زميلي عزمنا على ذبيجه طبختها زوجته رايكم

اول مره انعزم على ذبيحه مطبوحه منزليا وصراحه كانت مفاجاه من العيار الثقيل انا طبعا كانت عندي مشاعر متضاربه الاولى ذكوريه مطلقه في الفخر بوجود هذا النوع من النساء في مثل هذا الزمن ومشاعر اخرى انسانيه من ناحيه الجهد والتعب الذي اصاب زوجة زميلنا فلك ان تتخيل طبخ ذبيحه المساله مو لعبه هالوقت لو قلنا لربعنا نبي نواشف تمططو مو ذبيحه!!!رايكم

كل الردود: 19

عرض:
1.
12:17:00 2013.09.03 [مكة]
مو شي غريب بالنسبه لي الحمدالله مو طبخ بس لا عندنا لبن وهذاا مو موال طويل ولدتي علمت بناتنا وحريمنا
2.
عضو قديم رقم 131016
13:13:11 2013.09.03 [مكة]
هذا متزوج وحده من جيل الطيبين ودي أقول لها أولا الله يعطيك العافيه وثانيا بالله وش نفع التعب والكرف لأمهاتنا الا آلام الظهر والركب والضغط والسكر وووو الحمد لله دام فيه مطابخ ومطاعم الله لايغير علينا وثالثا المطاعم تفننوا في طبخ الذبايح وشولو القلق والكركبة والقدور ووووو تذكرت واحد مره عزمنا في بيته وحضر العشاء وقال ان الذبيحة من طبخ زوجته يبينا ننبسط أقسم بالله مالها طعم ضيعت أم اللحم والرز حب اللهم لك الحمد : الحمد لله على النعمه
3.
13:33:13 2013.09.03 [مكة]
الله يكثر جنسها ، التعب منسي ، علما انها ماهي غريبه . الغريب ان فيه احد يستغرب ، الواحد يحرص على بنات التربيه الأصيلة . انا أتكلم عن اهل الباديه وأهل الحاضره ، الدنيا لازم لها خشانه ولاننسى اصولنا ، الدنيا الله يكفينا شرها ماهي دايمه لحد ، وحتى طبخ المطابخ من يضمنه كله كراتين بندول عشان ينجح بسرعه.
4.
عضو قديم رقم 249947
14:00:28 2013.09.03 [مكة]
حسستني اني عايش بكوكب ثاني ... وش اللي غريب بالموضوع ؟؟
5.
عضو قديم رقم 250387
14:25:23 2013.09.03 [مكة]
اذكرو الله يا جماعه سوت خير ولقت حسد ههههههههه
6.
عضو قديم رقم 314819
16:24:47 2013.09.03 [مكة]
الله يبارك فيها ويعطيها العافيه ..ترى فيه بنات هاليومين ع شكل عجايز بس والله يرفعون الراس فيه بنات قياديات يعطون اوامر وفيه بنات بالمطبخ محد يدري عنهم طبخ ونفخ وكرف والله انو فيه بنات براد شاي ماتعرف
7.
16:28:48 2013.09.03 [مكة]
ووين المشكله ؟؟؟ بدل ما تعطي المطبخ 200 عطها لزوجتك , يكفي أن تاكل شي نظيف لان المطابخ ماتدري عنهم , ياشيخ عندنا حريم ولله الحمد تطبخ ذبايح مو ذبيحه بس هنا بالخليج الرفاهيه الزايده هي اللي خربت الرجال قبل الحريم ,,,
8.
16:32:02 2013.09.03 [مكة]
قولوا ما شاء الله واذكروا الله
9.
عضو قديم رقم 193459
20:30:39 2013.09.03 [مكة]
انت صادز .. بس وين الصورة طيب .. يبان الطبخ المنزلي من الطبخ الملفق .
10.
عضو قديم رقم 295666
00:15:42 2013.09.04 [مكة]
