كفى بعقولنا استهتارا

السلام عليكم ورحمة الله


اخواني كل عام وانتم بخير
سادخل بالموضوع حرصا على وقتكم
لقد ارتفع ضغطي من شريطية هالايام واعتقد انهم اجانب لان الاسلوب يختلف
واحد يعرض سيارتة ومن ضمن المواصفات يقولك طفاية حريق لا ياشيخ اقنعتني لا شكلك مواصفات خاصة والله ودي ااصكة بجبهته بالطفاية
والا الجميح منزل سعر السيارات تعرفون تصفية مثلا السيرا 2500 HD موديل 2013 ب 115000 ويجي واحد يقول لي 2011 سييرا ب 117000 لا ويقول نطلب الزود طلبوك بالفقر يالكذاب البايع واللي يسوم نفس الشخص
والا يجيك واحد منهم متنح وغبي لا ووقح يقول لك انت وش دخلك يعني اشوفك تسرق وتبيني اسكت انتظر لين يجيني الدور واعترض
وواحد حاط سيارتة وكاتب بحالة الوكالة الممشى 350000 كم شبقى وتلف العالم لا والسعر بعد وكالة لا ويمكن الوكالة ارخص

اسف على الاطالة

كل الردود: 5
1.
05:05:38 2013.08.18 [مكة]
هههههههههههههههههههههههههههههههههههههههههه والله قال واحد بتنزل بعد العيد وهذا الي نشوفه واخر شي تشوف لك حساوي ملحس له كابرس 2006 تلحيس ويقولك ابي فيه 36 ويوم تساله كم ماشي يقولك 372 الف طيب وش باقي والبدي مرشوش الله يخليك رخص لي شوي اشري لي واحد كسره وزبطه وروح ابيعه مثلهم ابرك
2.
05:08:29 2013.08.18 [مكة]
ياصديقي لاترهق نفسك فهذه الأشكا. متواجده في كل مجال وفي كل مكان وإ. تتبعتهم اصابك الضغط والسكر ولكن يحتاج مثلهم لأن تقف بالقرب منه لتشرشحه أمام المشترين ليعتدل ويعتدل غيره
3.
13:23:35 2013.08.18 [مكة]
أكاذيب لا تنتهي وأسعار مبالغ فيها لا ويقول حلالي وأنا حر فيه
4.
عضو قديم رقم 339253
14:15:10 2013.08.18 [مكة]
هههههههههههههههههههههههههههههههههههههههههههههه يترزقون الله يا خي بعدين سيارتك عندك وبخسهم اقصد فلوسهم عندهم
5.
21:01:50 2013.08.18 [مكة]
شكرا لاخواني اصحاب الردود المقولة حلالي وان حر فية خطاء شرعا وقانونا اولا بالشرع لايجوز الاحتكار والغش حتى بالسعر مثلا لو جاهل (سواء بالعقل ام بالعمر ام بالغشم ) اراد ان يشتري مني وانا استغليت جهلة ورفعت علية السعر 3 اضعاف هل يجوز لا والف لا ثانيا قانونا انظر للرابط واعتقد انة كافي http://www.inewsarabia.com/28/%D8%A7%D9%84%D8%AA%D8%AC%D8%A7%D8%B1%D8%A9-%D8%AA%D9%83%D8%AB%D9%81-%D8%AC%D9%87%D9%88%D8%AF-%D8%A7%D9%84%D8%B1%D9%82%D8%A7%D8%A8%D8%A9-%D8%B9%D9%84%D9%89-%D8%A7%D9%84%D8%A3%D8%B3%D8%B9%D8%A7%D8%B1-%D9%88%D8%AA%D8%B3%D9%86-%D9%82%D9%88%D8%A7%D9%86%D9%8A%D9%86-%D8%AC%D8%AF%D9%8A%D8%AF%D8%A9-%D9%84%D9%84%D9%85%D8%AD%D8%A7%D8%B3%D8%A8%D8%A9.htm واللي يقول يترزقون الله وفلوسك عندك وسيارته عندة وين يابو الشباب البلد مو فوضة في قوانين وفي جهات لازم تحترم وفي بعد شرع الله أولا لا يجوز الغش ورفع السلع بالبيع واذا جيت تشتري تبخس الناس حقهم انا مع اللي يبيع للناس مثل ما يبغى يشتري منهم خذ حقك بدون لا يموت الذيب ولا تفنى الغنم
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!