ايش رايكم بمحل ادوات منزلية ؟؟ ومعقوله انه يدخل هالمبلغ ؟

السلام عليكم ورحمة الله وبركاته

اثناء رحلتي للبحث عن محل فاضي للايجار لعمل محل خاص بادوات كهربائيه وسباكة

وجدت احد الاشخاص اللي اعرفهم في السوق

وقاللي في هنا محل ادوات منزلية صحون ثلاجات شاي كاسات نشارات غسيل ملابس المهم ادوات منزلية

قال الرجال يبغى يبيع المحل ب300 الف مع البضاعه

قلت له وش سبب البيع قال الرجال ماعنده عماله ينقلهم على كفالته وكمان داخل في نطاقات احمر وما احمر ويبغى يصرف المحل

بس اللي فأجاني يوم سألته وكيف شغله قاللي ماشاء الله شغال ويوميا يطلع 10 الف ريال بيع ( مو ربح يعني بيع فقط )
انا قلت بنفسي معقوله !!!!!!!!!!؟؟؟؟؟

فصراحه ترددت كثيرا....المكان هو يعتبر بسوق وبحي شعبي نوعا ما فيه حركة
بس معقوله يوصل بيعه اليومي حول العشرة الاف !!!!!!!!!

والشيء الثاني اللي فاجأني فيه انه قاللي ايجار المحل 30 الف سنوي ومكون من دورين

انا استغربت لاني لقيت محل وياليته وسط السوق الا اخر السوق 5 متر عرض في 7 متر طول ايجاره السنوي 34 الف
وهذاك بوسط السوق ودورين وايجاره 30 الف ؟؟؟؟؟؟

صراحه ترددت كثير

فما ادري يا اخوان انتم ايش رايكم ؟؟

كل الردود: 14

عرض:
1.
11:37:59 2013.08.19 [مكة]
لآ ,, م انصحك لكن اذا تبي تتاكد اجلس معه من اول النهار لاخر النهار وشوف بعينك 10 الاف والا 10 ريالُ,, تبي شغل صحُ ( مغسلة ملابس)
2.
11:40:53 2013.08.19 [مكة]
ndm1411 وين العمال وكم تكلف
3.
11:44:55 2013.08.19 [مكة]
شوف اي شخص يبي يتنازل عن عاملهُ وانت خذهُ ,, اما كم تكلف والله ماددريً // لكن الكل هاب فيها .. مشاريع كثيرًه او انو تشتري عطورات بالجملهُ مره اثنين ثلاث لحد ماتصير تاجر وتتشارك مع احد الهواميرُ ,,
4.
11:47:25 2013.08.19 [مكة]
ايش مشاريع ناجحه واللي اشتغلت فيها
5.
13:12:52 2013.08.19 [مكة]
وزاره العمل قظت على كل المشاريع الصغيره لو تفتح او تشتري محل اول شرط توظف سعودي وراتبه لا يقل عن 3000 ريال بالسنه 36000 ريال وايجار المحل ومصروفات التالف والكهربا والعمال والغريب م ركل محلات ابو ريالين وغيرها ماتشوف اي سعودب
6.
13:16:30 2013.08.19 [مكة]
تصدق فعلا محلات ابو ريالين مافيه وعليهم قوة بيع كنه يعطي الناس فلوس زحمه ولا فيها سعودي
7.
01:45:32 2013.08.20 [مكة]
والله صعبه اخوي ndm1411 اجلس جنبه طول النهار والليل اراقبه شكرا لك اخي عادي على مداخلتك فعلا اخوي محمد 9 وزارة العمل قضت على كل المشاريع الصغيره ثلاثة الف اجيب فيها اثنين عمال باكستان واكرفهم كرف وانا شغال وهم شغاالين وربنا الرازق
8.
01:51:12 2013.08.20 [مكة]
سؤالي وش عقب تصحيح اوضاع العماله من المستفيد من تصحيح اوضاعهم قله ألعماله الان ارتفاع يد العامله اولا الضرائب المفروضه سنويا
9.
02:44:22 2013.08.20 [مكة]
لا تدخل في شي انت ماتفهم فيه
10.
03:54:35 2013.08.20 [مكة]
عليك بنصيحه مكتب عقار مايحتاج توظف احد والله في خير من العمولات يكفي كتابه العقد 5% وغير اداره الاملاك توكل على الله
11.
عضو قديم رقم 258273
07:45:01 2013.08.20 [مكة]
ء عليك بالاستخاره قبل الاقدام . نسال الله لك التوفيق والسداد ء
12.
08:52:58 2013.09.04 [مكة]
جزاكم الله خيرا ووفقكم الله
13.
12:05:25 2013.09.04 [مكة]
تغيير اهتمامك ستت عليك التفكير و فقدت التركيز انصحك بالرجوع الى مشروعك الاصلي و التنفيذ المنطقي و احسن التوكل
14.
13:49:51 2013.10.21 [مكة]
عين العقل الرد من الأخ ريال0 : لا تدخل في شيء ما تفهم فيه .. نصيحة من ذهب ولكن ليت قومي يعلمون
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!