يااخوان فيدوني الله يسعدكم بمشروعين

السلام عليكم ورحمة الله وبركاته اخواني انا افكر افتح محل خضار لكن يقولون يمكن تخيس عندك الخضره ويمكن مايمشي سوقه يقولون لي اشتغل بسكراب الحديد يقولون فلوس وانا محتار الان انا افتح محل خضار ولا اشري زي مايقولون سكراب تكفون فيدوني راس مالي 13 الف وكل يوم تنقص ابغى حل ياالنشامه

كل الردود: 11

عرض:
1.
07:11:07 2013.08.19 [مكة]
انصحك بحكم المبلغ اللي معاك بالخضار والفواكه شف لك محل موقعه تمام ويفضل بجوار جامع كبير وتوكل على الله
2.
08:10:31 2013.08.19 [مكة]
الله يعطيك الف عافيه لكن الاضمن من ناحية الخساره السكراب اخاف ماحصل محل او يكون سعر الاجار غالي ولا استفدت شي والف شكر على ردك ربي يسعدك
3.
08:55:10 2013.08.19 [مكة]
راجع إعلاني لدي لك مشروع مريح بإذن الله
4.
عضو قديم رقم 334864
16:44:42 2013.08.19 [مكة]
المشروع سلمك الله انت الى تحدده بحكم ميولك وخبرتك وانصحك تبدا بمشرع مافيه انتهاء الصلاحيه حتى تتمكن وبعدها براحتك
5.
19:11:52 2013.08.19 [مكة]
ماعندي ميول لك السكراب قد مره اشتغلته مع خالي مساعده له وتقدر تقول اعرف شي بسيط عن السكراب والخضار انا حاب اشتغلها من اول لكن اخاف يطير راس المال ولا استفدنا شي الف شكر لكم اخواني هذا العشم فيكم
6.
22:24:47 2013.08.19 [مكة]
الخضار أفضل ورأس مالها بسيط ولكن موقع المحل هو من يحدد أرباحك وخسائرك
7.
23:56:14 2013.08.19 [مكة]
انصحني وش لون اختار موقع والموقع كل ماكان افضل كل ماكان سعره اكبر وانا راس مالي 13 الف
8.
عضو قديم رقم 185242
14:56:41 2013.09.02 [مكة]
الله يرزقك ويبارك لك في مالك
9.
عضو قديم رقم 341742
14:10:34 2013.09.10 [مكة]
الله يرزقك نصيحتي لك خذلك ونيت غمارة بعشرة الاف والباقي حطه بالخضرة ووقف بمداخل الأحياء وعند المساجد بعد الصلوات والاهم من كل الشيء التوكل ع الله والصبر
10.
17:29:55 2013.09.13 [مكة]
الله يوفقك وييسر امرك
11.
09:30:55 2013.09.17 [مكة]
تحياتي ... محل خضار ممتاز لكن مثل ماقالوا الاخوان يبغالك موقع ( تموينات،جامع،قريبه من العمائر السكنيه ...) فالخضار فيها خير وبركه. استخير الله وتوكل.
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!