حي بدر عشان مقر العمل هناك
وكلهم نصحوني ماسكن بحي 91 يقولون موب زين ومن هالكلام بس مافهمت وش العلة بالضبط

ياليت اللي فاهم وش علته يفهمني جزاكم الله خير

كل الردود: 9
1.
16:44:45 2013.09.10 [مكة]
ماعليك منهم مافيه الا العافية ان كان قريب من عملك اسكن
2.
17:23:40 2013.09.10 [مكة]
ما ودي اطول الكلام لكن عزالله قرايبك ومعارفك نصحوك نصيحه تنشرى بفلوس . فر من هذا الحي فرارك من الأسد , الهجاج...لا تسكنه ولا تجيه
3.
21:44:05 2013.09.10 [مكة]
اخي الكريم اقرب توصيف للحي كأنه حي النسيم اذا انت تعرفه وانت افهم
4.
22:05:46 2013.09.10 [مكة]
ما فيه الا العافيه بس تكثر فيه عمائر العزاب في جميع الشوارع التجاريه وينطبق عليه حي 71
5.
عضو قديم رقم 111982
23:19:34 2013.09.10 [مكة]
الحي جيّد لكن اذا بتشتري بيت .. أرفع السور قد ما تقدر الحرامية واجد ههه ترى صحيح ما امزح
6.
00:32:39 2013.09.11 [مكة]
انا انصحك اسكن 71 وهو.جنب 91 لكن مختلف عنه كثير بالامان والشوارع والسكان وحاول خذ جنب المواساه اذا سكنت بتعرف بنفسك الفرق بالتوفيق
7.
03:32:42 2013.09.11 [مكة]
فية سرقات ومشاكل هواش مخدرات سكارى باليل يعني حي معروف بالمشاكل والعزابية روح حي غيرة افظل لك اذا بتشتري راحتك
8.
13:10:06 2013.09.11 [مكة]
حاول تبتعد قدر الإمكان روح الفيصلية مقابله وحي راقي وهادي وممتاز وبالتوفيق
9.
14:26:47 2013.09.11 [مكة]
لا أنصحك بالسكن فيه ولا حتى قريب منه , حاول تبتعد بسبب كثرة العزابية وازعاج السرابيت بالليل , ناهيك عن السرقات والخمور أحد الاصدقاء ساكن فيه خرابة " شقة " وزرتة وشفت جيرانة رامين السنير في الزبالة عيني عينك ! هذا غير الازعاج والحي ليس مختلط يعني ما يصلح
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!