هل يضر اوقف السياره وهي شغاله

من قلب الحدث..اذكروا الله ع السياره

السلام عليكم
يااخوان معاي ماركيز 2008 الموضحه صورتها فوق (ماشاء الله)
وبعض الاحيان اظطر انام بالسياره لمدة حوالي 6 ساعات بالبر مرات ليل ومرات نهار وماالاحظ بالسياره شي غير ان البنزين يروح
لكن اغلب اخوياي خوفوني ان هالشي يضر السياره
ابغى العلم الاكيد من اهل الخبره

كل الردود: 25

عرض:
1.
عضو قديم رقم 334864
12:08:32 2013.08.08 [مكة]
كل عام وانت بخير انا اسويها لاكن اخلى وجه السياره عكس اتجاه الريح والكبوت فاتح وياحبذا يكون ظل لاكن والله ما أرتاح عينى بالحراره ولاكن لاتسويها الا بالظروره داهمك النوم حق ساعه ساعتين اما اكثر ما أنصحك مهما كانت سيارتك جديده والاخوان يفيدونك
2.
12:54:43 2013.08.08 [مكة]
ابتعد عن هذه الحركة لانها تتلف ملحقات السيارة اللي حول المكينة من اسلاك وليات وقطع بلاستيكية مثل الاي بي اس لان الحرارة التي تطردها المكينة لاتخرج من محيط المكينة لان السيارة واقفة وتلك الحرارة تطرد مع مشي السيارة عن طريق اندفاع الهواء لداخل السيارة من خلال الشبك الامامي .
3.
عضو قديم رقم 214261
13:04:36 2013.08.08 [مكة]
هذه الحركة تتلف ملحقات السيارة اللي حول المكينة من اسلاك وليات وقطع بلاستيكية من تجربه وخاصه اذا كان الكبوت مغلق والنتيجه كانت تلف اسلاك البواجي اظافه الى خطر تسلل دخان العادم الى الكابينه فتموت اختناق دون ان تشعر ولاكن لاتسويها الا بالظروره داهمك النوم حق ساعه
4.
13:28:01 2013.08.08 [مكة]
حاول توقف بظل وافتح الكبوت وانشاء الله مابها ضرر على السياره بس انتبه لا تنام وتدوس على البنزين وانت نايم ماراح تنتبه الا والصوت مرتفع
5.
13:43:30 2013.08.08 [مكة]
كلام الشباب على متمه واغلب صانعي السيارات يؤكدون بان هذا الشي يلحق الضرر بقطع المحرك الداخليه والله يرزقك ببيت متنقل تنام فيه مرتاح البال والاعضاء الكرام يارب العالمين :)
6.
عضو قديم رقم 282899
14:41:00 2013.08.08 [مكة]
كان الله بعونك ورزقك السكن والراحه والاطمأنان
7.
16:03:17 2013.08.08 [مكة]
ممكن سؤال وش عملك بالضبط اللي يخليك تنام 6 ساعات في الطرقات انا قلت ممكن أنك كداد بس لك موضوع ثاني تقول فيه أن راتبك 15 الف ! والله يكون في عونك والله ياكثر من عينوه ميت في سيارته وهي شغاله أذا ولا بد خل جزء بسيط من النافذه فاتح
8.
عضو قديم رقم 334982
16:28:44 2013.08.08 [مكة]
والله وانا اخوك تبي نصيحتي اذا ولابد جاك النوم ومضطر افتح اجزاء بسيطه من الدرايش حتى يتوزع الهواء داخل السياره وطفي الموتر ونم لاتنسى تقفل الباب من باب تأمن نفسك .. تجلس بشوي حر ،، ولا تشغل المكيف وانت نايم لان مهما كان سياره حديد ونار ،، لو وقف بها شي فجأه مثل بلف الحراره او غيره بتحتمي وتشب وانت بوسطها الله يكفينا الشر .. للفائدة انا كان معي من فتره تاون كار 2002 ماخذه مخزن ولافيه الا العافيه ماعليه اي ملاحظه من جميع النواحي فجأه وانا رايح للدوام وبأمان الله مشغل المكيف وبالدائري الشرقي في هالزحمات واسمع شي يطنطن ؟؟ قلت يمكن حزام الامان ماعطيته بال ،، وشوي وتجي عيني على الطبلون الا والله عداد الحرارة H على الخط الاحمر اخر شي !؟ بدون مقدمات من قبل ،، وفتحت الدريشه حقتي كامله لاجل لو اشتعل ولا شي وصفطته على الخط الترابي الايمن وكملت بلموزين .. ويوم شيكت في الورشه قال بلف الحرارة وقف معد صار يفتح ،، الشاهد ،، السياره مهما كانت جديده ماتنامن يجب الاحتياط .
9.
عضو قديم رقم 270503
19:55:47 2013.08.08 [مكة]
الله أكبر الله أكبر الله أكبر لا اله الا الله والله أكبر الله أكبر ولله الحمد اللهم صلي وسلم على محمد وعلى آله وصحبه أجمعين ,, أخوي لو سيارتك ديزل أقولك نم وانت قرير العين ومرتاح لأن الديزل عكس البنزين تماما إذا وقفت تلج المحرك والمكيف , لدرجة أن المكينه تكربن من البروده أما البنزين فما أنصحك بتاتا لأنه يحتمي إلا اذا كنت ماشي مع الخط أتمنى اننا افدناك بالتوفيق لك , ومن العايدين الفايزين إن شاء الله
