تدرى وش إلى يذبح القلب لاغبت ؟

تدرى وش إلى يذبح القلب لاغبت ؟
إنك تغيب وباقي(ن) منك ذكرى
وتدرى وش اقسى جرح أنا منه ماطبت ؟
جرح الفراق إلى عجز منك يبرا
واكبر خطاى انى علشانك أذنبت
مديت لك كفى والايام غدرا
بس البلا فينى من الوقت ماتبت
بيض النوايا والسواليف عذرا
شابت محاصيل العطا بس ماشبت
وقفت اصد السيل والقاع مجرا
لاشمّلت ذكراك بالضيقة اجنبت
جرح(ن) نكاه الوقت والليل مسرا
لا ياردي الحظ خايب ولا صبت
منك التعاسة عمر والحال قشرا
ماتت فيافى العشق معاد به نبت
كانت رياض الحب بالوصل خضرا
صار اللقاء مثل الثلاثاء مع السبت
ما نلتقى ووجيه الايام غبرا

كل الردود: 0
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!