يكفيك ان المطابخ يطبخون الرز من مرق ذبائح الله العالم اللي كبيره بالسن واللي فيها خوارج ..الخ
11.
08:52:02 2013.09.04 [مكة]
ماشاء الله تبارك الرحمن الله يوفقهم جميع هذي امه دعت له الله يسعده وهذه من جيل الطيبات مو جيل الوتساب الله يوفقك
12.
09:30:02 2013.09.04 [مكة]
ماشاء الله.. مع وبقوة رد 2 وش جاب لامهاتنا التعب وهشاشة العظام والارهاق . الله يقويها...امي الى الان تطبخ الذبيحة بالمطبخ او بالحوش ..وتحوفها حووف ونساعدها..صرنا اكثر شي نوديها طباخ معروف ..200 ريال ولا تعب امي...مافي شي يحرز هالكرف كله اكل وماحد ميت جووع...وغالبا المكروفه زوجها مبهدلها والرفلا لها قدرر هالزمن غريب والله.. هذا رايي بصدق.
13.
09:56:54 2013.09.04 [مكة]
اذكرو الله على الحرمه لاتجي نفس احد فيك بهاء وتجيبون فيها العيد
14.
عضو قديم رقم 157399
10:21:04 2013.09.04 [مكة]
اعرف شخص جاء يزور اهله بعد شهر العسل في ديرتهم وصل بعد العصر وكان ابوه رجال كبير في السن وماعرف ان ولده جاي . دق الشايب على العامل بالمزرعة وقال جهز لنا الخاروف الاسمر الجذع قال المصري نص ساعه ياعم واجيبه مسلوخ للبيت وهو يتقهوا مع ولده جاء الخروف بالكرتون جات البنت وسلمت على عمها ابو زوجها قال يابنتي عمتك تزور اختها ويمكن تأخر واطبخي عشانا قامت البنت وشالت الذبيحه هي وزوجها وبعد صلاة العشاء وعمتها داخله البيت وهي بالمطبخ تذوق المرقه جاهزة اللحمه وغاسله الرز جاهزه انحرجت من زوجة بنتها ولكن اصحبوا عائلة وحده من خلال موقف واحد حنا ذبحتنا الرسمية الرسمية الامور سهله الرجال يذبح والحرمه تطبخ والجيران يساعدون ونرجع لشعور واحساس الحياه الاول بدون تكلف
15.
16:52:06 2013.09.04 [مكة]
جيل اليوم تطبخ الأندومي فقط
16.
عضو قديم رقم 323623
22:58:05 2013.09.04 [مكة]
حسيت انك بكوكب وحنا بكووكب .لحد يسمعك . بس
17.
23:05:21 2013.09.04 [مكة]
راحت الحرمه فيها خلاص شلل نصفي الحين اذكرو الله يابشر
18.
عضو قديم رقم 173144
04:48:11 2013.09.05 [مكة]
ماشاء الله تبااارك الله وهذي مو شي غريب عندنا خصوصا وانا اعرف شخص تحدووه زملائه وكسب الرهان بعد ليلة الدخله على عشااء ذبيحه والرهان حجز تذكره لشخصين وتحمل تكاليف السفر ويحدده الزوج طبعا والحصيل احلى 12 يوم في اوربا وحجز فنادق خمس نجوم وتحمل تكاليف المواصلات طبعا واهو بس يجيب حقائبه ويركب الطائره
19.
09:44:03 2013.09.05 [مكة]
والله ما هو غريب عندنا ... ولا تطبخ 2 اذا جاء عندنا تمايم للاولاد . يا اخي امر الذبيجة وطبخها سهل .. اذا الزوج عود بيته واهله على هالامور . لا نلوم الزوجات بقدر ما نلوم الازواج .. الي عودوا انفسهم واهلهم على طبخ اليماني والهندي في المطاعم ولا تعلم ماذا يعلمون هناك .
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!