10.
11:20:28 2013.08.09 [مكة]
للاسف كلامكم كله غلط راسلت امريكي خبره 30 سنه في شركة جنرال موتورز تقني وحاصا ع 30 شهادة اكاديميه في مجال السيارات مع درجة الماستر وقال مافي مشكله ابدا لان اغلب السيارات في المصانع شغاله 24 ساعه لمدة 7 ايامم وماتطفى ابدا شكرا على محاولاتكم الفاشله
11.
عضو قديم رقم 334864
12:08:36 2013.08.09 [مكة]
ياخي وش مزعلك دام انك مثقف وعندك علم ليه تسأل كل واحد عطاك الى عنده تقول محاولات فاشله لو اني مكانك ماعد انام الا بسياره عناد فينا حتى اذا رحت البيت نام بسيارتك والله مو بسيط انت دام راسلت امريكي خبير خله ينفعك
12.
13:04:01 2013.08.09 [مكة]
عموما خطر عليك وتلف لسياره هذي الزبده وأنت بكيفك أقسم بالله قبل فترة قريبة توفي جارنا بسبب هذي الحركه على طريق الرياض الدمام نام في سيارته ونوعها دادسون نيسان > وتسلل غاز سام ثم أحترقت السياره بالكامل وهو بداخلها رحمة الله عليه
13.
عضو قديم رقم 334864
13:21:47 2013.08.09 [مكة]
والله العظيم لوقفت على قضيه اخلاقيه شاب وفتاه في خلوه محرمه على احدى شواطي المملكه وهم اموات في جيب تايوتا بسبب الغاز الى ذكروه الاخوان اسأل الله ان يغفر لهم ويسامحهم
14.
عضو قديم رقم 334982
23:14:19 2013.08.09 [مكة]
ماتوقعت ردك كذا (( 10)) ؟؟! ياخي حبينا ننصحك هذا جزانا يعني ياأسفا على الوقت الي ضيعته وانا اكتبلك ردي انكنك مقتنع نم بالسياره الله لايردك يالنفسيه !
15.
23:44:46 2013.08.09 [مكة]
السيارات اللي تكون شغاله 24 ساعه في المصانع سيارات جديده وفي اماكن مخصصه للتجارب و مراقبه يعني اقل شي يحصل للسياره يقدرون يتفادونه بالنسبه لقضية فتح الكبوت تراها خطيره جدا خصوصا إذا كانت هناك رياح شديده يمكن تحذفلك شي داخل الكبوت اوراق او اشياء مرميه على الطريق
16.
00:14:21 2013.08.10 [مكة]
والله ياصاحب الموضوع بعد ردك العاشر أنك بزر وجاهل
17.
عضو قديم رقم 315416
04:47:09 2013.08.10 [مكة]
استغفرالله بس
18.
05:40:42 2013.08.10 [مكة]
شكرا على محاولاتكم الفاشله !!!!!!!!!!!!!!!!!!!!!!!!!!!!!!!!!!!!!! بنص الجبهه عليها سحبه ياصبر الارض عليك ياصاحب الموضوع طيب ليه تسأل من الاساس الحمدلله قرأت ردك رقم 10 قبل لا اشارك
19.
06:46:02 2013.08.10 [مكة]
اسأل الله العلي العظيم أن يرزقك من واسع فضله ويسكنك قصور الدنيا والاخره , انا مع الشباب باأن الوقوف بالسيارة وهي تعمل قد يضر بالسيارة والله يعطيك خيرها ويكفيك شرها
20.
عضو قديم رقم 101082
13:17:19 2013.08.10 [مكة]
وجهة نظري انك ماتنام كذا الا في حالة انك مظطر وانتبه تنام وانت مقفل النوافذ للاخر ... لأنها خطيره المكيف فريون وغاز وماتدري وش يصير وانت نايم لازم تخلي النوافذ مفتوحه لتبديل الهواء وبالنسبة للامريكي اللي استشرته اتوقع ماقلت له عن درجة الحرارة اللي عندنا هههههه وبالتوفيق
21.
06:22:48 2013.11.30 [مكة]
لو قلنا لك مافيها شيء مارضيت وان قلنا تسبب مشاكل ماترضى لكن احب انبهك ان صرفية الزيت و البنزين تزيد معك ع المدى الطويل عدى اتلاف الحرارة عن استهلاكيات الماكينة وماجاورها
22.
عضو قديم رقم 188144
12:42:52 2013.11.30 [مكة]
نام بسيارتك أو جنبها بكيفك ... لكن تراها سيارة عادية وأقل من عادية يعني لا توسوس بالعين ... أكثر ما يتعطل هذا النوع من السيارات انتبه تنقطع فيك .
23.
عضو قديم رقم 145912
15:13:21 2013.11.30 [مكة]
وش أسباب الغاز اللي يتكلمون عنه الشباب وسبب في عدة وفيات ؟
24.
عضو قديم رقم 349956
19:04:43 2013.11.30 [مكة]
ممكن هذا الموضوع يفيدك ! http://www.aloffognews.com/news.php?action=show&id=17259
25.
20:47:58 2013.11.30 [مكة]
إنتبة من بعض الغازات التي تتسرب الي كبينة المركة وانت نايم فأكثر الحالات يموت من يستنشقها
هذا موضوع قديم، وتم إغلاق الردود عليه آلياً.
عرض وسائل التواصل مع الكاتب
تطبيق مستعمل

تصفح بسرعة مع تطبيق مستعمل!